ក្រសួងធនធានទឹក អំពាវនាវ ប្រជាពលរដ្ឋចូលរួមសហការ ប្រើប្រាស់ទឹកដោយសន្សំសំចៃកម្រិតខ្ពស់នៅ ៣ខែដំបូងនៃដើមឆ្នាំ ២០២៥

យោងតាមសេចក្ដីជូនដំណឹងរបស់ ក្រសួងធនធានទឹក និងឧតុនិយម នៅថ្ងៃទី ៣០ ខែធ្នូ ឆ្នាំ ២០២៤ នេះ អំពាវនាវដល់ ស្ថានប័នពាក់ព័ន្ធ អាជ្ញាធរដែនដី និងប្រជាពលរដ្ឋ ជួយសន្សំសំចៃទឹកក្នុងកម្រិតខ្ពស់ចំពោះការប្រើប្រាស់ទឹក សម្រាប់ ៣ខែដំបូងនៃដើមឆ្នាំ ២០២៥ ខាងមុខនេះ។

ក្រសួងធនធានទឹក និងឧតុនិយម ជម្រាបជូនដំណឹងដល់ស្ថាប័នពាក់ព័ន្ធ អាជ្ញាធរដែនដី និងប្រជាពលរដ្ឋចូលរួមសហការ ប្រើប្រាស់ទឹកដោយសន្សំសំចៃកម្រិតខ្ពស់នៅ ៣ខែដំបូងនៃដើមឆ្នាំ ២០២៥ ជាពិសេសតំបន់ជនបទដែលនៅឆ្ងាយ ពីប្រភពទឹក។ ជាមួយគ្នានោះ សូមយកចិត្តទុកដាក់ និងប្រុងប្រយ័ត្នចំពោះអាកាសធាតុ ដែលមានបាតុភូតផ្គរ រន្ទះ និងខ្យល់កន្ត្រាក់ដែលអាចកើតមានច្រើននៅក្នុងខែមេសា និងខែឧសភា ឆ្នាំ ២០២៥៕

ប្រភព៖ ក្រសួងធនធានទឹក និងឧតុនិយម