Lyda
  • អន្តរជាតិ

    តំបន់ចំនួន ៤ របស់ប្រទេសអ៊ុយក្រែន ដែលគ្រប់គ្រងដោយរុស្ស៊ី និងកងកម្លាំងគាំទ្រទីក្រុងមូស្គូ កំពុងរៀបចំធ្វើប្រជាមតិស្តីពីការចូលរួមជាមួយប្រទេសរុស្ស៊ី នៅថ្ងៃសុក្រ ទី២៣ ខែកញ្ញា នេះផ្ទាល់ ហើយការបោះឆ្នោតនេះ កំពុងត្រូវបានថ្កោលទោសយ៉ាងទូលំទូលាយដោយលោកខាងលិចថា មិនស្របច្បាប់ និងជាបុព្វហេតុនៃឧបសម្ព័ន្ធខុសច្បាប់។ ក្រុមមេដឹកនាំដែលលើកបន្តុបដោយរុស្ស៊ីកាលពីថ្ងៃអង្គារ បានប្រកាសពីផែនការសម្រាប់ការបោះឆ្នោតនេះ ខណៈអ៊ុយក្រែនបានបញ្ជាក់យ៉ាងច្បាស់ហើយថា ពួកគេនឹងមិនទទួលស្គាល់លទ្ធផលនៃការបោះឆ្នោតក្រៅច្បាប់នោះទេ។ ការបោះឆ្នោតនៅក្នុងខេត្ត Luhansk, Donetsk, Kherson និង Zaporizhzhia ដែលតំណាងឱ្យប្រហែល ១៥% នៃទឹកដីអ៊ុយក្រែន នឹងត្រូវដំណើរការចាប់ពីថ្ងៃសុក្រ ដល់ថ្ងៃអង្គារ។ ជម្រាបដែរថា ការបោះឆ្នោតប្រជាមតិត្រូវបានពិភាក្សាអស់រយៈពេលជាច្រើនខែដោយអាជ្ញាធរដែលគាំទ្រទីក្រុងមូស្គូ ប៉ុន្តែជ័យជម្នះនាពេលថ្មីៗនេះរបស់អ៊ុយក្រែន នៅក្នុងការដណ្ដើមបានទឹកដីមួយចំនួនធំមកវិញ ក៏បានជំរុញឱ្យពួកមន្ត្រីទាំងនោះត្រូវរៀបចំកាលវិភាគឡើងវិញ។

    September 23, 2022
  • អន្តរជាតិ

    ពលរដ្ឋរុស្ស៊ី​កំពុង​សម្រុក​ចាកចេញ​ពី​ប្រទេស​របស់ពួកគេ ដែលអាចមើលឃើញបាននៅតាមច្រកព្រំដែន បន្ទាប់ពីមានការប្រកាសពីប្រធានាធិបតីរុស្ស៊ីលោក វ្ល៉ាឌីមៀ ពូទីន ឱ្យមានការកែនទ័ពចំនួន ៣០០,០០០ នាក់ នៅទូទាំងប្រទេសកាលពីថ្ងៃពុធ ដែលទំនងជាការកោះហៅសម្រាប់សង្គ្រាមនៅអ៊ុយក្រែន នេះបើតាមការចុះផ្សាយរបស់សារព័ត៌មាន BBC។ យ៉ាងណាក៏ដោយ វិមានក្រឹមឡាំងនិយាយថា របាយការណ៍អំពីការភៀសខ្លួននេះ គឺជាការបំផ្លើស។ ប៉ុន្តែនៅតាមព្រំដែនជាមួយប្រទេសហ្សកហ្ស៊ី គេឃើញមានជួររថយន្តប្រវែងរាប់គីឡូម៉ែត្រ រួមទាំងពលរដ្ឋជាបុរសជាច្រើនដែលកំពុងព្យាយាមគេចពីសង្រ្គាមផងដែរ។ បុរស​ម្នាក់​ដែល​សុំ​មិន​បញ្ចេញ​ឈ្មោះ​បាន​ប្រាប់ BBC ថា ​គាត់​បាន​យក​លិខិត​ឆ្លង​ដែន​មកតាមខ្លួន ​ដោយ​គ្មានរបស់​អ្វី​ផ្សេង​ទៀតទេ ភ្លាមៗ​បន្ទាប់​ពី​ការ​ប្រកាស​របស់​ប្រធានាធិបតីលោក ពូទីន ព្រោះ​គាត់នៅក្នុង​ក្រុម​ដែល​អាច​ត្រូវ​បាន​គេ​បញ្ជូនទៅធ្វើសង្គ្រាម។ សាក្សីខ្លះបានប៉ាន់ប្រមាណថា ជួររថយន្តនៅប៉ុស្តិ៍ត្រួតពិនិត្យ Upper Lars មានប្រវែងប្រហែល ៥ គីឡូម៉ែត្រ

    September 23, 2022
  • អន្តរជាតិ

    មជ្ឈមណ្ឌលគ្រប់គ្រងស្ថានភាពជំងឺ COVID-19 (CCSA) ត្រូវបានគេរំពឹងថា នឹងប្រកាសពីវិធានការជាបន្តបន្ទាប់នៅថ្ងៃសុក្រនេះ ស្របតាមការចាត់ថ្នាក់ជំងឺ COVID-19 ថាជា «ជំងឺឆ្លងដែលកំពុងត្រូវបានឃ្លាំមើល» ខណៈដែលប្រទេសថៃ នឹងឈានចូលយុគសម័យក្រោយជំងឺរាតត្បាត ចាប់ពីថ្ងៃទី០១ ខែតុលា នេះតទៅ។ ក្រសួងសុខាភិបាលថៃបានចេញសេចក្តីប្រកាសចំនួន ២ កាលពីថ្ងៃចន្ទ ដើម្បីចាត់ថ្នាក់ជំងឺ​ COVID-19 ពីជំងឺឆ្លងដ៏គ្រោះថ្នាក់ ទៅជាជំងឺឆ្លងដែលកំពុងស្ថិតក្រោមការឃ្លាំមើល ដែលនឹងមានប្រសិទ្ធភាពចាប់ពីដើមខែតុលា ដោយសារជំងឺ COVID-19 នៅក្នុងប្រទេសនេះ កំពុងមានភាពប្រសើរឡើងជាលំដាប់។ ​អ្នក​នាំ​ពាក្យ​រង​របស់រដ្ឋាភិបាល​ថៃ គឺលោកស្រី Traisuree Traisoranakul បាននិយាយថា វិធានការរបស់ CCSA នឹងគ្របដណ្តប់លើច្បាប់ សុខភាព

    September 22, 2022
  • អន្តរជាតិ

    កូរ៉េខាងជើងបាននិយាយថា ខ្លួនមិនដែលលក់សព្វាវុធទៅឱ្យរុស្ស៊ីនោះទេ ហើយក៏មិនមានគម្រោងធ្វើដូច្នេះនៅពេលអនាគតនោះដែរ បន្ទាប់ពីរបាយការណ៍របស់សហរដ្ឋអាមេរិកបានអះអាងថា ទីក្រុងមូស្គូកំពុងងាកទៅរកទីក្រុងព្យុងយ៉ាង ដើម្បីបំពេញឃ្លាំងស្តុកសព្វាវុធរបស់ខ្លួន។ ពោលគឺមុននេះ មន្ត្រីសហរដ្ឋអាមេរិកបាននិយាយថា រុស្ស៊ីទំនងជាទិញគ្រាប់រ៉ុក្កែត និងកាំភ្លើងធំពីកូរ៉េខាងជើង ខណៈរាល់ចលនាអាវុធរវាងប្រទេសទាំង ២ នឹងបំពានលើទណ្ឌកម្មរបស់អង្គការសហប្រជាជាតិ។ លើសពីនេះទៀតនោះ រុស្ស៊ីក៏ត្រូវបានគេចោទប្រកាន់ដែរថា បានទិញដ្រូនពីអ៉ីរ៉ង់កាលពីខែសីហា ប៉ុន្តែទីក្រុងម៉ូស្គូបានបដិសេធរបាយការណ៍នោះ។ កាលពីថ្ងៃព្រហស្បតិ៍ នៅក្នុងសេចក្តីថ្លែងការណ៍មួយ ដែលធ្វើឡើងដោយប្រព័ន្ធផ្សព្វផ្សាយរដ្ឋកូរ៉េខាងជើង KCNA, មន្ត្រីមិនបញ្ចេញឈ្មោះនៅក្រសួងការពារជាតិកូរ៉េខាងជើងម្នាក់ បាននិយាយថា៖«យើងមិនដែលនាំចេញអាវុធ ឬគ្រាប់ផ្ទុះទៅឱ្យភាគីរុស្ស៊ីពីមុនមកនោះទេ ហើយយើងក៏នឹងមិនមានគម្រោងនាំចេញវាដែរ»។ ខ្លួនក៏បានចោទប្រកាន់សហរដ្ឋអាមេរិក និង កងកម្លាំងអរិភាពផ្សេងទៀត ថាបានផ្សព្វផ្សាយពាក្យចចាមអារ៉ាម ដើម្បីបន្តគោលដៅចំណេញផ្នែកនយោបាយ និងយោធា។ ប៉ុន្តែក្រោយមក អ្នកនាំពាក្យក្រុមប្រឹក្សាសន្តិសុខជាតិអាមេរិក គឺលោក John

    September 22, 2022
  • អន្តរជាតិ

    ប្រធានាធិបតីបារាំងលោក អេម៉ានុយអ៊ែល ម៉ាក្រុង បានរិះគន់យ៉ាងខ្លាំងលើការសម្រេចចិត្តរបស់ប្រធានាធិបតីរុស្ស៊ីលោក វ្ល៉ាឌីមៀ ពូទីន បន្ទាប់ពីលោក ពូទីន បានប្រកាសឱ្យមានការកែនទ័ពបន្ថែមទៀត ដែលទំនងជាការបង្កើនកម្លាំង សម្រាប់សង្គ្រាមនៅអ៊ុយក្រែន។ លោក ម៉ាក្រុង បាននិយាយទៅកាន់អ្នកសារព័ត៌មានកាលពីថ្ងៃពុធ នៅខាងក្រៅមហាសន្និបាតអង្គការសហប្រជាជាតិថា ការប្រកាសរបស់លោក ពូទីន គឺជាកំហុសមួយ ហើយធ្វើឱ្យប្រទេសរុស្ស៊ីកាន់តែនៅដាច់ឆ្ងាយពីគេ។ លោក ម៉ាក្រុង បាននិយាយថា គាត់សោកស្តាយយ៉ាងខ្លាំងចំពោះការសម្រេចចិត្តរបស់លោក ពូទីន ដែលនឹងទាញប្រទេសរបស់លោក ជាពិសេសយុវជនរបស់រុស្ស៊ីចូលទៅក្នុងសង្រ្គាម។ លោក ម៉ាក្រុង បានអំពាវនាវឱ្យមានបទឈប់បាញ់ និងសន្តិភាព។ លោកក៏បានសម្តែងក្តីសង្ឃឹមដោយនិយាយថា មនុស្សគ្រប់គ្នាអាចដាក់សម្ពាធឱ្យច្រើនលើលោក ពូទីន ដើម្បីគាត់បញ្ឈប់សង្រ្គាមនេះ

    September 22, 2022
  • អន្តរជាតិ

    ក្រុមបាតុករកំពុងដើរតាមដងផ្លូវពាសពេញប្រទេសរុស្ស៊ី បន្ទាប់ពីប្រធានាធិបតីលោក វ្ល៉ាឌីមៀ ពូទីន បានប្រកាសពីការកែនទ័ពជាផ្នែក ចេញពីក្រុមឈ្មោះបម្រុងកាលពីថ្ងៃពុធ។ នៅកណ្តាលទីក្រុងមូស្គូ កងកម្លាំងសន្តិសុខបានឃាត់ខ្លួនបាតុករ ដែលបានស្រែកក្ដែងៗ ប្រឆាំងសង្គ្រាម និងប្រឆាំងការកែនទ័ព ហើយបានរុញពួកគេចូលទៅក្នុងរថយន្តរបស់កងកម្លាំង។ ចំណែកនៅ​ទីក្រុង Ekaterinburg ក៏មានអ្នក​តវ៉ា​ត្រូវ​បាន​ចាប់ឃុំ​ខ្លួន​ដូចគ្នាផងដែរ ខណៈក្រុមសិទ្ធិមនុស្សរុស្ស៊ីបាននិយាយថា យ៉ាងហោចណាស់មនុស្សចំនួន ១,២៥១ នាក់ ត្រូវបានឃុំខ្លួន នៅក្នុងទីក្រុងចំនួន ៣៨ ទូទាំងប្រទេស គិតត្រឹមល្ងាចថ្ងៃពុធនេះ។ រំលឹកផងដែរថា លោកប្រធានាធិបតី ពូទីន បានប្រកាសឱ្យមានការកែនទ័ពកាលពីថ្ងៃពុធម្សិលមិញនេះ ដែលទំនងជាការបន្ថែមកម្លាំងសម្រាប់សង្គ្រាមនៅអ៊ុយក្រែន៕ អត្ថបទ៖ លីដា ប្រភព៖ NHK

    September 22, 2022
  • អន្តរជាតិ

    យោងតាមការចុះផ្សាយរបស់សារព័ត៌មាន BBC បានឱ្យដឹងថា ត្រីបាឡែនជាង ២០០ក្បាល បានជាប់គាំងនៅឆ្នេរសមុទ្រក្នុងរដ្ឋ Tasmania របស់ប្រទេសអូស្ត្រាលី យ៉ាងគួរឱ្យព្រួយបារម្ភបំផុត។ ពួកវាត្រូវបានគេរកឃើញនៅតំបន់ Macquarie Harbour នៅឆ្នេរសមុទ្រភាគខាងលិចរបស់រដ្ឋ ដែលធ្លាប់ជាកន្លែងមានការជាប់គាំងស្រដៀងគ្នាដ៏អាក្រក់បំផុតកាលពី ២ ឆ្នាំមុន ខណៈពាក់កណ្តាលនៃហ្វូងត្រីបាឡែនទាំងនោះ គឺហាក់ដូចជានៅមានជីវិតនៅឡើយ។ មូលហេតុនៃការជាប់គាំងនៅមិនទាន់មានការបញ្ជាក់នៅឡើយទេ ប៉ុន្តែក្រុមអ្នកជួយសង្គ្រោះត្រីបាឡែន កំពុងព្យាយាមជួយសង្គ្រោះក្រុមត្រីដែលនៅមានសង្ឃឹមរស់។ ឧប្បត្តិហេតុនេះបានកើតឡើងមួយថ្ងៃ បន្ទាប់ពីមានឧប្បត្តិហេតុដាច់ដោយឡែកមួយផ្សេងទៀត ដែលបានកើតឡើងនៅភាគខាងជើងរដ្ឋ Tasmania កាលពីថ្ងៃអង្គារ ដែលនាំឱ្យត្រីបាឡែនជំទង់ចំនួន ១៤ក្បាល បានស្លាប់ នៅលើកោះ King Island ក្នុងច្រកសមុទ្រ Bass ។ ចំណែកត្រីបាឡែនចំនួន ២៣០

    September 21, 2022
  • អន្តរជាតិ

    ប្រធានាធិបតីរុស្ស៊ីលោក វ្ល៉ាឌីមៀ ពូទីន បានប្រកាសពីការកែនទ័ព «ជាផ្នែក» នៅក្នុងប្រទេសរុស្ស៊ី ក្នុងអំឡុងសុន្ទរកថាមួយ តាមទូរទស្សន៍កាលពីព្រឹកថ្ងៃពុធ។ លោកពូទីនបាននិយាយថា៖«វិធានការកោះហៅនឹងចាប់ផ្តើមនៅថ្ងៃនេះ ថ្ងៃទី២១ ខែកញ្ញានេះ»។ ក្រឹត្យស្តីពីការកែនទ័ពត្រូវបានចុះហត្ថលេខារួចហើយ ហើយលោក ពូទីន ក៏បាននិយាយថា លោកនឹងជូនដំណឹងនេះទៅដល់សមាជិកសភានៃសភាទាំង ២ ជាលាយលក្ខណ៍អក្សរនៅថ្ងៃពុធនេះ។ ការកែនទ័ពជាផ្នែកនេះ នឹងកំណត់គោលដៅលើយោធាបម្រុងរបស់រុស្ស៊ី ដែលត្រូវបានប៉ាន់ប្រមាណកាលពីឆ្នាំមុនថា អាចមានប្រហែល ២ លាននាក់។ លោក ពូទីន បាននិយាយនៅក្នុងការថ្លែងនៅក្នុងវីដេអូ ដែលបានថតទុកនោះថា៖«ពលរដ្ឋដែលបច្ចុប្បន្នស្ថិតនៅក្នុងបញ្ជីឈ្មោះបម្រុងនឹងត្រូវបានហោះឱ្យចូលបម្រើយោធា ជាដំបូង និងសំខាន់បំផុត គឺអ្នកដែលធ្លាប់បម្រើការក្នុងជួរកងកម្លាំងប្រដាប់អាវុធ»៕ អត្ថបទ៖ លីដា ប្រភព៖

    September 21, 2022
  • អន្តរជាតិ

    ប្រធានាធិបតីបារាំងលោក អេម៉ានុយអ៊ែល ម៉ាក្រុង (Emmanuel Macron) បានថ្កោលទោសចំពោះការឈ្លានពានរបស់រុស្ស៊ី ទៅលើប្រទេសអ៊ុយក្រែន ដោយបាននិយាយថា វាតំណាងឱ្យការវិលត្រឡប់ទៅកាន់ចក្រពត្តិនិយម និងយុគសម័យនៃអាណានិគមនិយម។ លោក ម៉ាក្រុង បានថ្លែងបែបនេះទៅកាន់មហាសន្និបាតអង្គការសហប្រជាជាតិកាលពីថ្ងៃអង្គារ ដោយលោកបានបន្ថែមថា ប្រទេសរុស្ស៊ីបានបំពានដោយចេតនានូវធម្មនុញ្ញរបស់អង្គការសហប្រជាជាតិ បើទោះបីជាប្រទេសនេះ ជាសមាជិកអចិន្ត្រៃយ៍នៃក្រុមប្រឹក្សាសន្តិសុខអង្គការសហប្រជាជាតិក៏ដោយ។ ប្រធានាធិបតីលោក ម៉ាក្រុង បាននិយាយថា ទីក្រុងមូស្គូបានសម្រេចចិត្តត្រួសត្រាយផ្លូវសម្រាប់សង្គ្រាមឧបសម្ព័ន្ធនាពេលអនាគត ដែលកើតមានឡើងនៅអឺរ៉ុប អាស៊ី ឬអាហ្រ្វិក។ លោក​ថា នេះ​តំណាង​ឱ្យ​ការ​វិល​ត្រឡប់​ទៅ​ចក្រពត្តិនិយម និង​យុគសម័យ​អាណានិគមនិយម។ លោកក៏បានកត់សម្គាល់ដែរថា កង្វះខាតថាមពល និងអាហារដែលបណ្តាលមកពីការឈ្លានពានរបស់យោធារុស្ស៊ី អាចនឹងធ្វើឱ្យមានការបែងចែកសហគមន៍អន្តរជាតិ។ លោកបានអំពាវនាវឱ្យមានសាមគ្គីភាពក្នុងចំណោមប្រជាជាតិនានា ហើយលោក​បាន​មាន​ប្រសាសន៍​ថា ប្រទេស​ដែលមាន​អព្យាក្រឹត និង​នៅ​ស្ងៀម​សព្វថ្ងៃ

    September 21, 2022
  • អន្តរជាតិ

    ប្រព័ន្ធផ្សព្វផ្សាយបានរាយការណ៍ថា បុរសម្នាក់បានដុតខ្លួនឯងនៅជិតការិយាល័យនាយករដ្ឋមន្ត្រីជប៉ុន នៅថ្ងៃពុធ ទី២១ ខែកញ្ញា ឆ្នាំ២០២២ នេះផ្ទាល់តែម្ដង នៅក្នុងការតវ៉ាជាក់ស្តែងមួយចំពោះការសម្រេចចិត្តរបស់រដ្ឋាភិបាល ក្នុងការរៀបចំពិធីបុណ្យសពថ្នាក់រដ្ឋសម្រាប់អតីតនាយករដ្ឋមន្ត្រីលោក អាបេ ស៊ីនហ្សូ ដែលត្រូវបានធ្វើឃាតកាលពីប៉ុន្មានខែមុន។ បុរស​នោះ​ត្រូវ​បាន​គេ​បញ្ជូន​ទៅ​មន្ទីរពេទ្យ​ ដោយមានការ​​រលាក​ពេញ​ខ្លួន​ ចំណែក​ប៉ូលិស​ដែល​ព្យាយាម​ពន្លត់​ភ្លើង​ក៏​រង​របួស​ផងដែរ នេះបើតាមការចុះផ្សាយរបស់សារព័ត៌មាន Channel News Asia ។ បុរសនោះមានអាយុ ៧០ឆ្នាំ និងបានសន្លប់នៅពេលដែលអាជ្ញាធរចុះទៅដល់ ហើយក្រោយមកក៏បានប្រាប់ប៉ូលីសថា គាត់បានចាក់ប្រេងដុតខ្លួនឯងដោយចេតនា ដើម្បីប្រឆាំងនឹងការប្រារព្ធពិធីបុណ្យសពថ្នាក់រដ្ឋឱ្យលោក អាបេ ស៊ីនហ្សូ។ យ៉ាងណាក៏ដោយ ប៉ូលិស និង​ការិយាល័យ​នាយក​រដ្ឋមន្ត្រី​ បាន​បដិសេធ​មិន​បញ្ជាក់​ពី​ឧប្បត្តិហេតុ​ដែល​បាន​កើត​ឡើងនោះទេ ខណៈក្នុងថ្ងៃពុធនេះផ្ទាល់ គឺជាខួបកំណើតគម្រប់អាយុ ៦៨ឆ្នាំ

    September 21, 2022