សុខភាព
  • ពេល​រមួលក្រពើ ធ្វើតាម​វិធីនេះជួយឲ្យ​ឈាមរត់បានស្រួលឆាប់បានធូរស្បើយ
    សុខភាព
    February 10, 2020 Khmernote

    ការ​រមួល​សាច់​ដុំ​ ឬគ្នា​យើង​​និយម​ហៅ​ថា​រមួលក្រពើនោះ​គឺ​ជា​ផល​រំខានមួយ​ដែល​ធ្វើ​ឲ្យ​យើង​ពិបាក​ទ្រាំ​។ មូល​ហេតុ​មួយ​ចំនួន​ដែល​បង្ក​ឲ្យ​មាន​ការ​រមួល​ក្រពើគឺ​បណ្ដាល​មក​ពី​ចលនា​ឈាម​រត់​ទៅ​ចិញ្ចឹម​ចុង​ដៃ​ ចុង​ជើង​មិន​គ្រប់​គ្រាន់​នៅ​ពេល​ដែល​មាន​ការ​ហាត់​ប្រាណ​ខ្លាំង​ពេក​ ​មិន​បាន​ពន្យឺត​សាច់​ដុំ​ឲ្យ​បាន​ស្រួល​បួល​សិន​ដែល​វា​ធ្វើ​ឲ្យ​សាច់​ដុំ​ចុះ​ខ្សោយ​ សរសៃ​ប្រសាទ​ស្ពឹក​អស់​ខ្វះ​ជាតិ​ទឹក​ និង​បាត់​បង់​ជាតិ​ប៉ូតាស្យូម​​និង​ម៉ាញេស្យូម​ ឬ​ក៏​របួស​នៅ​ជុំវិញ​ឆ្អឹង​កង​ខ្នង​ជា​ដើម។ ប្រព័ន្ធ​របត់​ឈាម​គឺ​ជា​ប្រព័ន្ធ​ដ៏​សំខាន់​របស់​សារពាង្គកាយ​យើង។ ចលនា​ឈាម​រត់​​​នាំ​ទៅ​ជាមួយ​នឹង​អុកស៊ីហ្សែន សារធាតុ​ចិញ្ចឹម​ និង​សារធាតុ​រ៉ែ​តាម​សរសៃ​អាទ័រ​ទៅ​ចិញ្ចឹម​សរីរាង្គ​កាយ​របស់​យើង​ដើម្បី​មាន​ការ​លូត​លាស់​ និង​បន្ត​មុខងារ​បាន​ល្អ។ សញ្ញា​ដែល​មាន​លំហូរ​ឈាម​មិន​គ្រប់​គ្រាន់​រួម​មាន​ការ​រមាស់​ ឬ​ឆៀប​ៗ​ចុង​ដៃ ​ឬ​តំបន់​ដែល​ប៉ះពាល់​នោះ​ខុស​ពី​ធម្មតា​តែ​ម្ដង។ ​ការ​ឈឺ​ចាក់​ៗ​នៅ​តំបន់​ដែល​ប៉ះពាល់​ក៏​ដូចជា​ការ​កន្ត្រាក់​សាច់​ដុំ​​អាច​ជា​សញ្ញា​​បញ្ជាក់​ថា​មាន​លំហូរ​ឈាម​​​មិន​គ្រប់​គ្រាន់​។ មាន​វិធី​ងាយ​ស្រួល​ដើម្បី​ដោះ​ស្រាយ​ពេល​​មាន​ចលនា​ឈាម​រត់​ខ្សោយ​ និង​ធ្វើ​ឲ្យ​មាន​ការ​រមួល​សាច់​ដុំ​ឬរមួលក្រពើនេះ​។នៅ​ពេលយើង​មាន​សាច់​ដុំ​រមួល​ យើង​​ត្រូវ​ក្រោក​ឈរ​ឡើង​ហើយ​ដើរ​ចុះ​ឡើង​ដើម្បី​ឲ្យ​ឈាម​មាន​ចលនា​​រត់​ទៅ​តំបន់​ដែល​ប៉ះពាល់។ យើង​មិន​ត្រូវ​ប្រើ​ពេល​វេលា​សង្កត់ ​ឬ​ស្អំ​ដោយ​មិន​ព្រម​ធ្វើ​ចលនា​យូរ​ពេក​នោះ​ទេ។ យើង​ត្រូវ​ផ្លាស់​ប្ដូរ​ឥរិយាបថ​ដើម្បី​ឲ្យ​ប្រព័ន្ធ​របត់​ឈាម​ធ្វើ​ការ​បាន​ដូចជា​ក្រោក​ដើរ​ជា​ដើម។ ទាញ​ដៃ​ទាញ​ជើង​ចុះ​ឡើង​ក៏​អាច​ធ្វើ​ឲ្យ​សាច់​ដុំ​ទន់​ងាយ​ឲ្យ​ឈាម​រត់​ឆ្លង​កាត់​ដែរ។ ការ​អនុវត្ត​តាម​បច្ចេកទេស​ត្រឹម​ត្រូវ​មិន​ត្រឹម​តែ​ជួយ​មិន​ឲ្យ​រមួល​សាច់​ដុំ​ទេ តែ​​ថែម​ទាំង​អាច​ជួយ​ឲ្យ​ចលនា​ឈាម​រត់​នាំ​យក​សារធាតុ​ចិញ្ចឹម​ដែល​មាន​អុកស៊ីហ្សែន​ទៅ​ទូ​ទាំង​សារពាង្គ​កាយ​បាន​ល្អ​ក៏​ដូច​ជា​ធ្វើ​ឲ្យ​សរីរាង្ គ​និង​សាច់ដុំ​បំពេញ​មុខងារ​បាន​ល្អ​ផង​ដែរ។ ការ​តាំង​សមាធិ​ក៏​អាច​ជំរុញ​ចលនា​ឈាម​រត់​បាន​ស្រួល​ផង​ដែរ។ ដក​ដង្ហើម​វែង​ៗ​ តាំង​សមាធិ​និង​ហាត់​យ៉ូហ្កា​គឺ​​អាច​ធ្វើ​ឲ្យ​អារម្មណ៍​ធូរ​ស្រាល​កាត់​បន្ថយ​សំពាធ​ឈាម​ និង​ធ្វើ​ឲ្យ​ឈាម​រត់​បាន​ល្អ។ ការធ្វើសមាធិ ឬយ៉ូហ្កា យើង​អាច​​អនុវត្ត​បាន​នៅ​ផ្ទះ

  • ក្មេងអាយុក្រោម២ឆ្នាំ ហាមដាច់ខាតប្រើប្រេងកូឡា-ប្រេងរឹតគ្រប់ប្រភេទ
    សុខភាព
    February 7, 2020 Khmernote

    ម៉ាក់ប៉ា​មួយ​ចំនួន ជា​ពិសេស​ចាស់ៗ ចូល​ចិត្ត​ណាស់​លាប​ប្រេង​កូឡា​ឲ្យ​ក្មេង ដោយ​លាប​លើ​បង្ហើយ​ដើម្បី​ឲ្យ​ឆាប់​​រឹង លាប​លើ​​ស្បែក​ពេល​មាន​កន្ទួល​រមាស់ ឬ​សត្វ​ល្អិត​ទិច​ខាំ លាប​លើ​ពោះ ដើម្បី​បំបាត់​អាការៈ​ហើម​ពោះ​ជា​ដើម។ ការ​លាប​ប្រេង​កូឡា​ឲ្យ​កូន​ក្មេង​អាយុ​ក្រោម ២ឆ្នាំ មិន​ត្រឹម​តែ​គ្មាន​បាន​ប្រយោជន៍​នោះ​ទេ ថែម​ទាំង​ប៉ះពាល់​សុខភាព​ក្មេង​​ទៀត នេះ​បើ​តាម​ការ​លើក​ឡើង​របស់​លោកស្រី​វេជ្ជបណ្ឌិត គុជ ឆោមដាលីន បម្រើ​ការងារ​នៅ​មជ្ឈមណ្ឌល​វេជ្ជសាស្ត្រ​សិង្ហបុរី។ វេជ្ជបណ្ឌិត​ឯកទេស​រោគ​កុមារ​រូប​នេះ​បាន​បន្ត​ថា ក្បួន​ពេទ្យ​ហាម​ដាច់​ខាត​ប្រើ​ប្រេង​កូឡា​លាប​ឲ្យ​កូន​ក្មេង​អាយុ​ក្រោម ២ឆ្នាំ ទោះ​ជា​ប្រេង​ប្រភេទ​ណា​ក៏​ដោយ ព្រោះ​គ្មាន​ការ​សិក្សា​ណា​និយាយ​ពី​អត្ថប្រយោជន៍​នៃ​ប្រេង​កូឡា​ចំពោះ​ក្មេង​នោះ​ទេ។ “អត់​មាន​ការ​សិក្សា​ណា​និយាយ​ពី​អត្ថប្រយោជន៍​នៃ​ប្រេង​កូឡា​អី​ម៉េច​ទេ ប៉ុន្តែ​មាន​ការ​សិក្សា​ថា ប្រេង​កូឡា​ផ្តល់​ផល​មិន​ល្អ​ទៅ​ដល់​កុមារក្រោម​២ឆ្នាំ។ ប្រេង​កូឡា​ម៉ាក​ណា​ក៏​ដោយ ដាច់​ខាត​អត់​ឲ្យ​ក្មេង​ប្រើ​ប្រេង​កូឡា ប្រេង​រឹត​ទេ ប្រេង​ចិន​សែ ប្រេង​អី​ក៏​ដោយ”។ លោកស្រី​វេជ្ជបណ្ឌិត រៀបរាប់។ វេជ្ជបណ្ឌិត គុជ ឆោមដាលីន

  • ថ្នាំទាំងនេះ អ្នកស្រាវជ្រាវជឿថាអាចមានប្រសិទ្ធភាព​​ប្រឆាំងវីរុសកូរ៉ូណាថ្មី​
    សុខភាព
    February 7, 2020 Khmernote

    អ្នក​ស្រាវជ្រាវ ​ចិន​បាន​ខ្នះខ្នែងយ៉ាង​ខ្លាំង​ដើម្បី​ស្វែង​រក​ថ្នាំ​ដែល​អាច​ប្រឆាំង​នឹង​វីរុស​កូរ៉ូណា​ថ្មីបាន​ឲ្យលឿន​តាម​ដែល​អាច​ធ្វើទៅ​​បាន។ ខាង​ក្រោម​នេះ​គឺ​ជា​ថ្នាំ​ប៉ុន្មាន​ប្រភេទ​ដែល​អ្នក​ស្រាវ​ជ្រាវ​រក​ឃើញ​ថា​មាន​ប្រសិទ្ធភាព​ក្នុង​ការ​ព្យាបាល ប្រឆាំង​នឹង​វីរុសកូរ៉ូណាថ្មី​ ដោយ​ថ្នាំ​ខ្លះ​បាន​ឈាន​ចូល​ដល់​ដំណាក់​កាល​ព្យាបាល​សាក​ល្បង (Clinical trial) និង​ថ្នាំ​ខ្លះ​ទៀត​បាន​កំពុង​តែ​ស្ថិត​ក្នុង​ការ​រៀប​ចំ​ចូល​ក្នុង​គោល​ការ​ណ៍​នៃ​ការ​ព្យាបាល​ (Treatments Guidelines)​ជំងឺ​ដែល​បង្ក​ដោយ​វីរុស​នេះ។ ១. ថ្នាំ REMDESIVIR ថ្នាំ​នេះ​ត្រូវ​បាន​ផលិត​ឡើង​ដោយ ក្រុម​ហ៊ុន​ថ្នាំ​ពេទ្យ​សហរដ្ឋ​អាមេរិក Gilead Sciences។ ថ្នាំ​នេះ​មាន​ប្រសិទ្ធិភាពខ្ពស់​ប្រឆាំង​នឹង​វីរុស​កូរ៉ូណា បង្ក​ជំងឺ SARS និងជំងឺ MERS ក្នុង​ការ​ពិសោធន៍​ទៅ​លើកោសិកា និង​សត្វ​។ ការ​ធ្វើ​តេស្ត ព្យាបាល​សាកល្បង (Clinical trial) ត្រូវ​បាន​ធ្វើ​ឡើង​ពី​មុន​មក​នៅ​ពេល​ដែល​វីរុស Ebola ផ្ទុះ​ឡើង។ ថ្នាំ​នេះ គេ​បាន​រក​ឃើញ​ថា​មាន​ប្រសិទ្ធភាព​ល្អក្នុង​ការ​ប្រឆាំង​វីរុស​កូរ៉ូណា​ថ្មី​ (2019-nCoV)

  • អ្នក​វិទ្យាសាស្រ្តចិន​រកឃើញ​ថ្នាំប្រឆាំងវីរុសកូរ៉ូណាថ្មីពីរ​បន្ថែមទៀត​
    សុខភាព
    February 6, 2020 Khmernote

    ក្រុម​អ្នក​វិទ្យាសាស្រ្តចិន​បាន​ប្រកាស​ថា​ក្រុ​មការងារ​របស់ខ្លួន​បាន​រកឃើញ​ថ្នាំពីរ​ប្រ​ភេទ​ដែលគេជឿថា​អាច​ប្រឆាំង​នឹង​វីរុស​កូរ៉ូណា​ថ្មី​បាន និងមាន​ប្រសិទ្ធភាពជាង​ថ្នាំដែលប្រើ​កន្លង​មក​។​ លោក​ស្រី Li Lanjuan ជាប្រធាន​ក្រុម​អ្នក​វិទ្យាសាស្ត្រ​ឈាន​មុខ​គេ​មួយ​របស់​ប្រទេស​ចិន ក្នុង​ការ​ស្រាវជ្រាវ​ប្រឆាំង​នឹង​វីរុស​ណូវែល​កូរ៉ូណា​នោះ បាន​ប្រកាស់​ពី​ការ​រក​ឃើញ​ថ្នាំ Abidol និង Darunavir កាលពី​ថ្ងៃអង្គារ​។ លោក​ស្រី​បន្តថា​ការ​រក​ឃើញ​នេះ គឺ​សំដៅ​លើ​ថ្នាំ ពីរ​មុខ​បន្ថែម​ទៀតដែល​អាច​មាន​ប្រសិទ្ធភាពបញ្ឈប់​វីរុស​​កូរ៉ូណាថ្មី។ គួរ​បញ្ជាក់​ថា​លោក​ស្រី​បាន​ដឹក​នាំ​ក្រុម​ស្រាវ​ជ្រាវ មក​ពី​ខេត្ត Zhejiang មក​កាន់​ខេត្ត ហ៊ូប៉ី ដែល​ស្ថិត​នៅ​ភាគ​កណ្ដាល​ដើម្បីស្រាវ​ជ្រាវ​រក​វិធី​ព្យាបាល​បន្ទាន់​ចំពោះ​វីរុស​ថ្មី​នេះ។ លោក​ស្រី​សាស្ត្រាចារ្យ​បាន​បន្ត​ទៀតថា ថ្នាំ​ប្រឆាំង​វីរុស HIV ឈ្មោះ​ថ្នាំ Kelizhi ដែល​កំពុង​ប្រើ​នៅ​ពេល​បច្ចុប្បន្ន​នេះ គឺ​មិន​មាន​ប្រសិទ្ធភាព​ល្អ​ទេ ហើយ​មាន​ផល​រំខាន​ច្រើន​ទៀត​ផង។ បើ​តាម​អ្នក​វិទ្យាសាស្ត្រមួយ​រូបទៀត​ លោក Chen Zuobing ដែល​ជា​សមាជិក​ក្នុង​ក្រុម​​នេះ​ដែរ​

  • មន្ត្រីចិន៖ ​អ្នក​ឆ្លងវីរុសកូរ៉ូណាថ្មី​ជិត៩០០​នាក់ហើយ​ បាន​ជាសះស្បើយ
    សុខភាព
    February 5, 2020 Khmernote

    មន្ត្រីសុខសភិបាលចិន​និយាយថាគិតត្រឹម​ថ្ងៃអង្គារ ម្សិល​មិញ​អ្នក​ជំងឺ​ដែល​ឆ្លងវីរុសកូរ៉ូណា​ថ្មី​ជិត៩០០​នាក់​ហើយ​បាន​ជាសះស្បើយ និង​ត្រូវអនុញ្ញាត​ឲ្យ​ចេញពី​មន្ទីរពេទ្យ។ កាសែត​ចិន Xinhou ចុះ​ផ្សាយ​នា​ព្រឹក​ថ្ងៃ​ពុធ​នេះ បាន​ដកស្រង់​សម្ដី​អាជ្ញាធរ​សុខាភិបាល​ប្រទេស​ចិន​ថា គិត​ត្រឹម​ល្ងាច​ថ្ងៃ​អង្គារ​ម្សិល​ម៉ិញ​នេះ មាន​អ្នក​ជំងឺ ផ្ទុកវីសរុសកូរ៉ូណាថ្មុីសរុប ៨៩២​នាក់​ហើយបានជាសះស្បើយ​​និង​បាន​អនុញ្ញាត​ឲ្យ​ចាក​ចេញ​ពី​មន្ទីរ​ពេទ្យ។ យោង​តាម​របាយ​ការណ៍​របស់​អាជ្ញា​ធរ​ចិនបញ្ជាក់ទៀតថា​ គ្រាន់តែនៅ​​​ថ្ងៃ​អង្គារ​ម្សិល​ម៉ិញមួយ​ថ្ងៃ​​មាន​អ្នក​ជំងឺដែល​ឆ្លង​វីរុស​កូរ៉ូណា​ថ្មី​ចំនួន​២៦២​នាក់​បានជា​សះស្បើយ និង​ត្រូវ​បាន​អនុញ្ញាត​ឲ្យ​​ចេញ​ពី​ពេទ្យ ដែល​ក្នុង​ចំណោម​នោះ មាន ១២៥​អ្នក​មក​ពី​ខេត្តហ៊ូប៉ី។ មន្ត្រី​ដដែលឲ្យដឹងថា​​គិត​ត្រឹម​ល្ងាច​ថ្ងៃ​អង្គារ មាន​ករណី​ជំងឺ​បង្ក​ដោយ​វីរុស​កូរ៉ូណា​ថ្មី កើន​ដល់ ២៤៣២៤ ករណី​ហើយ ដែល​ក្នុង​នោះ​មាន​អ្នក​ស្លាប់ ៤៩០​នាក់។ ក្នុង​ករណី​មាន​សំណួរ ឬ​មន្ទិលសង្ស័យ​ជុំវិញ​សុខភាព​អ្នក ជម្រើស​ល្អ​បំផុត សូម​ពិគ្រោះ និង​ប្រឹក្សា​យោបល់​ផ្ទាល់​ជាមួយ​ពេទ្យ​ជំនាញ។ Hello Health Group មិន​ចេញ​វេជ្ជបញ្ជា មិន​ធ្វើ​រោគវិនិច្ឆ័យ

  • ផ្ដាសាយ និងគ្រុនក្ដៅ មានលក្ខណៈសម្គាល់ខុសគ្នាម្ដេចខ្លះ?
    សុខភាព
    February 5, 2020 Khmernote

    ពេល​កូន​មាន​អាការៈ​ក្ដៅ​ខ្លួន ម៉ាក់ប៉ា​មិន​ទាន់​ដឹង​ច្បាស់​ថា នោះ​ជា​រោគសញ្ញា​ជំងឺ​អ្វី​ឲ្យ​ពិត​ប្រាកដ​នោះ​ទេ តើ​ក្តៅ​ខ្លួន ឬ​ក៏​ផ្តាសាយ? ដូចនេះ​ដើម្បី​ជា​ចំណេះដឹង​វេជ្ជបណ្ឌិត ហ៊ាង រតនា ឯកទេស​ជំងឺ​ទូទៅ នឹង​ពន្យល់​ពី​លក្ខណៈ​​សម្គាល់​ខ្លះ​ៗ​រវាង​ផ្ដាសាយ និង​គ្រុន​ក្ដៅដូច​ខាងក្រោម៖ ១- ផ្ដាសាយ ផ្ដាសាយ​កើត​ឡើង​ដោយ​ការ​វីរុស ធ្វើ​ឲ្យ​ប៉ះ​ពាល់​ដល់​ផ្លូវ​ដង្ហើម ជា​ពិសេស​ច្រមុះ បំពង់ក និង​សួត។ ចំណែក​រោគសញ្ញា​មាន​ដូចជា៖ + ហៀរ​សំបោរ + ក្ដៅ​ខ្លួន + តឹង​ច្រមុះ​ + កណ្ដាស់ + ឈឺ​ខ្លួន​ + អស់កម្លាំង + ឈឺ​រយៈ​ពេល​ពី ៧-១០

  • ចម្ងល់ និងពាក្យចចាមអារ៉ាមនានា ពាក់ព័ន្ធនឹងវីរ៉ូសកូរ៉ូណាថ្មី
    សុខភាព
    February 4, 2020 Khmernote

    ដើម្បី​បកស្រាយ​ពាក្យ​ចចាមអារ៉ាម​ផ្សេងៗ អង្គការ​សុខភាព​ពិភពលោក (WHO) បាន​ចេញ​មុខ​ឆ្លើយ​សំណួរ និង​ពន្យល់​ពី​រឿង​មួយ​ចំនួន​ទាក់ទិន​នឹង​វីរ៉ូសកូរ៉ូណាថ្មី។ ខាងក្រោម​នេះ​ជា​សំណួរ​ចម្លើយ​ពេញ​និយម​ជាង​គេ ដែល​អ្នក​លេង​បណ្ដាញ​សង្គម​តែងតែ​លើក​ឡើង​សួរ៖ ១- ខ្ទឹម​ស​ សំណួរ៖ តើ​ការ​ញ៉ាំ​ខ្ទឹម​ស​ ពិតជា​អាច​ជួយ​ការ​ពារ​ការ​ឆ្លង​វីរ៉ុស​កូរ៉ូណា​ថ្មី​បាន​មែន ឬ​ទេ? ចម្លើយ៖ ខ្ទឹម​ស គឺ​ជា​គ្រឿងទេសជំនួយសុខភាព​ ​និង​​មាន​លក្ខណៈ​សម្បត្តិ​ប្រឆាំង​នឹង​មេរោគ និង​បាក់តេរី​មួយ​ចំនួន។ តែ​ទោះជាយ៉ាងណាក៏ដោយ​គ្មាន​ភស្តុតាង​ណា​មួយ​បញ្ជាក់​ថា វា​អាច​ជួយ​ការពារ​វីរុស​កូរ៉ូណា​ថ្មី​បាន​ឡើយ។ ២- អីវ៉ាន់​ផ្ញើ​ពី​ចិន សំណួរ៖ តើ​យើង​មាន​សុវត្ថិភាព​ទេ ដែល​ទទួល​សំបុត្រ ឬ​កញ្ចប់​អីវ៉ាន់​ផ្សេង​ៗ​ពី​ប្រទេស​ចិន? ចម្លើយ៖ អ្នក​ទទួល​កញ្ចប់​អីវ៉ាន់​ដែល​ផ្ញើ​ពី​ប្រទេស​ចិន​មិន​មាន​ឆ្លង​វីរុស​កូរ៉ូណា​ថ្មី​ទេ។ ព្រោះ​ថា​មេរោគ​នេះ​ឆ្លង​មិន​យូរ​ឡើយ នៅ​លើ​វត្ថុ​ដូចជា​សំបុត្រ ឬ​កេស ​ឡាំង។ ៣- ប្រេង​ល្ង

  • ក្មេងៗពេលផ្ដាសាយ លេបថ្នាំ ១ ប្រភេទនេះ អាចប៉ះពាល់ខួរក្បាល
    សុខភាព
    February 3, 2020 Khmernote

    ភាគច្រើននៅ​ពេល​យើង​ ឬសមាជិកគ្រួសារណាមាន​ជំងឺ​ផ្ដាសាយ តែងតែ​ទៅ​គ្លីនិក ឬឱសថស្ថាន​​ផ្សេង​ៗ ដើម្បី​ផ្សំ​ថ្នាំ​លេបដោយ​គ្មាន​ការ​ពិនិត្យ​ឲ្យ​បាន​ត្រឹមត្រូវ។ គ្លីនិក​ ឬ​ឱសថ​ស្ថានមួយ​ចំនួន​បាន​ផ្សំ​ថ្នាំ​មិន​បាន​ត្រឹមត្រូវ​ ដោយ​ដាក់​បញ្ចូល​ថ្នាំ​បំបាត់​ការ​ឈឺ​ចុកចាប់ ១ ប្រភេទ ដើម្បី​ឲ្យ​ស្ថានភាព​ជំងឺ​ឆាប់​ជា​រហ័ស តែ​លោក​វេជ្ជបណ្ឌិត​ជំងឺ​ទូទៅ​ លី ឬទ្ធី​គុណ បាន​ឲ្យ​ដឹង​ថា ការ​ប្រើ​ថ្នាំ​ប្រភេទនេះមិន​ល្អ​ឡើយ ជាពិសេស​ក្មេង​ៗ។ វេជ្ជបណ្ឌិត លី ឬទ្ធី​គុណ បាន​បន្ត​ទៀត​ថា ពេល​ផ្ដាសាយ​គេ​ហាម​មិន​ឲ្យ​ប្រើ​ថ្នាំ​មួយ​ប្រភេទ គឺ​ថ្នាំ​អាស្ពេរីន។ លោក​បាន​បន្ត​ទៀត​ថា មិន​មែន​តែ​ផ្ដាសាយ​តូច ផ្ដាសាយ​ធំ​ឡើយ ក្ដៅខ្លួន ឬចេញ​អុតស្វាយឡើយ ​គឺ​ជំងឺ​ដែល​បង្ក​ដោយមេរោគ ក៏​ពេទ្យ​មិន​តម្រូវ​ដែរ ព្រោះ​វា​នាំឲ្យ​មាន​បញ្ហា​ខួរ​ក្បាល ពោល​នាំ​ឲ្យ​ហើម​ខួរ​ក្បាល និង​រីក​ថ្លើម​ធ្ងន់ធ្ងរ។ ពេល​មាន​បញ្ហា​ហើម​ខួរ​ក្បាល

  • មន្ទីរពេទ្យទី១ ​សម្រាប់អ្នកផ្ទុកវីរុសកូរ៉ូណាថ្មីនៅចិន​សង់រួចហើយ ប្រើពេលតែ​ ៨ ថ្ងៃ​
    សុខភាព
    February 3, 2020 Khmernote

    មន្ទីរពេទ្យ Huoshenshan ដែល​សាង​សង់​ឡើង​សម្រាប់​ដោះស្រាយទប់​ទល់​នឹង​ជំងឺ​ផ្លូវ​ដង្ហើម​ថ្មី ដែល​បង្ក​ដោយ​វីរុស​កូរ៉ូណា​ថ្មី​នោះ បាន​សាង​សង់​រួច​ជា​ស្ថាពរ​ហើយ ដោយ​ចំណាយ​ពេលត្រឹម​​ ៨ ​ថ្ងៃប៉ុណ្ណោះ។ មន្ទីរពេទ្យនេះ​​យក​គំរូ​តាម​មន្ទីរ​ពេទ្យ​ Xiaotangshan នៅ​​ក្រុង​ប៉េកាំង កាល​ពី​ឆ្នាំ ២០០៣ ដែល​សង់​ដើម្បី​ប្រឆាំងសនឹង​ជំងឺ SARS ។ ​មន្ទីរ​ពេទ្យ Huoshenshan ​នេះ​ ចាប់​ផ្ដើម​បើក​ការដ្ឋាន​​សាង​សង់កាល​ពី​​​ថ្ងៃ​ទី ២៥ មករា សប្ដាហ៍​មុន បន្ទាប់​ពី​តួលេខការ​ឆ្លងរាលដាល និង​អ្នក​ស្លាប់​កើន​ឡើង​យ៉ាង​គំហុក​នៅ​ទីក្រុងវូហាន។ មន្ទី​ពេទ្យ​នេះ​អាចទទួល​អ្នក​ជំងឺ​ពី​ចន្លោះ ៧០០ ទៅ ១ ០០០ គ្រែ ក្នុង​ទំហំ​ផ្ទៃ​ដី​ ២៥ ០០០

  • មានផ្ទៃពោះគួរថែខ្លួនបែបណា ដើម្បីគេចផុតពីវីរុសកូរ៉ូណាថ្មី?
    សុខភាព
    February 1, 2020 Khmernote

    ទោះ​នៅ​កម្ពុជា​មាន​ត្រឹម​១​ករណី​ដែល​ឆ្លង​វីរុស​កូរ៉ូណាថ្មីក៏ដោយ តែ​ម៉ាក់​ៗ​ដែល​កំពុង​មាន​ផ្ទៃពោះ​នៅតែ​មាន​ការ​ព្រួយ​បារម្ភ​ពី​សុខភាព​របស់​ខ្លួន និង​កូន​ក្នុង​ផ្ទៃ។ ដើម្បី​កុំឲ្យ​គ្នា​យើង​មាន​ភាព​ភ័យ​ខ្លាច​លោក វេជ្ជបណ្ឌិត ហ៊ាង រតនា ឯកទេស​ទូទៅ បាន​ឲ្យ​ដឹង​ថា ម៉ាក់​ៗ​មាន​ផ្ទៃពោះ​កុំ​បាច់​បារម្ភ​ពេក​អី ព្រោះ​វា​អាច​នាំឲ្យ​ប៉ះពាល់​ដល់​កូន​ក្នុង​ផ្ទៃ​ទៅ​វិញ​ទេ។ លោក​បន្ត​ទៀត​ថា ដើម្បី​ឲ្យ​យើង​ស្ងប់​ចិត្ត​ម៉ាក់​ៗ​ទាំងអស់​អាច​សាក​ធ្វើ​តាម​ការ​ណែនាំ​មួយ​ចំនួន​ខាងក្រោម ជា​ការ​ធានា​សុវត្ថិភាព​ទម្រាំ​តែ​វីរុស​នោះ​ត្រូវ​បាន​កម្ចាត់​ចោល ហើយ​បញ្ហា​អនាម័យ​គឺ​ជា​របង​ការពារ​ខ្លួន​ដ៏​រឹងមាំ​សម្រាប់​ខ្លួន​យើង​គ្រប់​ៗ​គ្នា។ មួយ​វិញ​ទៀត​ទោះ​ជា​មាន​ផ្ទៃពោះ​មែន តែ​យើង​គ្មាន​ហានិភ័យ​ឆ្លង​ខ្ពស់​ឡើយ គឺ​ដូចជា​មនុស្ស​ធម្មតា​ដែរ ដូចនេះ​ត្រូវ​អនុវត្ត ៣ ចំណុច​នេះ៖ ១- គេង និង​ញ៉ាំ​ឲ្យ​បាន​គ្រប់គ្រាន់ បើ​យើង​រវល់​តែ​គិត​ខ្វល់ខ្វាយ​ខ្លាំង នោះ​ច្បាស់ជា​គេង​មិន​លក់ ញ៉ាំ​មិន​បាន​ហើយ កាលណា​តែ​គេង​មិន​លក់​នាំឲ្យ​សុខភាព​ធ្លាក់​ចុះ​ អាច​ប៉ះពាល់​ដល់​កូន​ទាំង​មិន​បាន​ឆ្លង​វីរុស​កូរ៉ូណា​ថ្មី។ តែ​បើ​យើង​គេង​ និង​ញ៉ាំ​​គ្រប់គ្រាន់​វិញ អាច​ជួយ​ពង្រឹង​ប្រព័ន្ធ​ភាព​ស៊ាំ ហើយ​ក្រោក​ឡើង​អារម្មណ៍​ស្រស់​ថ្លា​ល្អ​ទាំង​ម៉ាក់ និង​កូន​ក្នុង​ពោះ។