ទីភ្នាក់ងារសារព័ត៌មានរដ្ឋរបស់កូរ៉េខាងជើង បានរាយការណ៍ថា ឧបទ្ទវហេតុមួយបានកើតឡើងក្នុងអំឡុងពេលនៃការបាញ់បង្ហោះផ្កាយរណបចារកម្មយោធា។ ខ្លួនក៏បាននិយាយថា ទីក្រុងព្យុងយ៉ាងគ្រោងនឹងធ្វើការបាញ់បង្ហោះលើកទី២ ឱ្យបានឆាប់តាមដែលអាចធ្វើទៅបាន។ អ្នកនាំពាក្យរបស់រដ្ឋបាលអភិវឌ្ឍន៍លំហអាកាសជាតិ (NADA) បាននិយាយថា ការបរាជ័យនេះបានកើតឡើងដោយសារតែស្ថេរភាពទាបនៃប្រព័ន្ធម៉ាស៊ីនប្រភេទថ្មី និងលក្ខណៈមិនស្ថិតស្ថេរនៃប្រេងឥន្ធនៈដែលបានប្រើប្រាស់។ ប្រភពបាននិយាយថា អ្នកជំនាញនិងអ្នកផ្សេងទៀតនឹងស៊ើបអង្កេតឱ្យបានហ្មត់ចត់អំពីពិការភាពធ្ងន់ធ្ងរ ដែលបានបង្ហាញនៅក្នុងការបាញ់បង្ហោះផ្កាយរណប និងចាត់វិធានការជាបន្ទាន់។ ទីភ្នាក់ងារព័ត៌មានបានរាយការណ៍ថា NADA របស់កូរ៉េខាងជើងបានបាញ់បង្ហោះផ្កាយរណបឈ្លបយកការណ៍យោធា Malligyong-1 ដែលបំពាក់លើគ្រាប់រ៉ុក្កែតផ្ទុកប្រភេទថ្មី Chollima-1 នៅឯមូលដ្ឋានបាញ់បង្ហោះផ្កាយរណប Sohae នៅម៉ោង ៦:២៧ នាទីព្រឹកនៅថ្ងៃពុធ៕ អត្ថបទ៖ លីដា ប្រភព៖ NHK

លោក Keisuke Honda ទើបតែបានចុះចេញពីតំណែងជាគ្រូបង្គោលឱ្យក្រុមបាល់ទាត់ជម្រើងជាតិកម្ពុជា កាលពីពេលថ្មីៗនេះ ក្រោយមិនអាចជួយក្រុមលេងបានល្អ និងអស់ភារកិច្ចក្នុងការដណ្ដើមយកមេដាយ ពីព្រឹត្តិការណ៍ស៊ីហ្គេមលើកទី៣២ ដែលប្រទេសកម្ពុជាគឺជាម្ចាស់ផ្ទះ។ យ៉ាងណាក៏ដោយ លោកគ្រូនៅតែមិនបោះបង់ប្រជាជនកម្ពុជា ដោយកាលពីពេលថ្មីៗនេះ គាត់បាននិយាយថា គាត់កំពុងគាំទ្រអង្គការ Japan Heart ក្នុងនាមជាឯកអគ្គរដ្ឋទូតរបស់អង្គការមួយនេះ ដើម្បីជំរុញដល់ការបើកមជ្ឈមណ្ឌលវេជ្ជសាស្ត្រកុមារអាស៊ី សម្រាប់ការព្យាបាលកុមារដោយឥតគិតថ្លៃ។ លោកបានសរសេរនៅលើបណ្ដាញសង្គមថា៖«Japan Heart ចាប់ផ្តើមផ្តល់មូលនិធិមហាជន នៅថ្ងៃទី២៦ ខែឧសភា ដើម្បីបើកមជ្ឈមណ្ឌលវេជ្ជសាស្ត្រកុមារអាស៊ីរបស់ខ្លួន ដែលផ្តល់ការថែទាំសុខភាពដោយឥតគិតថ្លៃនៅកម្ពុជា។ ក្នុងនាមជាឯកអគ្គរដ្ឋទូតរបស់មន្ទីរពេទ្យថ្មីនេះ ខ្ញុំ Keisuke Honda កំពុងគាំទ្រគម្រោងនេះ។ ក្នុងឆ្នាំ២០១៨ Japan Heart

រដ្ឋាភិបាលរបស់ប្រទេសប្រេស៊ីលបានប្រកាសថា សន្និសីទអង្គការសហប្រជាជាតិឆ្នាំ២០២៥ ស្តីពីការប្រែប្រួលអាកាសធាតុ ដែលត្រូវបានគេស្គាល់ថា COP30 នឹងប្រព្រឹត្តទៅនៅទីក្រុង Belem ក្នុងតំបន់អាម៉ាហ្សូន។ Belem គឺជាទីក្រុងដ៏សំខាន់មួយ ដែលមានប្រជាជន ១.៥ លាននាក់ នៅជិតមាត់ទន្លេអាម៉ាហ្សូន នៅភាគខាងជើងប្រទេស។ វា​នឹង​ជា​លើក​ដំបូង​របស់​ប្រេស៊ីល​ ដែល​ខ្លួនត្រូវធ្វើ​ជា​ម្ចាស់​ផ្ទះ​សន្និសីទ​អាកាសធាតុ​របស់​អង្គការ​សហប្រជាជាតិ។ ប្រធានាធិបតីលោក Luiz Inacio Lula da Silva (Lula) បាននិយាយថា អាម៉ាហ្សូនធ្លាប់ត្រូវបានពិភាក្សាយ៉ាងទូលំទូលាយនៅ រាល់សន្និសីទ COP ដែលគាត់បានចូលរួម។ លោកបានបន្ថែមថា លោកចង់ឱ្យប្រទេសរបស់លោកធ្វើជាម្ចាស់ផ្ទះនៃសន្និសីទនេះ ដើម្បីឱ្យមនុស្សអាចមើលឃើញ និងស្គាល់តំបន់ អាម៉ាហ្សូន

ក្រសួងសុខាភិបាលរបស់ជប៉ុនបានសម្រេចចិត្តផ្លាស់ប្ដូរស្តុកថ្នាំបង្ការជំងឺផ្តាសាយបក្សី H7N9 ទៅជាស្ដុកវ៉ាក់សាំងបង្ការជំងឺផ្តាសាយបក្សី H5N1 ដើម្បីអាចទប់ទល់នឹងមេរោគ ដែលបាននិងកំពុងរីករាលដាលនៅជុំវិញពិភពលោក នៅក្នុងរយៈពេលប៉ុន្មានឆ្នាំចុងក្រោយមួយនេះ។ ចាប់តាំងពីឆ្នាំ២០១៩ ក្រសួងបាននិងកំពុងរក្សាទុកវ៉ាក់សាំងបង្ការមេរោគផ្តាសាយបក្សី H7N9 ដែលធ្លាប់រីករាលដាលនៅប្រទេសចិនអំឡុងពេលនោះ។ ប៉ុន្តែ​ករណី​ឆ្លង​មកមនុស្ស​របស់ H7N9 មិន​ត្រូវ​បាន​គេ​រាយការណ៍នោះឡើយ ចាប់តាំងពីឆ្នាំ២០២០។ ក្រុមអ្នកជំនាញរបស់ក្រសួងបាននិយាយថា ជំងឺផ្តាសាយបក្សី H5N1 ទំនងជានឹងឆ្លងដល់មនុស្សក្នុងពេលដ៏ខ្លីខាងមុខនេះ ហើយវ៉ារ្យ៉ង់កាន់តែច្រើននឹងអាចលេចរូបរាងឡើង ខណៈមានរបាយការណ៍នៃការឆ្លងលើថនិកសត្វរួចមកហើយ។ ដូច្នេះក្រសួង​មាន​គោលដៅ​ស្តុក​ថ្នាំ​បង្ការ H5N1 ​សម្រាប់​មនុស្ស​ប្រមាណ ១០ ​លាន​នាក់​៕ អត្ថបទ៖ លីដា ប្រភព៖ NHK

បុរសក្នុងវ័យជាង ៣០ឆ្នាំម្នាក់ ត្រូវបានចាប់ខ្លួនពីបទបើកទ្វារអាសន្នរបស់យន្តហោះមួយគ្រឿង ដែលបម្រើការឱ្យក្រុមហ៊ុនអាកាសចរណ៍ Asiana Airlines របស់កូរ៉េខាងត្បូង ខណៈពេលដែលយន្ដហោះកំពុងចុះចត។ ជើងហោះហើរលេខ OZ8124 បានហោះចេញពីកោះ Jeju នៅព្រឹកថ្ងៃសុក្រ (ម៉ោងក្នុងស្រុក) និងចុះចតនៅអាកាសយានដ្ឋានអន្តរជាតិ Daegu។ អ្នកដំណើរទាំងអស់ ១៩៤នាក់ មិនបានគ្រោះថ្នាក់ប៉ះពាល់ដល់ជីវិតទេ ប៉ុន្តែអ្នកដំណើរជាច្រើនបានជួបប្រទះបញ្ហាដកដង្ហើម ហើយត្រូវបានបញ្ជូនទៅមន្ទីរពេទ្យ។ ប្រព័ន្ធផ្សព្វផ្សាយកូរ៉េខាងត្បូងបានរាយការណ៍ថា ទ្វារអាសន្នរបស់យន្តហោះនៅផ្នែកខាងក្រោយ ត្រូវបានគេប្រទះឃើញថា បានបើក នៅម៉ោង ១២:៤៥ ថ្ងៃត្រង់។ វីដេអូអ្នកដំណើរដែលបានចែករំលែកនៅលើប្រព័ន្ធផ្សព្វផ្សាយសង្គម បានបង្ហាញពីចំណុចដែលទ្វារបានបើក ហើយមានខ្យល់បក់បោកខ្លាំងដល់អ្នកដំណើរ។ ប្រព័ន្ធផ្សព្វផ្សាយក្នុងស្រុកបានរាយការណ៍ថា កុមារក្នុងវ័យជាសិស្សជាច្រើននាក់បាននៅលើយន្តហោះនោះ ក្នុងដំណើររបស់ពួកគេទៅកាន់ព្រឹត្តិការណ៍កីឡាចុងសប្តាហ៍នេះ។

បើតាមការចុះផ្សាយរបស់សារព័ត៌មាន BBC បានរាយការណ៍ថា ក្រុមហ៊ុនបច្ចេកវិទ្យាសរសៃប្រសាទ Neuralink របស់លោក Elon Musk បានទទួលការយល់ព្រមពីរដ្ឋបាលចំណីអាហារ និងឱសថអាមេរិក (FDA) ជាផ្លូវការ ដែលវានឹងបើកផ្លូវឱ្យ Neuralink អាចធ្វើតេស្តបន្ទះឈីបរបស់ខ្លួននៅលើមនុស្សជាលើកដំបូងបំផុត។ ក្រុមហ៊ុននេះចង់ជួយស្តារចក្ខុវិស័យ និងការចល័តរបស់មនុស្ស តាមរយៈការភ្ជាប់ខួរក្បាលជាមួយកុំព្យូទ័រ ប៉ុន្តែក្រុមហ៊ុនមិនទាន់មានផែនការភ្លាមៗ ដើម្បីចាប់ផ្តើមជ្រើសរើសអ្នកស្ម័គ្រចិត្តធ្វើតេស្ដនោះទេ។ គួររំលឹកផងដែរថា ការដាក់ស្នើពីមុនរបស់ក្រុមហ៊ុន Neuralink ដើម្បីឈ្នះការយល់ព្រមពី FDA ត្រូវបានបដិសេធ ដោយហេតុផលសុវត្ថិភាព នេះបើយោងតាមរបាយការណ៍នៅក្នុងខែមីនា ដោយទីភ្នាក់ងារសារព័ត៌មានរ៉យទ័រ។ ក្រុមហ៊ុន Neuralink សង្ឃឹម​ថា ​នឹង​ប្រើ​មីក្រូ​ឈីប​របស់​ខ្លួន ​ដើម្បី​ព្យាបាល​លក្ខខណ្ឌ​ដូចជា ​ខ្វិន​

រដ្ឋាភិបាល​ថ្មី​របស់ប្រទេសថៃ​នឹង​ត្រូវធ្វើការសម្រេច​ចិត្តថា ​តើ​ពួកគេត្រូវ​គិត​ថ្លៃ​ពីភ្ញៀវ​ទេសចរ​បរទេស​ ឬ​អត់។ ការពិតទៅ រដ្ឋាភិបាល​ថៃ​បាន​អនុញ្ញាត​ឱ្យមាន​គម្រោង​ប្រមូល​ថ្លៃ​ទេសចរណ៍​ពី​ភ្ញៀវ​អន្តរជាតិ ​ចាប់តាំងពី​ខែ​កុម្ភៈ​ឆ្នាំ​នេះ ដោយកំណត់ថា អ្នកដំណើរដែលមកដល់ប្រទេសថៃតាមយន្តហោះត្រូវបង់ថ្លៃសេវា ៣០០ បាត (ជិត ៩ ដុល្លារ) ចំណែកអ្នកដែលចូលតាមផ្លូវគោក ឬសមុទ្រ ត្រូវបង់ថ្លៃត្រឹមតែ ១៥០ បាត។ ប៉ុន្តែសំណើ​នេះ​មិន​ត្រូវ​បាន​ចុះ​ផ្សាយ​ Royal Gazette នោះទេ ដែលមានន័យថា បទប្បញ្ញត្តិ​នៅមិន​ទាន់​ចូល​ជា​ធរមាន​ក្នុង​រយៈ​ពេល​ដែល​បាន​កំណត់ឡើយ។ យោងតាមអាជ្ញាធរទេសចរណ៍ថៃ រដ្ឋាភិបាលថៃថ្មីរំពឹងថា នឹងវាយតម្លៃផែនការឡើងវិញ ហើយនឹងកំណត់ថា តើត្រូវបន្ត ពន្យារពេល ឬផ្លាស់ប្តូរជម្រើសនៃការប្រមូលប្រាក់។ ទន្ទឹមនឹងនេះ សមាគមសណ្ឋាគារថៃរាយការណ៍ថា ម្ចាស់សណ្ឋាគារភាគច្រើនពេញចិត្តក្នុងការពន្យារពេលប្រមូលថ្លៃភ្ញៀវរហូតដល់ឆ្នាំក្រោយ នៅពេលដែលអាជីវកម្មទេសចរណ៍ងើបឡើងវិញកាន់តែប្រសើរ។

តុលាការរបស់ប្រទេស​បារាំង​នឹងធ្វើការ​កាត់ទោស​ជនសង្ស័យ ១៩នាក់ ​ជុំវិញ​ផែនការ​រត់ពន្ធ​មនុស្ស​ ដែល​នាំ​ឱ្យ​មាន​ការ​ស្លាប់យ៉ាងអាណោច​អាធ័ម ចំពោះជនជាតិវៀតណាមចំនួន ៣៩ នាក់​ កាលពី​ឆ្នាំ២០១៩។ ជនជាតិវៀតណាមចំណាកស្រុកទាំងអស់នោះ ​បាន​ស្លាប់​ដោយ​សារថប់​ដង្ហើម ស្របពេលកំពុង​បញ្ជូនទៅ​កាន់ប្រទេស​អង់គ្លេស​ នៅក្នុងឡានដឹកទំនិញខ្នាតធំមួយគ្រឿង។ ពីរនាក់ក្នុងចំណោមជនរងគ្រោះ​ដែល​បាន​ស្លាប់​ក្នុង​សោកនាដកម្ម​នោះ​ មាន​អាយុត្រឹមតែ ១៥ឆ្នាំ​ប៉ុនណោះ​។ សាកសពរបស់ជនរងគ្រោះត្រូវបានគេរកឃើញនៅកំពង់ផែមួយ នៅជិតទីក្រុងឡុងដ៍ កាលពីខែតុលា ឆ្នាំ២០១៩។ ប្រភពបាននិយាយថា កាលពីថ្ងៃអង្គារប៉ុន្មានថ្ងៃមុននេះ ចៅក្រមបារាំងដែលស៊ើបអង្កេតលើឧប្បត្តិហេតុនេះ បានបញ្ជាឱ្យកាត់ទោសជនជាប់ចោទចំនួន ១៩នាក់ ដែលមានអាយុចន្លោះពី ២១ ទៅ ៥៨ឆ្នាំ ជុំវិញសោកនាដកម្មនេះ។ ប្រភពបានបន្ថែមទៀតថា ការស៊ើបអង្កេតជាសកលបង្ហាញថា ជនសង្ស័យភាគច្រើនជាជនជាតិវៀតណាម បារាំង ចិន

ក្រុមហ៊ុនផលិតរថយន្តអគ្គិសនីវៀតណាម VinFast កំពុងប្រមូលរថយន្តដំបូងរបស់ខ្លួនទាំងអស់ ដែលខ្លួនបានដឹកជញ្ជូនទៅកាន់សហរដ្ឋអាមេរិក បន្ទាប់ពីការព្រមានពាក់ព័ន្ធនឹងសុវត្ថិភាព ដែលចេញដោយរដ្ឋបាលសុវត្ថិភាពចរាចរណ៍ផ្លូវហាយវេជាតិសហរដ្ឋអាមេរិក (NHTS)។ នៅក្នុងសេចក្តីថ្លែងការណ៍មួយ NHTS បាននិយាយថា VinFast កំពុងប្រមូលម៉ូដែល VF8 ទាំង ៩៩៩ គ្រឿង ត្រឡប់ទៅវិញ ដោយសារតែមានកំហុស software នៅលើអេក្រង់បង្ហាញ ដែលរារាំងព័ត៌មានសុវត្ថិភាពសំខាន់ៗ ហើយអាចបង្កើនហានិភ័យប៉ះទង្គិចគ្នា។ ទាក់ទង​ទៅ​នឹង​បញ្ហានេះ អ្នក​នាំពាក្យ​ក្រុមហ៊ុន VinFast បាន​បញ្ជាក់​ពី​ការ​ប្រមូល​មក​វិញ ហើយ​បាន​និយាយ​ថា ក្រុមហ៊ុន​នឹង​ចេញ​ការ​ឆ្លើយ​តប​នៅ​ពេល​ក្រោយ។ នៅក្នុងឯកសារដែលបានដាក់ទៅ NHTSA ក្រុមហ៊ុន VinFast បាននិយាយថា ខ្លួនបានដឹងជាលើកដំបូងអំពីបញ្ហានេះ នៅថ្ងៃទី២៧

ប្រធានសមាគមកីឡាបាល់ទាត់ឥណ្ឌូណេស៊ី បានបញ្ជាក់យ៉ាងច្បាស់ថា លោកនឹងមិនធ្វើការដាក់ពិន័យលើក្រុមកីឡាករនោះទេ ព្រោះវាមិនចាំបាច់ត្រូវមានការអន្តរាគមន៍ នេះបើតាមការចុះផ្សាយរបស់សារព័ត៌មាន  Thairath ថ្ងៃព្រហស្បតិ៍ ទី២៥ ខែឧសភា ឆ្នាំ២០២៣។ រំលឹកផងដែរថា ភាពចលាចលយ៉ាងធំបានផ្ទុះឡើង នៅក្នុងជំនួបការប្រកួតបាល់ទាត់អាយុក្រោម ២២ឆ្នាំ រវាងជម្រើសជាតិឥណ្ឌូណេស៊ី និងថៃ ក្នុងព្រឹត្តិការណ៍ស៊ីហ្គេមលើកទី៣២ កន្លងទៅថ្មីៗនេះ។ ភាគីថៃបានចេញសារបង្ហាញពីការខកចិត្ត ហើយបានបើកការស៊ើបអង្កេត និងបានព្យួរការងារបុគ្គលិក និងកីឡាករដែលពាក់ព័ន្ធផងដែរ។ យ៉ាងណាមិញថ្មីៗ​នេះ លោក Eric Thohir ប្រធាន​សមាគម​បាល់ទាត់​ឥណ្ឌូណេស៊ី​បញ្ជាក់​ថា នឹង​មិន​មាន​ការ​ពិន័យ​ដល់​កីឡាករ និង​បុគ្គលិកណាម្នាក់​ឡើយ។ លោកថា៖«ខ្ញុំបានឃើញការដាក់ទណ្ឌកម្មរបស់សមាគមបាល់ទាត់ថៃ វាជាបញ្ហារបស់ប្រទេសនោះ។ យើង (ឥណ្ឌូនេស៊ី) នឹងមិនពិន័យអ្វីទាំងអស់ យើងមិនចាំបាច់ធ្វើអន្តរាគមន៍ទេ ព្រោះនេះគឺជាមេរៀនដែលកីឡាករបាល់ទាត់បានទទួលរួចហើយ។