បុរសនេប៉ាល់ ២នាក់ត្រូវបានចាប់ខ្លួន ក្រោយបានលួចយកក្រវិលពីសាកសពស្រ្តីម្នាក់ ដែលបានបាត់បង់ជីវិតដោយសារទឹកជំនន់

នេប៉ាល់៖ បុរសជនជាតិនេប៉ាល់ចំនួន ២នាក់ត្រូវបានចាប់ខ្លួនក្រោយគេបានប្រទះឃើញពួកគាត់លួចយកក្រវិលពីសាកសពស្រ្តីម្នាក់ ដែលបានស្លាប់បាត់បង់ជីវិតដោយសារទឹកជំនន់ នេះបើយោងតាមការចុះផ្សាយរបស់បណ្តាញសារព័ត៌មាន Mother Ship នៅក្នុងថ្ងៃទី២៨ ខែសីហា។ សកម្មភាពលួចយកក្រវិលពីត្រចៀកសាកសពស្រ្តីរងគ្រោះនោះ ត្រូវបានប៉ូលិសនេប៉ាល់ប្រទះឃើញតាមរយៈវីដេអូមួយ ដែលគេបានថតនិងចែកចាយនៅតាមបណ្តាញសង្គម។

ប្រភពខាងលើបានបន្តថា នៅក្នុងចំណោមបុរសជាជនសង្ស័យទាំង ២នាក់នោះ មានម្នាក់ឈ្មោះ Madan Gurung អាយុ ២៥ឆ្នាំ និងម្នាក់ទៀតឈ្មោះ ​​​​​​​​​​​​​Umesh Chaudhary អាយុ ៣៨ឆ្នាំ។ គួរកត់សម្គាល់ថា ប្រទេសនេប៉ាល់និងតំបន់ទីបេបានរងការវាយប្រហារដោយគ្រោះមហន្តរាយទឹកជំនន់ និងបំណាក់ដីយ៉ាងធ្ងន់ធ្ងរកាលពីពេលថ្មីៗនេះ ហើយគិតត្រឹមពេលនេះតួលេខអ្នកស្លាប់បានកើនឡើងដល់ ៤៨៩នាក់ ខណៈអ្នកបាត់ខ្លួនវិញមានរហូតដល់ជាង ១,០០០នាក់៕

मृतकको कानको मुन्द्रा चोरी गर्ने व्यक्तिहरु नियन्त्रणमा लिएको सम्बन्धमा । pic.twitter.com/pnPlnQPn9j

— Nepal Police (@NepalPoliceHQ) August 27, 2026

អត្ថបទ៖ ភក្តី

ប្រភព៖ Mother Ship