រាជធានីភ្នំពេញ៖ នៅថ្ងៃទី១១ ខែមេសា ឆ្នាំ២០២៤ម្សិលមិញនេះ ហេតុការណ៍យ៉ាងសោកសង្រេងចំពោះម្ចាស់ប្រេន Lakamo ដែលត្រូវបានចោរម្នាក់ ចូលទៅប្លន់ដល់ក្នុងផ្ទះ គំរាមទារលុយចំនួន ២០ម៉ឺនដុល្លារ នៅខណ្ឌជ្រោយចង្វារ បានបាញ់ជនរងគ្រោះជាប្តីចំក្បាលបណ្តាលឱ្យបាត់បង់ជីវិតភ្លាមៗ និងម្នាក់ទៀតដែលជាកញ្ញា សុខ លីន តារា TikTok និងជាBA បានរងរបួសធ្ងន់ ត្រូវបានបញ្ជូនទៅមន្ទីរពេទ្យកាល់ម៉ែត។ ក្នុងហេតុការណ៍ខាងលើនេះ មានអ្នកសារព័ត៌មានជាច្រើនបានធ្វើការចុះផ្សាយយ៉ាងព្រោងព្រាតនៅលើបណ្ដាញសង្គម ក្នុងនោះមានអ្នកសារព័ត៌មានជាច្រើនបានចោទសួរទៅ ឧត្តមសេនីយ៍ត្រី អេង ហ៊ី អ្នកនាំពាក្យកងរាជអាវុធហត្ថលើផ្ទៃប្រទេស ដោយឧត្តមសេនីយ៍ត្រី បានបញ្ជាក់ថា ការមិនផ្ដល់ចម្លើយជូនអ្នកសារព័ត៌មាន ព្រោះជាករណីកំពុងធ្វើការស៊ើបអង្កេត ត្រូវរក្សាការសម្ងាត់។ បើយោងតាមប្រភពពីគណនីហ្វេសប៊ុកផេករបស់ កងរាជអាវុធហត្ថលើផ្ទៃប្រទេស

ខេត្តកែប៖ នៅថ្ងៃទី១១ ខែមេសា ឆ្នាំ២០២៤ យោងតាមការចុះផ្សាយរបស់ ស្នងការដ្ឋាននគរបាលខេត្តកែប បានឱ្យដឹងថា អាជ្ញាធរមានសមត្ថកិច្ច បានហៅអាជីវករ ២នាក់ ប្តីប្រពន្ធ មកធ្វើកិច្ចសន្យា អប់រំ ឱ្យបញ្ឈប់សកម្មភាព នាំឱ្យរំខាននិងទារលុយពីភ្ញៀវទេសចរ ដែលអង្គុយនៅទីតាមសាធារណៈតំបន់ឆ្នេរកែប ក្រុងកែប។ តាមរយៈការបង្ហោះវីដេអូរបស់ ស្នងការដ្ឋាននគរបាលខេត្តកែប បានឱ្យដឹងថា អាជីវករ ២នាក់ ប្តីប្រពន្ធ ដែលជាអាជីវករ លក់ដូរនៅតំបន់ឆ្នេរកែប មានទីលំនៅភូមិកែប ក្រុងកែប ខេត្តកែប បានទទួលស្គាល់កំហុស ពិតជាបានប្រព្រឹត្តកំហុសឆ្គង ទារយកប្រាក់ពីភ្ញៀវទេសចរចំនួន ១ម៉ឺនរៀល ដែលអង្គុយនៅទីតាមសាធារណៈរបស់រដ្ឋ កាលពីល្ងាចថ្ងៃទី១០

ខេត្តកំពត៖ យោងតាមការចុះផ្សាយរបស់ ទូរទស្សន៍ជាតិកម្ពុជា ទទក បានឱ្យដឹងថា ឆ្នេរខ្សាច់កម្សាន្តចន្លោះស្ពានឥន្ធធនូ និងស្ពានថ្មី ដែលមានប្រវែងជាង ៦០០ម៉ែត្រ នៅមិនទាន់ស្ថាបនារួចរាល់ទាំងស្រុងនៅឡើយទេ ប៉ុន្តែក្នុងឱកាសចូលឆ្នាំថ្មីនេះ អាជ្ញាធរខេត្តនឹងបើកឱ្យទេសចរចូលលេងកម្សាន្ត ព្រមទាំងបានរៀបចំផ្លូវធ្វើដំណើរ ឈូសពង្រាបខ្សាច់ សម្អាតអនាម័យបរិស្ថាន និងតុបតែងភ្លើងពណ៌នៅតាមដើមឈើរួចរាល់ហើយ។ ភ្ញៀវទេសចរបានលើកឡើង ខេត្តកំពតនឹងកាន់តែទាក់ទាញបន្ថែមទៀត ខណៈដែលសមទ្ធិផលថ្មីៗត្រូវបានបើកឲ្យដំណើរការ។ អភិបាលក្រុងកំពត លោក លាង រឿនសុធី បានប្រាប់ឱ្យដឹងថា ក្រោមការណែនាំ និងចុះអនុវត្តផ្ទាល់របស់ឯកឧត្តម ម៉ៅ ធនិន អភិបាលខេត្តកំពត ឆ្នេរខ្សាច់កម្សាន្តចន្លោះស្ពានឥន្ធធនូ និងស្ពានថ្មី បានស្ថាបនាជិតរួចរាល់ហើយ ប៉ុន្តែដើម្បីអបអរសាទរ និងទទួលស្វាគមន៍ភ្ញៀវទេសចរក្នុងឱកាសបុណ្យចូលឆ្នាំថ្មី

រាជធានីភ្នំពេញ៖ យោងតាមការចុះផ្សាយរបស់ រដ្ឋបាលសង្កាត់ផ្សារកណ្តាលទី១ បានឱ្យដឹងថា នារាត្រីថ្ងៃពុធ ២កើត ខែចេត្រ ឆ្នាំថោះ បញ្ចស័កព.ស.២៥៦៧ ត្រូវនឹងថ្ងៃទី១០ ខែមេសាម្សិលមិញនេះ​ រដ្ឋបាលសង្កាត់ផ្សារកណ្តាលទី១ ដឹកនាំដោយលោក អ៊ុច សារុំ បានចាត់លោកស្រី ឌុល សុភាព ចៅសង្កាត់រងទី១ ដឹកនាំកម្លាំងគណៈបញ្ជាការឯកភាពសង្កាត់សហការជាមួយប៉ុស្តិ៍នគបាលរដ្ឋបាលផ្សារកណ្តាលទី១ ចុះណែនាំអប់រំដល់យុវជន នារីបំរើតាមបារបរទេស និងយុវជន យុវនារីមកពីក្រៅមូលដ្ឋាន ដែលលេងបាញ់ទឹក គប់ទឹក ប៉ាតម្សៅយ៉ាងអនាធិបតេយ្យបង្កការរំខានដល់ប្រជាពលរដ្ឋរស់នៅតាមដងផ្លូវលេខ១១៨ -១៣០-១៣ -១៣៦។ ក្នុងនោះកម្លាំងសមត្ថកិច្ច បានណែនាំអប់រំឱ្យបញ្ឈប់លេងល្បែងទាំងនេះ មិនមែនជាល្បែងប្រពៃណីជាតិខ្មែរទេ ក្រោយពីបានធ្វើការណែនាំអប់រំរួចលោកស្រីចៅសង្កាត់រងបានអនុញ្ញាតឱ្យវិលទៅលំនៅដ្ឋានវិញទាំងអស់គ្នារៀងៗខ្លួន ៕

រាជធានីភ្នំពេញ៖ នៅថ្ងៃទី១១ ខែមេសា ឆ្នាំ២០២៤ យោងតាមការចុះផ្សាយរបស់ ក្រសួងពាណិជ្ជកម្ម បានចេញសេចក្តីជូនដំណឹង ប្រកាសពីតម្លៃលក់រាយប្រេងឥន្ធនៈ នៅតាមស្ថានីយនានាដោយចាប់ពីថ្ងៃទី១១ ដល់ថ្ងៃទី២០ ខែមេសា ឆ្នាំ២០២៤ ត្រូវលក់សាំងធម្មតាតម្លៃ ៤,៥០០រៀល និងម៉ាស៊ូតត្រូវលក់ ៤,២៥០រៀល ក្នុង១លីត្រ។ ហើយតម្លៃនេះបើធៀបនឹងតម្លៃ ដែលក្រសួងបានកំណត់កាលពី១០ថ្ងៃមុន មានការឡើងបន្តិចបន្តួច ដោយកាលពី១០ថ្ងៃមុន សម្រាប់ប្រេងសាំងធម្មតាគឺមានតម្លៃ ៤,៤០០រៀលក្នុងមួយលីត្រ មានន័យថាឡើង ១០០រៀលក្នុងមួយលីត្រ និងតម្លៃប្រេងសាំងម៉ាស៊ូតមានតម្លៃ ៤,១០០រៀល មានន័យថាឡើង ១៥០រៀលក្នុងមួយលីត្រ ៕ ប្រភព៖ ក្រសួងពាណិជ្ជកម្ម Ministry of

ស្រុកគូលែន៖ យោងតាមការចុះផ្សាយរបស់ ស្នងការដ្ឋាននគរបាលខេត្តព្រះវិហារ បានឱ្យដឹងថា នៅថ្ងៃទី១០ ខែមេសា ឆ្នាំ២០២៤ វេលាម៉ោង ១៥៖៥០ នាទី មានករណីក្រុមក្មេងទំនើងធ្វើសកម្មភាពប្រើដំបង ដុំឥដ្ឋដេញវាយគ្នា និងអុកឡុកក្នុងកម្មវិធីសង្ក្រាន្តឆ្នាំថ្មីនៅចំណុចសាលាវិទ្យាល័យហ៊ុនសែនគូលែន ភូមិគូលែនត្បូង ឃុំគូលែនត្បូង ស្រុកគូលែន ខេត្តព្រះវិហារ។ យុវជនក្មេងៗនេះ បាននាំគ្នាជិះម៉ូតូ៣០ទៅ៤០គ្រឿងពីស្រុកត្បែងមានជ័យ និងក្រុងព្រះវិហារ ដើម្បីចូលរួមកម្មវិធីខាងលើនេះ ក៏ផ្ទុះអំពើហិង្សាជាមួយយុវជនមូលដ្ឋាន ត្រូវបានសមត្ថកិច្ចបង្រ្កាបបាន៣នាក់ និងជាច្រើននាក់ទៀតត្រូវបានរត់គេចខ្លួនអស់៕ ប្រភព៖ ស្នងការដ្ឋាននគរបាលខេត្តព្រះវិហារ

រាជធានីភ្នំពេញ៖ យោងតាមការចុះផ្សាយរបស់ រដ្ឋបាលខណ្ឌដូនពេញ បានឱ្យដឹងថា នៅរសៀលថ្ងៃពុធ ២កើត ខែចេត្រ ឆ្នាំថោះ បញ្ចស័ក ព.ស.២៥៦៧ ត្រូវនឹងថ្ងៃទី១០ ខែមេសា ឆ្នាំ២០២៤ លោក ជា ខេមា អភិបាល នៃគណៈអភិបាលខណ្ឌដូនពេញ បានដឹកនាំកម្លាំងចុះត្រួតពិនិត្យការងារសណ្តាប់ធ្នាប់របៀបរៀបរយសាធារណៈ អនាម័យ បរិស្ថាន និងទីតាំងទីបញ្ជាការស្រាលរបស់រាជធានីភ្នំពេញ និងខណ្ឌដូនពេញ និងពាងទឹកដែលបងប្អូនប្រជាពលរដ្ឋសំណូមពរ នៅបរិវេណរមណីយដ្ឋានវប្បធម៌ប្រវត្តិសាស្ត្រវត្តភ្នំ។ រដ្ឋបាលខណ្ឌដូនពេញ សូមគោរពអញ្ជើញលោកយាយ លោកតា អ៊ុំ ពូ មាមីង បងប្រុស បងស្រី គ្រប់ស្រទាប់យុវវ័យមកចូលរួមលេងកម្សាន្តល្បែងប្រជាប្រិយខ្មែរគ្រប់ភេទ

រាជធានីភ្នំពេញ៖ យោងតាមការចុះផ្សាយរបស់ ក្រសួងធនធានទឹក និងឧតុនិយម បានចេញសេចក្ដីជូនដំណឹង អំពីស្ថានភាពធាតុអាកាសនៅព្រះរាជាណាចក្រកម្ពុជាសម្រាប់ថ្ងៃទី១១ ខែមេសា ឆ្នាំ២០២៤។ ក្រសួងធនធានទឹក បានឱ្យដឹងថា សម្ពាធទាបគ្របដណ្ដប់មកលើឈូងសមុទ្រថៃ ព្រះរាជាណាចក្រកម្ពុជា ភាគកណ្តាលនៃអាងទន្លេមេគង្គ និងសមុទ្រចិនខាងត្បូង។ ស្ថានភាពបែបនេះនឹងធ្វើឱ្យចាប់ពីថ្ងៃទី១១ ដល់ថ្ងៃទី១៣ ខែមេសាឆ្នាំ២០២៤៖ ១. តំបន់វាលទំនាប៖ -សីតុណ្ហភាពអប្បបរមា២៦°C និងសីតុណ្ហភាពអតិបរមា៣៧°C។ ខ្យល់បក់មកពីទិសអាគ្នេយ៍ និងទិសនិរតី មានល្បឿនមធ្យម២ម៉ែត្រ/វិនាទី។ ២.តំបន់ខ្ពង់រាប៖ -សីតុណ្ហភាពអប្បបរមា២៦°C និងសីតុណ្ហភាពអតិបរមា៣៩°C។ ខ្យល់បក់មកពីទិសបស្ចិម និងទិសនិរតី មានល្បឿនមធ្យម២,៥ម៉ែត្រ/វិនាទី។ ៣.តំបន់មាត់សមុទ្រ៖ -សីតុណ្ហភាពអប្បបរមា២៥°C និងសីតុណ្ហភាពអតិបរមា៣៥°C។ ខ្យល់បក់មកពីទិសនិរតី

រាជធានីភ្នំពេញ៖ នៅថ្ងៃទី១០ ខែមេសា ឆ្នាំ២០២៤ យោងតាមការចុះផ្សាយរបស់ រដ្ឋបាលរាជធានីភ្នំពេញ បានចេញសេចក្ដីប្រកាសហាមដាច់ខាតចំពោះការបង្ហោះគោម និងការអុជកាំជ្រួចគ្រប់ប្រភេទនៅគ្រប់ទីកន្លែង ក្នុងឱកាសពិធីបុណ្យចូលឆ្នាំប្រពៃណីជាតិ។ រដ្ឋបាលរាជធានីភ្នំពេញ សូមជម្រាបជូនដំណឹងដល់សាធារណជនទាំងអស់ឱ្យបានជ្រាបថា ដើម្បីចូលរួម រក្សាសុវត្ថិភាពបង្ការការពារគ្រោះអគ្គិភ័យក្នុងរាជធានីភ្នំពេញ នាឱកាសពិធីបុណ្យចូលឆ្នាំថ្មីប្រពៃណីជាតិ ឆ្នាំរោង ឆស័ក ព.ស.២៥៦៨ ចាប់ពីថ្ងៃទី១៣ ដល់ថ្ងៃទី១៦ ខែមេសា ឆ្នាំ២០២៤ខាងមុខនេះ ខណៈពេលអាកាសធាតុ កំពុងតែក្តៅស្ងួតខ្លាំង ដែលងាយនឹងបណ្តាលឱ្យមានគ្រោះអគ្គិភ័យកើតឡើងជាយថាហេតុក្នុងរាជធានីភ្នំពេញ រដ្ឋបាលរាជធានីភ្នំពេញ សូមធ្វើការណែនាំដូចខាងក្រោម៖ ១- នៅគ្រប់ទីវត្តអារាម ទីកន្លែងគោរពសក្ការៈបូជា ក្រសួង ស្ថាប័ន មន្ទីរ អង្គភាព ក្រុមហ៊ុន

ខេត្តព្រះសីហនុ៖ នៅវេលាម៉ោងជាង ៩ព្រឹក ថ្ងៃទី១០ ខែមេសា ឆ្នាំ២០២៤ អ្នកឧកញ៉ា ទៀ វិចិត្រ ប្រធានគណៈកម្មាធិការគណបក្សមូលដ្ឋាន ភ្នាក់ងារដឹកជញ្ជូនទេសចរណ៍ជលយាន ខេត្តព្រះសីហនុ បានបញ្ជូនអូប័រពេទ្យ របស់ក្រុមហ៊ុន GTVC ទៅទទួលស្រ្តីមួយរូប ជាភ្ញៀវទេសចរ បានឈឺពោះសម្រាលកូននៅលើទូកកណ្តាលសមុទ្រ យកមកខេត្តព្រះសីហនុ ដើម្បីសង្គ្រោះបន្ទាន់នៅមន្ទីរពេទ្យ។ អ្នកឧកញ៉ា ទៀ វិចិត្រ មានប្រសាសន៍ថា ស្រ្តីខាងលើមានឈ្មោះ សំ ម៉ៃយ៉ា អាយុ ៤០ឆ្នាំ។ ស្រ្តីខាងលើ ត្រូវបានក្រុមការងារ របស់លោកឧកញ៉ា ទៀ វិចិត្រ