សុខភាព
  • ការសិក្សា៖ អ្នកជួប​វិបត្តិហិរញ្ញវត្ថុមានអត្រាស ម្លាប់ខ្លួន​ខ្ពស់ជាងអ្នក​ផ្សេង
    សុខភាព
    September 12, 2020 Khmernote Media

    ការសិក្សា​ថ្មី​មួយ​បាន​រក​ឃើញ​ថាអ្នក​ជួប​បញ្ហា​ហិរញ្ញវត្ថុ​ប្រ​ឈម​មុខ​ខ្ពស់​នឹង​ការ​សម្លាប់​ខ្លួន​រហូត​ដល់​ទៅ​២០ដង​ខ្ពស់​ជាង​អ្នក​​ដែល​មិន​មាន​បញ្ហា​ហិរញ្ញវត្ថុ។​ សារ​ព័ត៌​មាន​សុខ​ភាព Medical News Today បាន​ចុះ​ផ្សាយ​របាយការ​ណ៍​មួយ​កាលពី​ថ្ងៃទី​៨ ខែ​កញ្ញា ដោយ​បាន​លើក​ឡើង​ថា​ ក្រុម​អ្នកស្រាវជ្រាវ​ព្រមាន​ថា​ ដោយ​សារ​តែ​បញ្ហា​ជំងឺ​រាត​ត្បាត​បាន​ធ្វើ​ឲ្យ​មនុស្ស​ជា​ច្រើន​បាន​ជួប​បញ្ហា​ហិរញ្ញវត្ថុ ដែល​កត្តានេះ អ្នកជំនាញ​ថា​ជា​មូល​ហេតុ​នាំ​ឲ្យ​អ្នក​ទាំង​នោះមាន​គំនិត ឬ​ប៉ុនប៉ង​សម្លាប់​ខ្លួន ហើយ​បញ្ហានេះ​អាច​នឹង​កើន​ឡើង​កាន់តែ​ខ្ពស់​នៅ​ថ្ងៃ​អនាគត​ដ៏​ខ្លី​ខាង​មុខ។​ អ្នកស្រាវជ្រាវ​បាន​អះអាងថា៖ «​ការសិក្សា​របស់​យើង​បាន​រកឃើញ​ថា​បញ្ហា​ហិរញ្ញវត្ថុ​គឺជា​កត្តា​ចម្បង​ធ្វើ​ឲ្យ​មាន​ការ​សម្លាប់​ខ្លួន ហើយ​ក៏​ជា​បញ្ហា​​ត្រូវ​យក​ចិត្ត​ទុក​ដាក់…ហើយ​យើងអាច​នឹង​ឃើញ​បញ្ហា​នេះ​កើត​មាន​កាន់តែ​ខ្ពស់​នៅ​ពេល​ខាង​មុខ»។ ក្រុម​អ្នក​ស្រាវ​ជ្រាវ​នេះ​បាន​លើកឡើងថា​អ្នក​ជួប​វិបត្តិ​ហិរញ្ញវត្ថុ​អាច​ប្រ​ឈម​នឹង​ការ​សម្លាប់​ខ្លួន​ខ្ពស់​ជាង​អ្នក​មិន​មាន​បញ្ហា​រហូត​ដល់​២០​ដង។ ទោះ​យ៉ាង​ណា​ការសិក្សា​នេះ​បាន​ធ្វើ​ឡើង​មុន​ពេល​មាន​វិបត្តិជំងឺរាត​ត្បាត ដែល​ធ្វើ​ឲ្យ​អ្នក​ស្រាវ​ជ្រាវ​សន្និដ្ឋាន​ថា​នៅ​ពេ​ល​ខាង​មុខ​កាន់តែ​មាន​អ្នក​ប៉ុនប៉ង​សម្លាប់​ខ្លួន​កាន់តែ​ច្រើន។ គួរ​បញ្ជាក់​ថា​ ការ​សិក្សា​នេះ បាន​វិភាគ​លើ​ទិន្ន័យ​ដែល​ប្រមូល​ពី​ឆ្នាំ២០០១ ដល់​២០២០ និង​ពី​ឆ្នាំ​២០០៤ និង​២០០៥ លើ​យុវជន​អាមេរិក​ចំនួន​៣៤ ៦៥៣​នាក់។ ក្នុង​ករណី​មាន​សំណួរ ឬ​មន្ទិលសង្ស័យ​ជុំវិញ​សុខភាព​អ្នក ជម្រើស​ល្អ​បំផុត សូម​ពិគ្រោះ និង​ប្រឹក្សា​យោបល់​ផ្ទាល់​ជាមួយ​ពេទ្យ​ជំនាញ។ Hello

  • ទឹកចូលសួត និងទឹក​ចូល​ស្រោម​សួត មិនមែនមកពីងូតទឹកពេលក្ដៅខ្លួនឡើយ
    សុខភាព
    September 10, 2020 Khmernote Media

    កន្លង​មក​ចាស់​ៗ​តែង​តែ​ហាមប្រាម​មិន​ឲ្យ​យក​កូន​តូច ឬ​យើង​ជា​មនុស្ស​ធំ​ក៏​ដោយ ពេល​ក្ដៅ​ខ្លួន​ដាច់ខាត​កុំ​ងូត​ទឹក ព្រោះ​ទឹក​ចូល​សួត។ បើ​តាម​ការ​បកស្រាយ​ពី​ខាង​មន្ទីរពេទ្យ​កាល់ម៉ែត នោះ​មិន​មែន​ជា​រឿង​ពិត​ឡើយ ហើយជំងឺ​ទឹក​ចូល​សួត និង​ទឹក​ចូល​ស្រោម​សួត​ក៏​មិន​ដូច​គ្នា​ និងមូលហេតុ​បង្ក​ខុសគ្នា​ដែរ។ ១- តើ​ជំងឺ​ទឹក​ចូល​សួត និង​ទឹក​ចូល​ស្រោម​សួត​ខុស​គ្នា ឬ​ដូចគ្នា? ចម្លើយ​ដ៏​ខ្លី គឺ​ជំងឺ​ទាំងពីរ​មុខ​នេះ ខុស​គ្នា​ស្រឡះ​តែ​ម្ដង។ – ​ទឹក​ចូល​សួត មាន​ន័យ​ថា​ខ្លួន​យើង​ចាល់​ជាតិ​ទឹក​ក្នុង​ខ្លួន​ច្រើន​ជ្រុល​ដោយ​ប្រការ​ណា​មួយ​ទើប​បណ្ដាល​ឲ្យ​ជាតិ​ទឹក​ទាំងនោះ​ជ្រាប​ចូល​ទៅ​ដក់​ក្នុង​ថង់​ខ្យល់​របស់​សួត នាំឲ្យ​យើង​ហត់​ខ្លាំង។ មូលហេតុ​អាច​បណ្ដាល​មកពី​ខ្សោយ​បេះដូង ដែល​នាំ​ឲ្យ​ការ​ច្របាច់​ឈាម​មិន​បាន​ល្អ គឺ​ធ្វើ​ឲ្យ​ជាតិ​ទឹក​ច្រាល​មក​ក្នុង​សួត ឬមូលហេតុ​មួយ​ទៀត​មកពី​ខ្សោយ​តម្រង​នោម​ខ្លាំង​ដែល​មិន​អាច​បញ្ចេញ​ជាតិ​ទឹក​បាន​ល្អ ក៏​បណ្ដាល​ឲ្យ​ច្រាល​ទឹក​មក​សួត​ដែរ។ – ទឹក​ចូល​ស្រោម​សួត ជា​រឿង​មួយ​ដោយ​ឡែក ដែល​មាន​ន័យ​ថា​មាន​ការ​ដក់​ទឹក​ក្នុង​ស្រោមសួត​ដែល​ព័ទ្ធ​ជុំវិញ​សួត​អាច​ខាង​ឆ្វេង ឬ​ស្តាំ ឬ​ទាំង​សង្ខាង​ក៏​មាន វា​អាច​បណ្ដាល​មកពី​ការ​រលាក​ស្រោម​សួត​ខ្លួនឯង​ផ្ទាល់ ឬ​មកពី​ការ​ខ្សោយ​បេះដូង តម្រង​នោម

  • ពេលកូន​មានអាការៈប្រកាច់ប៉ាម៉ាក់ដឹងតែភ័យហើយ តែត្រូវ​ចេះធ្វើរឿងទាំងនេះដែរ​
    សុខភាព
    September 3, 2020 Khmernote Media

    គ្នា​យើង​មានកូន​បើ​ឃើញ​កូន​យើង ឬកូន​អ្នក​ផ្សេង​​​មាន​អាការៈប្រកាច់ តើគួរជួយ​ដោយ​របៀបណា?​ មានការ​លើកឡើង​ថា​ក្មេង​ម្នាក់​ក្នុង​ចំណោម​១០​នាក់​អាច​មាន​អាការៈ​ប្រកាច់​នេះ​ម្ដង​ក្នុង​មួយ​ជីវិត​របស់​ពួកគេ។ អាការៈ​ប្រកាច់​អាច​ថា​ជាសញ្ញាគ្រោះ​ថ្នាក់​មួយ​ដែរ។ អាការៈនេះ​កើត​ឡើង​នៅពេល​ចរន្តអគ្គិសនី​នៅ​ក្នុង​ខួរក្បាលមាន​សកម្មភាព​កើនឡើង​( surges in the brain’s electrical activity) ហើយ​ពេល​ខ្លះ​អាច​ធ្វើ​ឲ្យ​កុមារ​ដួល និង​ញ័រ​ខ្លួន​ខ្លាំង​ជាដើម ឬ​ក៏​ក្មេង​អាច​មាន​អាការៈ​បាត់​មាត់​បាត់​ក​ភ្លាមៗ ដោយ​មាន​ទាំង​ការ​បញ្ឈរភ្នែកទៀត​ផង។ បើ​ស្ដាប់​ទៅ​ដូច​ជា​គួរ​ឲ្យ​ខ្លាច​ណាស់​ហើយ ប៉ុន្តែ​សមាគមជំងឺ​កុមារ​របស់ហរដ្ឋអាមេរិក​បាន​លើក​ឡើង​ថា​ការ​ប្រកាច់​លើ​កុមារ​មិន​មាន​សុទ្ធ​ជារឿង​ធ្ងន់ធ្ង​រ​ត្រូវ​ការការ​សង្គ្រោះ​បន្ទាន់​នោះដែរ ហើយថា​កុមារ​អាច​នឹង​បាត់​ប្រកាច់​វិញ​នៅ​រយៈពេល​៥នាទី​ក្រោយ។​ ខាងក្រោម​នេះជា​អ្វីដែល​ប៉ាម៉ាក់​ត្រូវ​ដឹង​ពេល​កូន​មាន​អាការៈប្រកាច់៖ + កុំជ្រួលច្របល់ និង​ត្រូវ​ផ្ដល់​ការ​សង្គ្រោះបឋមដល់កូន​ ការ​ពារ​កុំឲ្យ​កូន​មាន​រងរបួស​អំឡុងពេលប្រកាច់។ + ត្រូវ​មើល​ថា​ពេល​ណាគួរតែ​បញ្ជូន​កូន​ទៅ​មន្ទីរពេទ្យ + ត្រូវ​តាម​ដាន​អាការៈប្រកាច់របស់​កូន​ជាមួយ​គ្រូពេទ្យ​ក្រោយពី​ប្រកាច់។ ទាំងនេះជា​ដំណាក់​កាលប៉ាម៉ាក់​ត្រូវ​ធ្វើ​ បើ​ឃើញ​កូន​ប្រកាច់ + បើ​យើង​មិន​ច្បាស់ថា​កូន​យើង​ប្រកាច់ឬអត់​នោះ យើង​សាក​បញ្ចាំងពិលដាក់កូន និង​ស្រែក​ហៅ​ឈ្មោះ​កូន​ក្នុង​សំឡេងឮៗ​ដើម្បី​ដឹងថា​កូន​មាន​ប្រតិកម្ម​តប​នឹង​យើង​ឬអត់។

  • ដឹងតិចនិកទាំងនេះ ដើម្បីចៀសផុតបញ្ហាក្រួសក្នុងតម្រងនោម
    សុខភាព
    September 3, 2020 Khmernote Media

    គ្នាយើងច្បាស់ជាស្គាល់ហើយ អ្វីជាជំងឺក្រួសក្នុងតម្រងនោម បើទោះមិនធ្លាប់កើត​ក៏ធ្លាប់ឮដែរ។ ក្រួសក្នុង​តម្រងនោម ឧស្សាហ៍កើត​មានណាស់ ហើយករណីខ្លះគ្រោះថ្នាក់ខ្លាំងទៀតផង។ បើមិនចង់ជួយបញ្ហាសុខភាពមួយនេះ គ្នា​យើង​គួរចេះការពារខ្លួនពីពេលនេះទៅ “Hello គ្រូពេទ្យ” នឹងណែនាំតិចនិកខ្លះៗ អាចកាត់បន្ថយហានិភ័យបាន។ ១- ផឹកទឹកឲ្យបានច្រើន ការផឹកទឹកបានច្រើន គឺដើម្បីជួយរំលាយសារធាតុមួយចំនួនក្នុងទឹកនោម ដែលអាចនាំឲ្យកើតជាក្រួសបាន ជាទូទៅ​ពេទ្យណែនាំឲ្យផឹកទឹកយ៉ាងហោចណាស់ ២ លីត្រ/ថ្ងៃ ឬប្រមាណ ៨កែវទឹកធម្មតា។ ការផឹកទឹកកម្រិតនេះ ក៏រាប់បញ្ចូលទាំងភេសជ្ជៈផ្សេងៗយើងបានផឹកប្រចាំថ្ងៃ ចូលជាទឹកក្រូចឆ្មារ ឬទឹកក្រូចស្រស់ ព្រោះទឹកក្រូចធម្មជាតិប្រភេទនេះ មិនត្រឹមត្រូវផ្អែមឆ្ងាញ់ទេ ថែមទាំងមានសមត្ថភាពបង្អាក់ការកកើតជាក្រួសរបស់សាធាតុមួយចំនួនបាន។ ២- ផឹកកាល់ស្យូមឲ្យគ្រប់គ្រាន់តាមតម្រូវការរាងកាយ នៅពេលរាងកាយទទួលបានជាតិកាល់ស្យូមតិចតួច វាអាចបង្កឲ្យកម្រិតអាស៊ីដ Oxalate

  • ក្រសួងចេញតម្លៃធ្វើតេស្តរកកូវីដ១៩ទាំង ២ ដង លើជនបរទេសចូលមកកម្ពុជា
    សុខភាព
    September 1, 2020 Khmernote Media

    ​ក្រសួង​សុខាភិបាល​បាន​ចេញ​សេចក្ដី​ជូន​ដំណឹង​បន្ថែម ​ស្ដី​ពី​យន្តការ​ទូទាត់​ថ្លៃ​ធ្វើ​តេស្ត​រក​មេរោគ COVID-19 និង​ការ​បង្វែរ​ថវិកា​តម្កល់​ជូន​អ្នក​ដំណើរ​បរទេស​វិញ បន្ទាប់ពី​ការ​អនុវត្ត​វិធានការ​សុខាភិបាលរួច។ ចង់​ដឹង​លម្អិត មើល​អត្ថបទខាងក្រោម៖ – អ្នក​ដំណើរ​បរទេស​ទាំងអស់​ត្រូវ​ធ្វើ​តេស្ត​រក​មេរោគ COVID-19 លើក​ទី​១​ពេល​ចូល​មក​ដល់​ប្រទេស​កម្ពុជា​​តម្លៃ ១០០ ដុល្លារ និង​ធ្វើ​តេស្ត​លើក​ទី​២ នា​ថ្ងៃ​ទី ១៣ តម្លៃ ១០០ ដុល្លារ នៅ​តាម​មូលដ្ឋាន​សុខភាព​ដែល​នៅ​ជិត ហើយ​ថ្លៃ​ធ្វើ​តេស្ដ​នឹង​កាត់​ចេញ​ពី​ថវិកា​តម្កល់​ទុក​នៅ​ធនាគារដៃគូ​សហការ​របស់​ក្រសួង។ – ក្រសួង​នឹង​បង្វែរ​ថវិកា​តម្កល់​នៅ​សល់​ពី​ការ​ចំណាយ​ក្នុង​ពេល​អនុវត្ត​វិធានការ​សុខាភិបាល​ជូន​សាមី​ខ្លួន​វិញ​ក្នុង​រយៈពេល ៣ ថ្ងៃ បន្ទាប់ពី​ទទួល​បាន​លទ្ធផល​ធ្វើ​តេស្ត​លើក​ទី​២ បញ្ជាក់​ថា​វិជ្ជមាន។ – ចំពោះ​អ្នក​ដំណើរ​បរទេស​ដែល​ចូល​មក​ប្រទេស​កម្ពុជា​ដោយ​ទទួល​បាន​ការ​ធានា ត្រូវ​បង់​ថ្លៃ​ធ្វើ​តេស្ត​លើក​ទី​២ មាន​តម្លៃ ១០០ ដុល្លារ​បន្ថែម​លើ​ថ្លៃ​កក់​បន្ទប់​សណ្ឋាគារ ដែល​សាមី​ខ្លួន​បាន​ជ្រើរើស។

  • អ្នកមាន​ទម្លាប់ខាំក្រចកគួរកែប្រែទៅ ប្រយ័ត្នជួបបញ្ហាទាំងនេះ
    សុខភាព
    August 28, 2020 Khmernote Media

    ជាទូទៅ​ការ​ខាំ​ក្រចក​ជា​ទម្លាប់​មិន​ល្អ​មួយ។ ការ​ខាំ​ក្រចក​មិន​ត្រឹម​តែ​ធ្វើ​ឲ្យ​រហែក​ក្រចក​ខូច​ទេ នៅ​បង្ក​បញ្ហា​ដល់​សុខភាព​ផង​ដែរ។ ហេតុអ្វី​បាន​ជា​យើង​ខាំ​ក្រចក? មនុស្ស​មួយ​ចំនួន​ឧស្សាហ៍​ខាំ​ក្រចក ឬ​ឆ្កឹះ​ស្បែក​ជុំវិញ​ក្រចក ជាពិសេស​នៅ​ពេល​ដែល​ឃើញ​ក្រចក​រាង​ស្រួច ឬ​រឆេចរឆូច​។ ប៉ុន្តែ​ការ​ខាំ​ក្រចក​អាច​ជា​វិធី​មួយ​សម្រាប់​បន្ធូរបន្ថយ​ភាព​អផ្សុក ឬ​ស្ត្រេស។ ម៉្យាងទៀត បើ​គ្នាយើង​ងាយ​នឹង​ខាំ​ក្រចក ឬ​ឆ្កឹះ​ស្បែក​ជុំវិញ​ក្រចក យើង​អាច​សម្គាល់​ឃើញ​ថា​យើង​ច្រើន​ធ្វើ​សកម្មភាព​នេះ​អំឡុង​ពេល​ដែល​យើង​មិនអាច​គ្រប់គ្រង​ស្ថានការណ៍​អ្វី​មួយ។ ទោះបី​សកម្មភាព​អាច​បង្វែរ​ចំណាប់​អារម្មណ៍​របស់​យើង​ពី​ស្ថានការណ៍​នោះ ប៉ុន្តែ​អាច​បង្ក​ជា​បញ្ហា​មួយ​ចំនួន​ដល់​សុខភាព។ មូលហេតុ​ដែល​យើង​គួរ​បញ្ឈប់​ទម្លាប់​នេះ ១. ដៃ​មាន​បាក់តេរី​ច្រើន អ្នក​ខាំ​ក្រចក​តែង​ងាយ​នឹង​ឆ្លង​ជំងឺ​ផ្ដាសាយ និង​ឆ្លង​មេរោគ​ក្នុង​ក្រពះ​ពោះវៀន​ នេះបើ​យោង​តាម​វេជ្ជបណ្ឌិត​ Nikhil Bhayani អ្នក​ឯកទេស​ផ្នែក​ជំងឺ​ឆ្លង។ ដៃ​របស់​យើង​ជា​កន្លែង​ដែល​សម្បូរ​ដោយ​បាក់តេរី​ព្រោះ​ដៃ​របស់​យើង​ឧស្សាហ៍​ប៉ះ​នឹង​ផ្ទៃ​ផ្សេងៗ ជាពិសេស​នៅ​តំបន់​ជុំវិញ​ក្រចក​ និង​នៅ​ក្រោម​ក្រចក​ដែល​សម្បូរ​ដោយ​បាក់តេរី​មិន​ល្អ។ នៅ​ពេល​យើង​ខាំ​ក្រចក បាក់តេរី​ទាំង​នោះ​នឹង​ឆ្លង​ចូល​ទៅ​ក្នុង​មាត់ និង​ងាយ​បង្ក​ជា​ជំងឺ​ផ្សេងៗ។ ២. ការ​ឆ្លង​មេរោគ​លើ​ស្បែក ការ​ខាំ​ក្រចក​

  • អាមេរិកអនុញ្ញាតឲ្យប្រើប្លាស្មារបស់អ្នកជាពីកូវីដ១៩ ទៅព្យាបាលអ្នកជំងឺផ្សេងទៀត
    សុខភាព
    August 24, 2020 Khmernote Media

    អាជ្ញាធរ​អាមេរិក​បាន​ប្រកាស​ជា​ផ្លូវ​ការ​ដោយ​អនុញ្ញាត​​ឲ្យ​ក្រុម​គ្រូពេទ្យ​ប្រើប្រាស់​ប្លាស្មា​​បាន​ពី​អ្នកជាសះស្បើយ​​ពី​ជំងឺ​ COVID-19 ដើម្បី​ព្យាបាល​អ្នកជំងឺ COVID-19 ផ្សេង​ទៀត។ ការ​ប្រ​កាស​ឲ្យ​ប្រើ​ប្រាស់​នេះ​បានធ្វើ​ឡើង​កាលពី​​កាល​ពី​ថ្ងៃ​ទី​២៣ ខែ​សីហា។ អ្នក​ជំនាញ​ជឿ​ថា​ប្លាស្មា​នេះ​មាន​ផ្ទុក​អង់ទីករ​ដែល​អាច​ជួយ​ប្រឆាំង​នឹង​ជំងឺ COVID-19 លឿន និង​ការពារ​អ្នក​ជំងឺ​មិន​ឲ្យ​មាន​ស្ថានភាព​ជំងឺ​ធ្ងន់ធ្ងរ។ សមាគម​ចំណី​អាហារ និង​ឱសថ​អាមេរិក (FDA)​បាន​លើក​ឡើង​ថា​ប្លាស្មា​បាន​ពី​អ្នក​ជាសះស្បើយ​​មាន​ប្រសិទ្ធភាព​ក្នុង​ការ​ព្យាបាល​ជំងឺ COVID-19 និង​ថាអាចមាន​អានិភ័យ​តិច​តួច​ប៉ុណ្ណោះ​។ FDA អនុញ្ញាត​ឲ្យ​ប្រើប្រាស់​ការ​បញ្ចូល​ប្លាស្មា​នេះ​ទៅ​លើ​អ្នក​ជំងឺ COVID-19 ក្រោម​លក្ខខណ្ឌ​ដែល​អ្នក​ជំងឺ​មាន​ស្ថានភាព​ជំងឺ​ធ្ងន់ធ្ងរ និង​ដើម្បី​ធ្វើ​​តេស្ដ​សាកល្បង​ទៅ​លើ​មនុស្ស។ ទោះបីជា​វិធី​ព្យាបាល​នេះ​ត្រូវ​បាន​ប្រើប្រាស់​ក្នុង​សហរដ្ឋ​អាមេរិក និង​បណ្ដា​ប្រទេស​ផ្សេងៗ​ទៀត​ក៏​ដោយ​ អ្នក​ជំនាញ​នៅ​តែ​ជឿ​ថា​វិធី​ព្យាបាល​នេះ​អាច​មាន​ផល​ប៉ះពាល់​ផ្សេង​ទៀតដែរ​​។ វេជ្ជបណ្ឌិត Len Horovitz អ្នក​ឯកទេស​ជំងឺ​សួត​នៅ​មន្ទីរពេទ្យ Lexnox បាន​និយាយ​ថា​ការ​ព្យាបាល​ដោយ​ប្លាស្មា​នេះ​អាច​មាន​ប្រសិទ្ធភាព ប៉ុន្តែ​នៅ​តែ​ត្រូវការ​ការ​ព្យាបាល​សាកល្បង​លើ​មនុស្ស និង​មិន​អាច​ប្រើប្រាស់​ក្នុង​ការ​ព្យាបាល​អ្នក​ជំងឺ​ដែល​មាន​ស្ថានភាព​ធ្ងន់ធ្ងរ​ស្រាប់​ទេ។ វេជ្ជបណ្ឌិត​ខាង​លើ​បាន​បន្ត​ថា​ប្លាស្មា​នេះ​គឺ​មាន​ប្រសិទ្ធភាព​ល្អ​នៅ​ពេល​ប្រើ​ព្យាបាល​អ្នក​ជំងឺ​ដែល​ទើប​នឹង​ឆ្លង​វីរុស (ពេល​រាងកាយ​កំពុង​ប្រឆាំង​នឹង​វីរុស)

  • ជិត ១០ ថ្ងៃកម្ពុជាគ្មានករណីឆ្លង COVID-19 ថ្មី តែជាសះស្បើយមានបន្តបន្ទាប់ សល់អ្នកឈឺចំនួន…
    សុខភាព
    August 24, 2020 Khmernote Media

    យោង​តាម​ការ​ជូន​ដំណឹង​របស់​ក្រសួង​សុខាភិបាល​បាន​ឲ្យ​ដឹង​ថា រយៈពេលជិត ១០ ថ្ងៃ​ហើយ ពោលចាប់តាំងពីថ្ងៃ ១៥ ខែ សីហា ឆ្នាំ ២០២០ រហូត​ដល់ថ្ងៃ ២៣ ខែ សីហា ឆ្នាំ ២០២០ នេះ កម្ពុជា​គ្មាន​អ្នក​ឆ្លង COVID-19 ថ្មី​នោះ​ទេ តែ​អ្នក​ជា​សះស្បើយ​វិញ​មាន​ជា​បន្ត​បន្ទាប់។ ក្នុង​សេចក្ដី​ជូន​ដំណឹង​ថ្ងៃ​នេះ​បាន​បញ្ជាក់​ថា គ្មាន​អ្នក​ឆ្លង និង​ជា​សះស្បើយ​ថែម​ទៀត​ឡើយ ដែល​ធ្វើ​ឲ្យ​ចំនួន​អ្នក​ឆ្លង​នៅ​ទ្រឹង​ត្រឹម ២៧៣ នាក់​ដដែល។ ដូចនេះ​សរុប​តួ​លេខ​អ្នក​ឆ្លង​ជំងឺ COVID-19 នៅ​កម្ពុជា​មាន ២៧៣ នាក់ (ស្ត្រី៥៤នាក់ និង​បុរស

  • អាអូនចេញសញ្ញាបែបនេះកុំទុកយូរ ព្រោះកូនអាចកើតជំងឺរលាកខួរក្បាល
    សុខភាព
    August 23, 2020 Khmernote Media

    ជា​ទូទៅ អា​អូន​តូច​ៗ ងាយ​ឈឺ​ជំងឺ​ផ្សេងៗ​ញឹក​ញាប់​ដូច​ជា ផ្ដាសាយ គ្រុន​ក្ដៅ​អី​ធម្មតា គ្រាន់​តែលេបថ្នាំ​ក៏​អាច​ជា​ដែរ។ ប៉ុន្តែ ពេល​ខ្លះ​​កូនៗ​អាច​មាន​បញ្ហា​សុខភាព​គួរ​ឲ្យ​បារម្ភ​ដែល​ម៉ាក់​ប៉ាគួរ​យក​ចិត្ត​ទុក​ដាក់​ ​ព្រោះ​វា​អាច​ប៉ះពាល់​ដល់​កូន​ខ្លាំង​ដូច​ជំងឺ​រលាក​ខួរ​ក្បាល​ជាដើម។ ទាក់​ទង​នឹង​បញ្ហា​នេះ លោក​វេជ្ជបណ្ឌិត ហ៊ាង រតនា ឯក​ទេស​ជំងឺ​ទូទៅ បាន​ឲ្យ​ដឹង​ថា ធម្មតា ក្មេង​តូចៗ​ដែល​កើត​ជំងឺ​រលាក​ខួរ​ក្បាល ភាគ​ច្រើន​ចេញ​រោគ​សញ្ញា​ស្រដៀង​ទៅ​នឹង​ជំងឺ​ស្រាល​ៗដែរ តែ​ប្រសិន​បើ​កូន​ចេញ​រោគ​សញ្ញា​ដូច​ការ​រៀប​រាប់​ខាង​ក្រោម​នេះ ម៉ាក់​ប៉ា​មិន​ត្រូវ​ធ្វេស​ប្រហែស​ឡើយ​មាន៖ រោគ​សញ្ញា​ទូទៅ៖ – ឈឺ​ក្បាល – ក្ដៅ​ខ្លួន – ចង់​ក្អួត រោគ​សញ្ញា​អាសន្ន៖ – មិន​ស្រួល​ខ្លួន – មិន​ឆ្លើយ​តប​ដូច​ធម្មតា – ហត់ៗ

  • កុំច្រឡំជាអំពើអាប ធ្មប់ ជំងឺគីសសរីរាង្គដៃស្បូន មានទាំងសក់ ធ្មេញ និងក្រចក
    សុខភាព
    August 16, 2020 Khmernote Media

    ជំងឺ​គីស​សរីរាង្គ​របស់​ដៃស្បូន ជា​ជំងឺ​មួយ​ដែល​មាន​គ្រោះថ្នាក់​ណាស់​សម្រាប់​ស្ត្រី ហើយ​សភាព​ដែល​នៅ​ក្នុង​ឃើញ​ហើយ​គួរឲ្យ​ខ្លាច​ណាស់ ព្រោះ​មាន​ទាំង​សក់ និង​ធ្មេញ។ ​វេជ្ជបណ្ឌិត ច័ន្ទ រស្មី ឯកទេស​សម្ភព និង​រោគ​ស្ត្រី​បាន​ឲ្យ​ដឹង​ថា ស្ត្រី​មួយ​ចំនួន​មាន​ជំងឺ​គីស​សរីរាង្គ​របស់​ដៃស្បូន (ក្រពេញអូវែ) ដែល​មាន​ធាតុផ្សំ​សរីរាង្គ​ដូចជា សក់ ធ្មេញ ឆ្អឹង ក្រចក ដៃជើង ខ្លាញ់…។ លោក​បញ្ជាក់​ទៀត​ថា ប្រសិនបើ​ព្យាបាល​មិន​ទាន់​ពេល​អាច​បណ្ដាល​ឲ្យ​ស្លាប់​ ដោយសារ​ចុក​រមួល ឬ​បែក​ហូរ​ឈាម​ក្នុង​ពោះ​ជា​ដើម។ ជំងឺ​គីស​នេះ​មាន​ពី​កំណើត តែ​មិនមែន​ស្រ្តី​គ្រប់គ្នា​សុទ្ធតែ​មាន​នោះ​ទេ ហើយ​វា​ក៏​មិនមែន​ជា​អំពើ​អាប​ធ្មប់​អ្វី​នោះ​ដែរ វា​ជា​គីស​កោសិកា​ដែល​ផ្ញើ​ក្នុង​ខ្លួន​យើង​តាំង​ពី​កំណើត​មក ពេល​យើង​ធំ ​វា​ធំ​ដែរ ពេល​យើង​ដុះ​ធ្មេញ ដុះ​សក់ ដុះ​ក្រចក វា​ក៏​ដុះ​តាម​ដូច​គ្នា​ដែរ។ ទោះ​ជា​មើល​ទៅ​សភាព​របស់​ជំងឺ​គីស​សរីរាង្គ​របស់​ដៃស្បូន​គួរ​ឲ្យ​ខ្លាច