ចង់ចំនេញដាច់ចំណង! នារីម្នាក់ពត់ធ្មេញក្នុងតម្លៃថោក បានមួយអាទិត្យស្រាប់តែមាត់មានសភាពហើមបែបនេះ

ម៉ាឡេស៊ី៖ ស្រ្តីម្នាក់បានកើតមានបញ្ហាហើមបបូរមាត់ និងក្តៅខ្លួនជាខ្លាំង ក្រោយនាងបានធ្វើការពត់ធ្មេញ ដែលមានតម្លៃថោក។ តាមរយៈគណនីបណ្តាញសង្គមផ្លូវការរបស់ស្ត្រីរងគ្រោះបានឲ្យដឹងថា នាងមានឈ្មោះ Azila រស់នៅក្នុងរដ្ឋ Johor ប្រទេសម៉ាឡេស៊ី។ អត្ថន័យនៅក្នុងសាររបស់នាងបានប​ង្ហាញថា មុនពេលកើតមានបញ្ហាដូចនេះមួយសប្តាហ៍នាង បានទៅធ្វើការពត់ធ្មេញនៅក្នុងគ្លីនិកធ្មេញមួយកន្លែង ដែលបានធ្វើការផ្សព្វផ្សាយតាមអ៊ីនធឺណិត ជាមួយនឹងការបញ្ចុះតម្លៃពិសេសត្រឹមតែ RM ១៩០ (៤៧ ដុល្លារអាមេរិក) ខណៈតម្លៃជាមធ្យមនៃការពត់ធ្មេញ គឺថ្លៃជាងតម្លៃនេះជាច្រើនដង។

យ៉ាងណាក្តី ក្រោយទទួលបានសេវាកម្ម ដែលមានតម្លៃថោកមួយនេះ ស្រាប់តែនាងមានបញ្ហាហើមបបូរមាត់ និងក្តៅខ្លួនជាខ្លាំង។ ក្រោយពេលទៅពិគ្រោះយោបល់ ជាមួយនឹងវេជ្ជបណ្ឌិតជំនាញគេបានរកឃើញថា សេវាកម្ម និងការពត់ធ្មេញ ដែលនាងបានប្រើនោះមិនមានអនាម័យទេ​ ដោយវាមានផ្ទុកនូវបាក់តេរី និងមេរោគមួយចំនួន ទើបបណ្តាលឲ្យនាងមានបញ្ហាដូចនេះ។ ដូចនេះសូមលោកអ្នក ប្រុងប្រយ័ត្នជាមួយនឹងរបស់ដែលមានតម្លៃថោក បើមិនចង់មានបញ្ហាដូចក្នុងករណីខាងលើនេះ៕

អត្ថបទ៖ ភក្តី

ប្រភព៖ worldofbuzz