កូវីដ-១៩
  • រដ្ឋបាលខេត្តព្រះសីហនុ បញ្ជាក់ថា មានអ្នកជំងឺកូវីដ១៩ម្នាក់វ័យ៦៧ឆ្នាំ បានទទួលមរណភាព
    កូវីដ-១៩
    April 16, 2021 Khmernote Media

    យោងតាមការបញ្ជាក់ពី រដ្ឋបាលខេត្តព្រះសីហនុ បានឲ្យដឹងថា គិតត្រឹមយប់ថ្ងៃទី១៦ ខែមេសា ឆ្នាំ២០២១ នៅខេត្តព្រះសីហនុមានអ្នកជំងឺកូវីដ-១៩ ចំនួន០១នាក់ បានទទួលមរណៈភាព។ អ្នកជំងឺដែលទទួលមរណៈភាព មានអាយុ៦៧ឆ្នាំ ភេទប្រុស ជនជាតិខ្មែរ រស់នៅក្នុងខេត្តព្រះសីហនុ បានចូលសម្រាកនៅមន្ទីរពេទ្យបង្អែកខេត្ត នៅបន្ទប់ដាច់ដោយឡែក នៅថ្ងៃទី១៤ ខែមីនា ឆ្នាំ២០២១ ម៉ោង១៧:៣០នាទី ដោយមូលហេតុ ហត់ខ្លាំង។ នៅថ្ងៃទី១៤ ខែមេសា ឆ្នាំ២០២១ដដែល ក្រុមគ្រូពេទ្យបានយកវត្ថុសំណាករបស់បុរសនេះ ដើម្បីធ្វើវិភាគរកវីរុសកូវីដ-១៩ នៅវិទ្យាស្ថានសុខភាពសាធារណៈ រាជធានីភ្នំពេញ និងនៅល្ងាចថ្ងៃទី១៦ ខែមេសា ឆ្នាំ២០២១ ម៉ោង១៧:២៣នាទី ទទួលបានលទ្ធផលមានវិជ្ជមានវីរុសកូវីដ-១៩

  • ត្រៀមរួចរាល់! សាលសវនាការរបស់សាលាដំបូងរាជធានីខេត្ត សម្រាប់កាត់ក្តីក្នុងករណីអ្នកបំពានវិធានការរដ្ឋបាល និងសុខាភិបាល
    កូវីដ-១៩
    April 16, 2021 Khmernote Media

    យោងតាមគណនីហ្វេសបុករបស់ឯកឧត្តម គឹម សន្តិភាព រដ្ឋលេខាធិការក្រសួងយុត្តិធម៌ បានបញ្ជាក់ថា សាលសវនាការរបស់សាលាដំបូងរាជធានីខេត្ត ត្រូវបានត្រៀមរួចរាល់សម្រាប់កាត់ក្តីក្នុងករណីអ្នកបំពានវិធានការរដ្ឋបាល និងសុខាភិបាល ក្នុងការទប់ស្កាត់ការឆ្លងរាលដាលនៃជំងឺកូវីដ-១៩!។ ខាងក្រោមនេះជារូបភាពភ្ជាប់ជាមួយ៖

  • បន្ទាន់! អភិបាលខណ្ឌពោធិ៍សែនជ័យ ប្រកាសឲ្យបុរសម្នាក់នេះមកធ្វើចត្តាឡីស័ក និងយកសំណាកភ្លាម ដោយសារបានទៅលេងស្រុកជួបប្រពន្ធ ហើយប្រពន្ធគាត់បានកើតជម្ងឺកូវីដ១៩ ដល់ពេលសមត្ថកិច្ចចុះទៅយកសំណាកគាត់ បែររត់មកភ្នំពេញ
    កូវីដ-១៩
    April 16, 2021 Khmernote Media

    យោងតាមការបញ្ជាក់ពី លោក ហែម ដារិទ្ធិ អភិបាលខណ្ឌពោធិ៍សែនជ័យ បានឲ្យដឹងថា បន្ទាន់ បើបងប្អូនណាស្គាល់ ឬឃើញឈ្មោះ ចាន់​ ណា (អតីតជាបុគ្គលិក បុរីភ្នំពេញថ្មី) ម្នាក់ក្នុងរូបថតនេះសូមអោយគាត់ធ្វើចត្តាឡីស័ក្ត១៤ថ្ងៃនិងយកសំណាកជាបន្ទាន់ ឬប្អូន ចាន់​ ណា ផ្ទាល់ សូមកុំរត់គេចអី នាំគ្រោះថ្នាក់ដល់ខ្លួនឬនាំជម្ងឺទៅអ្នកផ្សេងៗ ដែលគ្នាមិនដឹងឬខំស្រលាញ់ប្អូន ហើយប្អូននាំជម្ងឺទៅអោយពួកគាត់នោះ។ ដោយហេតុថា៖ ម្នាក់នេះបានទៅលេងស្រុកដើម្បីជួបប្រពន្ធ ហើយបច្ចុប្បន្ន ប្រពន្ធគាត់បានកើតជម្ងឺ Covid១៩ ដែលកំពុងសំរាកព្យាបាលនៅខេត្ត ពេលសមត្ថកិច្ចខេត្តទៅយកសំណាកពីគាត់នោះ គាត់ក៍បានរត់មកដល់ភ្នំពេញហើយទៅពួនសំងំនៅក្នុងរោងជាងខាងក្រោយវត្តអង្គតាមិញជាមួយកម្មករគ្នាគាត់រយៈពេល២ទៅ៣ថ្ងៃ ដែលកម្មករផ្សេងៗមិនដឹងថាគាត់កើតមានជម្ងឺ Covid ឬអត់មាននោះទេ (ទាល់តែពិនិត្យសិន)

  • អភិបាលខេត្តព្រៃវែង រកឃើញវិជ្ជមានកូវីដ-១៩ ចំនួន៤នាក់ បន្ថែមទៀត សុទ្ធតែជាអ្នកល្មើសបម្រាមលួចមកពីរាជធានីភ្នំពេញ
    កូវីដ-១៩
    April 16, 2021 Khmernote Media

    មុននេះបន្តិចឯកឧត្តម ជា សុមេធី អភិបាលខេត្តព្រៃវែង បានបញ្ជាក់ឲ្យដឹងថា អ្នកល្មេីសបម្រាម លួចចូលមកខេត្តព្រៃវែងថ្មីៗនេះទៀតហើយ បានរកឃេីញវិជ្ជមានកូវីដ-១៩ ចំនួន៤នាក់ បន្ថែមទៀត មកពីរាជធានីភ្នំពេញ។ ឯកឧត្តមបានបង្ហោះនៅលើហ្វេសបុកថា៖ សារបន្ទាន់❗️ អ្នកល្មេីសបម្រាម លួចចូលមកខេត្តព្រៃវែងថ្មីៗនេះទៀតហើយ បានរកឃេីញវិជ្ជមានកូវីដ-១៩ ចំនួន៤នាក់ បន្ថែមទៀត មកពីរាជធានីភ្នំពេញ។ “ការចល័តទីនេះ ធ្វើអោយនាំទុក្ខដល់គេពេញមួយភូមិ ទាំងឪពុកម្តាយ និងសាច់ញ្ញាតិ” ខ្ញុំសូមបញ្ជាឲ្យចាត់វិធានការក្តៅ ការរឹតបន្តឹងការឆ្លងកាត់ និងដាក់អោយធ្វើចត្តាឡីស័កឲ្យបានត្រឹមត្រូវដោយគ្មានការយោគយល់ដាច់ខាត។ ជាការជំរាបជូនជាសាធារណៈផងដែរថា ចំពោះអ្នកលួចចល័តទីដោយមិនគោរពវិធានការរដ្ឋបាលនិងត្រូវប្រឈមនឹងការទទួលទណ្ឌកម្មព្រហ្មទណ្ឌតាមមាត្រា១០ និងមាត្រា១១ នៃច្បាប់ស្តីពីកូវីដ ព្រមទាំងទណ្ឌកម្មរដ្ឋបាលបន្ថែមផ្សេងទៀត បន្ទាប់ពីត្រូវនាំទៅធ្វើចត្តាឡីស័ករយៈពេល ១៤ថ្ងៃរួច។ ខាងក្រោម

  • អាជីវករលក់ដូរក្នុងផ្សារលើ ខេត្តព្រះសីហនុ ចំនួន១៣នាក់ហើយបានឆ្លងជំងឺកូវីដ១៩ សូមអ្នកពាក់ព័ន្ធ ជាពិសេសម្តុំតូបលក់គ្រឿងសមុទ្រ ប្រញាប់មកធ្វើតេស្តជាបន្ទាន់
    កូវីដ-១៩
    April 16, 2021 Khmernote Media

    រដ្ឋបាលខេត្តព្រះសីហនុ បានឲ្យដឹងថា នៅថ្ងៃទី១៥ ខែមេសា ឆ្នាំ២០២១ កន្លងទៅនេះះ ក្រុមឆ្លើយតបបន្ទាន់នៃមន្ទីរសុខាភិបាលខេត្តបានយកវត្ថុសំណាកពីអាជីវករលក់ដូរនៅផ្សារលើ ក្រុងព្រះសីហនុ ដែលមានការពាក់ព័ន្ធជាមួយស្ត្រីជនជាតិខ្មែរចំនួន២នាក់ ជាអ្នកជំងឺកូវីដ១៩ ហើយលទ្ធផលបង្ហាញថា មានអាជីវករ១១នាក់បន្ថែមទៀតដែលមានការពាក់ព័ន្ធដោយផ្ទាល់ជាមួយអ្នកជំងឺកូវីដ១៩ ទាំង២នាក់ខាងលើ គឺមានវិជ្ជមានវីរុសកូវីដ១៩។ សូមអំពាវនាវដល់លោក-លោកស្រី អាជីវករ បងប្អូនប្រជាពលរដ្ឋ ដែលធ្លាប់បានទៅកាន់ទីតាំងតូបលក់ដូរ ជាពិសេសម្តុំតូបលក់គ្រឿងសមុទ្រនៅផ្សារលើ ក្រុងព្រះសីហនុ ឬធ្លាប់បានពាក់ព័ន្ធដោយផ្ទាល់ជាមួយអ្នកជំងឺកូវីដ-១៩ ខាងលើ ត្រូវប្រញាប់រួសរាន់ទៅផ្តល់វត្ថុសំណាកដើម្បីវិភាគរកវីរុសកូវីដ-១៩ នៅផ្សារលើ ក្រុងព្រះសីហនុ នៅវេលាម៉ោង ៣:០០នាទីរសៀល ថ្ងៃទី១៦ ខែមេសា ឆ្នាំ២០២១។ បន្ថែមលើនោះអ្នកពាក់ព័ន្ធដទៃទៀតត្រូវតាមដានសុខភាពផ្ទាល់ខ្លួនជាប្រចាំ ត្រូវពិនិត្យកម្ដៅយ៉ាងតិច ២ដងក្នុងមួយថ្ងៃ ត្រូវសម្រាកនៅផ្ទះបន្ទប់ដាច់តែឯង

  • រាជធានីភ្នំពេញ មានអ្នកឆ្លងថ្មី ២៣២នាក់ បន្ថែមទៀត ខណៈអ្នកឆ្លងសរុបក្នុងព្រឹត្តិការណ៍សហគមន៍២០កុម្ភៈ កើនដល់ ៤៩៣៨នាក់
    កូវីដ-១៩
    April 16, 2021 Khmernote Media

    នៅព្រឹកថ្ងៃទី១៦ ខែមេសា ឆ្នាំ២០២១នេះ ក្រសួងសុខាភិបាលកម្ពុជា បានចេញសេចក្តីជូនដំណឹងពី ការរកឃើញករណីវិជ្ជមានវីរុសកូវីដ-១៩ថ្មី ចំនួន ២៦២នាក់ និងមានករណីជាសះស្បើយថ្មីចំនួន ៧៤នាក់ផងដែរ។ យោងតាមសេចក្តីប្រកាសរបស់ក្រសួងសុខាភិបាល បានបញ្ជាក់ថា អ្នកវិជ្ជមានទាំង ៣៤៤នាក់នោះ គឺសុទ្ធតែជាអ្នកពាក់ព័ន្ធព្រឹត្តិការណ៍ សហគមន៍២០កុម្ភៈទាំងអស់។ ក្នុងចំណោមអ្នកវិជ្ជមានទាំង២៦២នាក់ ក្នុងនោះមានអ្នកវិជ្ជមាននៅរាជធានីភ្នំពេញរហូតដល់ទៅ ២៣២នាក់ មានជនជាតិខ្មែរ ចំនួន ២៣០នាក់ ( ស្ត្រី១១៥នាក់ និងបុរស ១១៥នាក់) និងជនជាតិចិន ចំនួន០១នាក់ ជាបុរស និងជនជាតិវៀតណាម ០១នាក់ ជាបុរស៕

  • ថ្ងៃនេះក្រសួងសុខាភិបាល បន្តរកឃើញអ្នកឆ្លងកូវីដ១៩ រហូតដល់ ២៦២នាក់ ភាគច្រើននៅរាជធានីភ្នំពេញ ខណៈជាសះស្បើយ ៧៤នាក់
    កូវីដ-១៩
    April 16, 2021 Khmernote Media

    នៅព្រឹកថ្ងៃទី១៦ ខែមេសា ឆ្នាំ២០២១នេះ ក្រសួងសុខាភិបាលកម្ពុជា បានចេញសេចក្តីជូនដំណឹងពី ការរកឃើញករណីវិជ្ជមានវីរុសកូវីដ១៩ថ្មី ចំនួន២៦២នាក់ និងមានករណីជាសះស្បើយថ្មីចំនួន ៧៤នាក់ផងដែរ។ យោងតាមសេចក្តីប្រកាសរបស់ក្រសួងសុខាភិបាល បានបញ្ជាក់ថា អ្នកវិជ្ជមានទាំ២៦២នាក់នោះ គឺជាអ្នកពាក់ព័ន្ធព្រឹត្តិការណ៍ សហគមន៍២០កុម្ភៈ ទាំងអស់។ សូមអានសេចក្តីជូនព័ត៌មាននៅខាងក្រោម៖

  • ខេត្តកំពង់ធំ រកឃើញបុរសម្នាក់វិជ្ជមានកូវិដ១៩ ជាកម្មករសំណង់នៅភ្នំពេញ ធ្វើដំណើរគេចប៉ុស្តិ៍ត្រួតពិនិត្យត្រលប់មកស្រុកកំណើត
    កូវីដ-១៩
    April 16, 2021 Khmernote Media

    យោងតាមការបញ្ជាក់ពី រដ្ឋបាលខេត្តកំពង់ធំ បានឲ្យដឹងថា នៅថ្ងៃទី១៥ ខែមេសា ឆ្នាំ២០២១ ខេត្តកំពង់ធំ បានរកឃើញវិជ្ជមានកូវីដ១៩ លើបុរសម្នាក់ឈ្មោះ ឡេក បញ្ញា អាយុ២១ឆ្នាំ រស់នៅភូមិក្តីតាចិន ឃុំទ្រៀល ស្រុកតាំងគោក។ បច្ចុប្បន្នបុគ្គលខាងលើនេះ ត្រូវបានដាក់ឲ្យសម្រាកព្យាបាលនៅមន្ទីរពេទ្យបង្អែកបារាយណ៍-សន្ទុក។ បុរសដែលវីជ្ជមានជំងឺកូវីដ១៩នេះ ជាកម្មករសំណង់នៅអូឌឹម (ភ្នំពេញ) រស់នៅក្នុងបន្ទប់ជួលម្នាក់ឯង។ នៅថ្ងៃទី១២ ខែមេសា ឆ្នាំ២០២១ គាត់បានជិះម៉ូតូផ្ទាល់ខ្លួនតែម្នាក់ឯងត្រលប់មកស្រុកកំណើត ដោយបានចូលទិញថ្នាំនៅផ្សារអូឌឹម និងឈប់ចាក់សាំងនៅចោមចៅ រួចក៏បន្តដំណើររហូតដល់ខេត្តកំពង់ធំ ដោយបានគេចប៉ុស្តិ៍ត្រួតពិនិត្យទៅតាមផ្លូវទឹកចា (តាមច្រករណ្តៅថ្ម)។ ពេលមកដល់ផ្ទះនៅម៉ោង១០ព្រឹក គាត់មិនបានប្រាស្រ័យទាក់ទងជាមួយអ្នកណាទេ ដោយសារម្តាយគាត់បានជូនដំណឹងទៅមេភូមិ ហើយក្រុមការងារសុខាភិបាលក៏បាននាំបុរសនេះទៅដាក់នៅមណ្ឌលចត្តាឡីស័កវិទ្យាល័យទ្រៀលភ្លាមៗ។

  • Breaking News ! ឯកឧត្តម ម៉ៅ អាយុទ្ធ រដ្ឋលេខាធិការក្រសួងព័ត៌មាន និងជាអ្នកដឹកនាំ​រឿង “ហ្លូងព្រះស្ដេច​កន” បានទទួលមរណភាពដោយសារជំងឺកូវីដ-១៩
    កូវីដ-១៩
    April 15, 2021 Khmernote Media

    ឯកឧត្តម ម៉ៅ អាយុទ្ធ រដ្ឋលេខាធិការក្រសួងព័ត៌មាន និងជាអ្នកដឹកនាំ​រឿង “ហ្លូងព្រះស្ដេច​កន” បានទទួលមរណភាពដោយសារជំងឺកូវីដ-១៩ នេះបើតាមព័ត៌មានដែលក្រុមការងារយើងទទួលបាននៅមុននេះ។ ឯកឧត្តម ម៉ៅ អាយុទ្ធ រដ្ឋលេខាធិការក្រសួងព័ត៌មាន មាន​វ័យ ៧៧ឆ្នាំ ត្រូវ​បាន​គេ​រក​ឃើញ​ថា​វិជ្ជមាន​ជំងឺ​កូវីដ-១៩ នៅថ្ងៃទី៧ ខែមេសា ឆ្នាំ២០២១ ហើយត្រូវបានទទួលមរណភាពកាលពីវេលាម៉ោង ១៨:៥០នាទី ថ្ងៃទី១៥ ខែមេសា ឆ្នាំ២០២១នេះ ដោយសួតទាំងសងខាងបានរលាកធ្ងន់ធ្ងរ៕

  • ថ្ងៃទី២ ក្នុងបុណ្យចូលឆ្នាំខ្មែរ និងជាយប់ទី១ នៃការបិទខ្ទប់រាជធានីភ្នំពេញ មានសភាពស្ងប់ស្ងាត់ជាខ្លាំង
    កូវីដ-១៩
    April 15, 2021 Khmernote Media

    យោងតាមសេចក្តីសម្រេចរបស់ប្រមុខរាជរដ្ឋាភិបាល បានធ្វើការបិទខ្ទប់ភូមិសាស្ត្ររាជធានីភ្នំពេញ និងក្រុងតាខ្មៅ នៃខេត្តកណ្តាល ចាប់ពីម៉ោងសូន្យ នៃថ្ងៃទី១៥ ខែមេសា ឆ្នាំ២០២១ រយៈពេល២សប្តាហ៍ ដើម្បីគ្រប់គ្រងការរីករាលដាលនៃជំងឺកូវីដ-១៩ ដោយធ្វើការហាមឃាត់មិនអោយប្រជាពលរដ្ឋធ្វើដំណើរចេញពីលំនៅដ្ឋាន និងការជួបជុំនានា ដោយមានការលើកលែងលើប៉ុន្មានចំនុចតែប៉ុណ្ណោះ។ នៅយប់ថ្ងៃទីមួយនៃការអនុវត្តសេចក្តីសម្រេចថ្មីនេះដែរ យើងសង្កេតឃើញថារាជធានីភ្នំពេញមានសភាពស្ងប់ស្ងាត់ ដោយប្រជាពលរដ្ឋបានគោរពនូវសេចក្តីសម្រេចរបស់ថ្នាក់ដឹកនាំបានយ៉ាងល្អ។ គួរបញ្ជាក់ផងដែរថានៅព្រឹកមិញនេះក្រសួងសុខាភិបាលបានប្រកាសរកឃើញវិជ្ជមានថ្មីនៅរាជធានីភ្នំពេញចំនួន ២៤៣នាក់ គិតត្រឹមព្រឹកថ្ងៃទី១៥ ខែមេសា ឆ្នាំ២០២១៕