អន្តរជាតិ
  • Hot News – ចំនួនអ្នកឆ្លងវីរុសកូរ៉ូណានៅកូរ៉េខាងត្បូងកើនលើស ១ពាន់នាក់ និងស្លាប់ដល់១១នាក់
    អន្តរជាតិ
    February 26, 2020 Khmernote

    យោងតាមប្រភពសារព័ត៌មាន Channelnewsasia បានឲ្យដឹងថា របាយការណ៍អ្នកឆ្លងវីរុសកូរ៉ូណានៅក្នុងប្រទេសកូរ៉េខាងត្បូងបានកើនឡើង ១៦៩ករណីទៀត ដែលធ្វើឲ្យចំនួនសរុបនៅទូទាំងប្រទេសបានកើនឡើង ១ ១៤៦នាក់ ដោយនេះជាចំនួនដ៏ច្រើនជាងគេបំផុតដែលឆ្លងវីរុសកូរ៉ូណាថ្មី COVID-19 នៅក្រៅប្រទេសចិន។ យោងតាមរបាយការណ៍ មជ្ឈមណ្ឌលកូរ៉េសម្រាប់ការគ្រប់គ្រងនិងបង្ការជំងឺរបស់កូរ៉េ (the Korea Centers for Disease Control and Prevention) បានឲ្យដឹងទៀតថា ចំនួនអ្នកស្លាប់ដោយសារវីរុសកូរ៉ូណានេះនៅកូរ៉េខាងត្បូងបានកើនដល់១១នាក់ហើយ។ ករណីស្លាប់ទី១១នោះគឺជាបុរសម៉ុងហ្គោលីវ័យ៣០ឆ្នាំប្លាយ ហើយវាបានក្លាយជាករណីទី១នៅក្នុងប្រទេសកូរ៉េខាងត្បូង ដែលមានជនបរទេសស្លាប់បាត់បង់ជីវិត ដោយសារវីរុសកូរ៉ូណា៕ អត្ថបទ៖ សេម

  • បុគ្គលិកបំរើការលើយន្តហោះរបស់ Korean Air ម្នាក់បានឆ្លងវីរុស COVID-19 កាន់តែធ្វើអោយមានការព្រួយបារម្ភកាន់តែខ្លាំង
    អន្តរជាតិ
    February 25, 2020 lyda

    បុគ្គលបំរើការលើយន្តហោះម្នាក់របស់ក្រុមហ៊ុនអាកាសចរណ៍កូរ៉េអ៊ែរ (Korean Air) ត្រូវបានប្រកាសថា ឆ្លងវីរុស COVID-19 ហើយគាត់គឺជាមនុស្សម្នាក់ ក្នុងចំណោម ៦០នាក់ ដែលត្រូវបានបញ្ជាក់ថាឆ្លងនៅព្រឹកថ្ងៃអង្គារនេះ។ ឥឡូវនេះមានមនុស្សជិត ១,០០០នាក់ ត្រូវបានគេធ្វើរោគវិនិច្ឆ័យថាឆ្លងវីរុសកូរ៉ូណា ឬ COVID-19 នៅក្នុងប្រទេសកូរ៉េខាងត្បូង ហើយការស្លាប់បានឈានដល់ ១០នាក់។ ព័ត៌មានលម្អិតបន្ថែមអំពីបុគ្គលិកបំរើការលើយន្តហោះ រួមទាំងស្ថានភាព និងប្រវត្តិនៃការធ្វើដំណើររបស់ពួកគេមិនទាន់ត្រូវបានរាយការណ៍ទេ ប៉ុន្តែព័ត៌មាននេះបានជំរុញឱ្យក្រុមហ៊ុនអាកាសចរណ៍កូរ៉េអ៊ែរ បិទអគាររដ្ឋបាលនៅជិតអាកាសយានដ្ឋានអន្តរជាតិអ៊ីនឈុន ដែលអាកាសយានិក និងអ្នកបើកយន្តហោះ ដើរពិនិត្យមុនពេលហោះហើរ។ ឥឡូវនេះក្រុមហ៊ុនអាកាសចរណ៍កូរ៉េអ៊ែរកំពុងព្យាយាមយ៉ាងបន្ទាន់ ដើម្បីតាមដានមិត្តរួមការងារ និងអ្នកដំណើរ ដែលមានទំនាក់ទំនងជិតស្និទ្ធជាមួយអាកាសយានិកម្នាក់នោះ ក្នុងអំឡុងពេល ១៤ថ្ងៃចុងក្រោយ (គិតតាមរយៈពេលមេរោគសំងំ incubation

  • ចូលរួមរំលែកទុក្ខ! លោកតាដែលមានវ័យចំណាស់ជាងគេរបស់ពិភពលោក ពេលនេះបានទទួលមរណភាពនៅអាយុ ១១២ឆ្នាំ
    អន្តរជាតិ
    February 25, 2020 lyda

    មន្រ្តីក្នុងតំបន់បានឱ្យដឹងនៅថ្ងៃអង្គារនេះថា លោកតា Chitetsu Watanabe កើតនៅថ្ងៃទី០៥ ខែមិនា ឆ្នាំ១៩០៧ នៅ Niigata ភាគខាងជើងទីក្រុងតូក្យូ បានទទួលមរណភាពកាលពីថ្ងៃអាទិត្យ នៅឯមណ្ឌលថែទាំរបស់លោកតានៅក្នុងខេត្ត។ ព័ត៌មាននេះបានកើតឡើងមិនដល់ពីរសប្តាហ៍ផង បន្ទាប់ពីលោកតាត្រូវបានទទួលស្គាល់ជាផ្លូវការដោយ Guinness World Records ថាជាបុរសដែលមានវ័យចំណាស់ជាងគេបំផុត។ លោកតា Chitetsu Watanabe ដែលមានកូន ៥នាក់ ធ្លាប់បាននិយាយថា អាថ៌កំបាំងនៃភាពអាយុវែងរបស់គាត់គឺ «កុំខឹងច្រើន និងត្រូវរក្សាស្នាមញញឹម» ហើយលោកតាក៏ធ្លាប់ប្រាប់ដែរថា គាត់ចូលចិត្តបរិភោគសង់ខ្យា និងការ៉េម។ បើយោងតាមសារព័ត៌មាន Jiji Press បុរសចំណាស់ជាងគេនៅក្នុងប្រទេសជប៉ុនពេលនេះ

  • WHO ព្រមានអំពីលទ្ធភាពដែល COVID-19 នឹងអាចឆ្លងរាលដាលពាសពេញពិភពលោក
    អន្តរជាតិ
    February 25, 2020 lyda

    អង្គការសុខភាពពិភពលោកកាលពីថ្ងៃច័ន្ទបាននិយាយថា ការរីករាលដាលនៃ COVID-19 បានកើនឡើងដល់កម្រិតខ្ពស់បំផុតនៅក្នុងប្រទេសចិន ប៉ុន្តែក៏បានព្រមានថា ការកើនឡើងនូវករណីនៅប្រទេសផ្សេងទៀតគឺគួរឱ្យមានការព្រួយបារម្ភយ៉ាងខ្លាំង ហើយប្រទេសទាំងអស់គួរតែត្រៀមសម្រាប់ការរីករាលពាសពេញពិភពលោក (Pandemic)។ ប្រធានអង្គការសុខភាពពិភពលោក Tedros Adhanom Ghebreyesus បាននិយាយថា កម្រិតឆ្លងខ្ពស់បំផុតនៅក្នុងប្រទេសចិនបានកើតឡើងនៅចន្លោះថ្ងៃទី២៣ ខែមករា ដល់ថ្ងៃទី០២ ខែកុម្ភៈ ហើយចំនួនករណីថ្មីៗបានធ្លាក់ចុះជាលំដាប់ចាប់តាំងពីពេលនោះមក។ លោកបានប្រាប់អ្នកយកព័ត៌មាននៅទីក្រុងហ្សឺណែវថា៖ “វីរុសនេះអាចទប់ទល់បាន” ដោយកោតសរសើរប្រទេសចិន ដែលបានជួយទប់ស្កាត់កុំឱ្យមានការរីករាលដាលកាន់តែធំឡើង តាមរយៈការបិទទ្វារទីក្រុងដែលមិនធ្លាប់មានពីមុនមក និងការធ្វើចត្តាឡីស័កនៅចំណុចកណ្តាលនៃការផ្ទុះ។ ឆ្លើយតបនឹងសំណួរបានសួរថា តើវីរុសនេះមានសក្តានុពលរាតត្បាតពាសពេញពិភពលោកទេ? លោក Tedros Adhanom Ghebreyesus បានឆ្លើយថា៖ “ពិតណាស់បាទ! ប៉ុន្តែសម្រាប់ពេលនេះយើងមិនទាន់បានឃើញការរីករាលដាល មាននៅទូទាំងពិភពលោកនៅឡើយទេ”។

  • គ្រូពេទ្យម្នាក់សុខចិត្តពន្យារថ្ងៃរៀបការរបស់ខ្លួន ដើម្បីព្យាបាលអ្នកជំងឺកូរ៉ូណា ចុងក្រោយឆ្លងវីរុសនោះស្លាប់ខ្លួនឯង
    អន្តរជាតិ
    February 25, 2020 Khmernote

    ចិន៖ គ្រូពេទ្យម្នាក់នៅទីក្រុង Wuhan ខេត្ត Hubei ប្រទេសចិន ដែលបានសុខចិត្តពន្យារថ្ងៃរៀបការរបស់ខ្លួន ដើម្បីជួយព្យាបាលអ្នកជំងឺកូរ៉ូណា ចុងក្រោយត្រូវស្លាប់បាត់បង់ជីវិត ដោយសារតែវីរុសដ៏សាហាវនេះ។ យោងតាមប្រភពព័ត៌មានចិនបានឲ្យដឹងថា លោកវេជ្ជបណ្ឌិល Peng Yinhua អាយុ២៩ឆ្នាំ ដែលបំរើការនៅមន្ទីរពេទ្យ the First People’s Hospital នៅតំបន់ Jiangxia បានស្លាប់បាត់បង់ជីវិតកាលពីថ្ងៃព្រហស្បតិ៍ កន្លងទៅ។ លោកវេជ្ជបណ្ឌិត និងភរិយាបានចុះលិខិតអេតាស៊ីវិលតាំងពី២ឆ្នាំមុនមកម្ល៉េះ ហើយគម្រោងរៀបអាពាហ៍ពិពាហ៍នៅថ្ងៃទី១ ខែកុម្ភៈ ឆ្នាំ២០២០ ព្រោះនៅប្រទេសចិនវាជារឿងធម្មតាទេ សម្រាប់គូស្នេហ៍ដែលចុះអេតាស៊ីវិលមុន ហើយរើសថ្ងៃពិសេសរៀបការនៅតាមក្រោយ។ ប៉ុន្តែនៅក្នុងខែមករា នៅពេលដែលទីក្រុង Wuhan

  • ថៃរកឃើញអ្នកឆ្លងវីរុស COVID-19 ចំនួន ២នាក់បន្ថែមទៀត នាំឱ្យករណីសរុបកើនដល់ ៣៧នាក់
    អន្តរជាតិ
    February 25, 2020 lyda

    ករណីវីរុស COVID-19 ចំនួន ២ ត្រូវបានរាយការណ៍នៅក្នុងប្រទេសថៃ នៅថ្ងៃអង្គារ៍ ទី២៥ ខែកុម្ភៈ ឆ្នាំ២០២០នេះ ហើយអ្នកឆ្លងគឺជាជនជាតិថៃទាំង ២នាក់។ ករណីទី១ គឺជាស្ត្រី អាយុ ៣១ឆ្នាំ ដែលត្រូវបានបញ្ជូនទៅមន្ទីរពេទ្យ Rajavithi ដោយគាត់បានធ្លាក់ខ្លួនមានជំងឺរលាកសួត។ លេខាធិការអចិន្រ្តៃយ៍ក្រសួងសុខាភិបាលសាធារណៈលោក Sukhum Karnchanapimai បាននិយាយថា សមាជិកគ្រួសាររបស់ស្ត្រីរងគ្រោះបានធ្វើដំណើរទៅប្រទេសចិននាពេលថ្មីៗនេះ។ ករណីទី២ គឺជាបុរស អាយុ ២៩ឆ្នាំ គាត់ជាអ្នកបើកបរតាក់ស៊ីដឹកភ្ញៀវចិន ហើយគាត់បានធ្លាក់ខ្លួនក្តៅខ្លួន និងមានការក្អក។ គាត់ត្រូវបានបញ្ជូនទៅមន្ទីរពេទ្យនៅវិទ្យាស្ថានជំងឺឆ្លង Bamrasnaradura ។ គួរឱ្យដឹងដែរថា

  • ពេទ្យវៀតណាមជោគជ័យអាចវះកាត់ប្ដូរដៃពីមនុស្សម្នាក់ទៅមនុស្សម្នាក់ទៀតបានដំបូងគេបំផុតក្នុងពិភពលោក
    អន្តរជាតិ
    February 25, 2020 lyda

    មន្ទីរពេទ្យយោធាមួយមានមូលដ្ឋាននៅហាណូយ បាននិយាយកាលពីថ្ងៃច័ន្ទថា ក្រុមគ្រូពេទ្យវះកាត់មកពីមន្ទីរពេទ្យយោធា ១០៨ បានធ្វើការវះកាត់ប្តូរដៃបានដោយជោគជ័យដំបូងគេបំផុតនៅលើពិភពលោក។ អ្នកជំងឺម្នាក់នោះឈ្មោះ Nguyen Van Vuong អាយុ ៣១ឆ្នាំ គាត់បានបាត់បង់ដៃឆ្វេងផ្នែកខាងចុង នៅក្នុងគ្រោះថ្នាក់ការងារមួយកាលពីឆ្នាំ២០១៦ ប៉ុន្តែ៤ឆ្នាំក្រោយមក អ្នកបរិច្ចាគរបស់គាត់ក៏បានបាត់បង់ដៃខាងស្តាំនៅក្នុងគ្រោះថ្នាក់ការងារធ្ងន់ធ្ងរមួយ ខណៈដៃឆ្វេងរបស់គាត់នៅអាចបរិច្ចាគបាន។ ដូច្នេះលោក Nguyen Van Vuong ក៏ទទួលបានការបរិច្ចាគនោះ ហើយប្រតិបត្តិការនេះបានធ្វើឡើងកាលពីខែមុន។ ការវះកាត់មានរយៈពេល ៨ម៉ោង ចាប់ពីម៉ោង ១០ ព្រឹកដល់ម៉ោង ៦ ល្ងាច។ ក្រុមគ្រូពេទ្យត្រូវតភ្ជាប់សាច់ដុំចំនួន ៣៦ និងឆ្អឹងជិត ៤០ ។

  • តួលេខកើនរាល់ថ្ងៃ! ស្លាប់ ៨នាក់ និងជិត ៩០០នាក់ បានឆ្លងវីរុស COVID-19 នៅកូរ៉េខាងត្បូង
    អន្តរជាតិ
    February 25, 2020 lyda

    ប្រទេសកូរ៉េខាងត្បូងនៅថ្ងៃអង្គារ ទី២៥ ខែកុម្ភៈនេះ បានរាយការណ៍ពីការស្លាប់ទី៨ នៃអ្នកឆ្លងវីរុស COVID-19 និងអ្នកឆ្លងមាន ៦០ករណី បន្ថែមទៀត ដែលជាការកើនឡើងតិចតួចបំផុត ក្នុងរយៈពេល ៤ថ្ងៃ ចុងក្រោយនេះ។ ប្រទេសកូរ៉េមានករណីចំនួន ៨៩៣ករណី នេះបើយោងតាមមជ្ឈមណ្ឌលកូរ៉េសម្រាប់ការត្រួតពិនិត្យនិងបង្ការជំងឺ (KCDC) ក្នុងការធ្វើបច្ចុប្បន្នភាពពេលព្រឹករបស់ខ្លួន។ ក្នុងរយៈពេលបីថ្ងៃមុននេះ KCDC បានរាយការណ៍ពីការកើនឡើងខ្ទង់រយរៀងរាល់ព្រឹក នៅពេលដែលការផ្ទុះឡើងបានកើតឡើងនៅក្នុងប្រទេស ដែលមានសេដ្ឋកិច្ចធំជាងគេទី១២ នៅលើពិភពលោក។ ក្នុងចំណោមករណីថ្មី មាន ១៦ករណី គឺស្ថិតនៅភាគអាគ្នេយ៍នៃទីក្រុង Daegu ដែលជាកន្លែងព្រះវិហារ Shincheonji មានការផ្ទុះឡើងនូវវីរុស និង ៣៣នាក់

  • គិតមកដល់ពេលនេះ ប្រទេសចិនព្យាបាលអ្នកឆ្លង COVID-19 បានជាសះស្បើយ និងឱ្យពួកគេចេញពីមន្ទីរពេទ្យបានចំនួន ២៧,៣២៣នាក់
    អន្តរជាតិ
    February 25, 2020 lyda

    អាជ្ញាធរសុខាភិបាលចិនបាននិយាយនៅថ្ងៃអង្គារនេះថា អ្នកជំងឺសរុបចំនួន ២៧,៣២៣នាក់ ដែលឆ្លងវីរុស COVID-19 ត្រូវបានគេបញ្ជូនចេញពីមន្ទីរពេទ្យ បន្ទាប់ពីបានជាសះស្បើយគិតត្រឹមថ្ងៃច័ន្ទ។ គណៈកម្មការសុខភាពជាតិបាននិយាយនៅក្នុងរបាយការណ៍ប្រចាំថ្ងៃរបស់ខ្លួនថា កាលពីថ្ងៃច័ន្ទ មានមនុស្សចំនួន ២,៥៨៩នាក់ បានដើរចេញពីមន្ទីរពេទ្យ បន្ទាប់ពីបានជាសះស្បើយឡើងវិញ។ គិតត្រឹមល្ងាចថ្ងៃច័ន្ទមនុស្សសរុបចំនួន ២,៦៦៣នាក់ បានស្លាប់ដោយសារវីរុសនេះ ហើយ ៧៧,៦៥៨ករណី ត្រូវបានគេរាយការណ៍ថាឆ្លងវីរុស។ អាជ្ញាធរសុខាភិបាលចិនបាននិយាយថា មានករណីថ្មីចំនួន ៥០៨ កាលពីថ្ងៃច័ន្ទ ចេញពី ៣១ តំបន់តាមខេត្តនៅក្នុងចិនដីគោក ក្នុងនោះមាន ៤៩៩នាក់ មកពីខេត្តហ៊ូប៉ី។ គណៈកម្មការក៏បាននិយាយថា ករណីសង្ស័យថ្មីចំនួន ៥៣០ ផ្សេងទៀត ត្រូវបានគេរាយការណ៍កាលពីថ្ងៃច័ន្ទ។

  • ស្តេចស៊ុលតង់ម៉ាឡេស៊ីទទួលយកពាក្យលាលែងពីលោក Mahathir Mohamad ប៉ុន្តែតែងតាំងលោកធ្វើជានាយករដ្ឋមន្ត្រីបណ្តោះអាសន្នរហូតដល់មានអ្នកថ្មីមកកាន់តំណែង
    អន្តរជាតិ
    February 25, 2020 lyda

    ម៉ាឡេស៊ី៖ លេខារដ្ឋាភិបាលលោក Mohd Zuki Ali បាននិយាយកាលពីថ្ងៃច័ន្ទថា ការលាលែងពីតំណែងរបស់នាយករដ្ឋមន្ត្រី Mahathir Mohamad ត្រូវបានទទួលយកជាផ្លូវការដោយព្រះមហាក្សត្ររបស់ប្រទេស។ លោកបាននិយាយថា ស្ដេចស៊ុលតង់ អាប់ឌុលឡាហ៍ ស៊ុលតង់ អាម៉ាដសាហ៍ (Abdullah Sultan Ahmad Shah) ដែលជាប្រមុខរដ្ឋនៃប្រទេសម៉ាឡេស៊ី ក៏បានតែងតាំងលោក Mahathir ឱ្យនៅធ្វើជានាយករដ្ឋមន្ត្រីបណ្តោះអាសន្ន រហូតដល់មានអ្នកថ្មីអាចត្រូវបានតែងតាំងស្របតាមបទប្បញ្ញត្តិរដ្ឋធម្មនុញ្ញ។ លោក Mahathir ផ្ទាល់មិនបាននិយាយជាសាធារណៈទេ ចាប់តាំងពីការប្រកាសលាលែងរបស់លោក ហើយក៏មិនបានផ្តល់ហេតុផល ឬការពន្យល់ណាមួយចំពោះការធ្វើដូច្នេះដែរ។ មុននេះប្រធានគណបក្ស Parti Pribumi Bersatu