អន្តរជាតិ
  • ក្រោយពីប្រកាសរកសង្សារទៅដើរលេងភពព្រះច័ន្ទមិនបាន ឥឡូវនេះមហាសេដ្ឋីជប៉ុន Yusaku Maezawa ប្រកាសរកមនុស្សចំនួន ៨នាក់ នៅលេងទីនោះជាមួយគាត់
    អន្តរជាតិ
    March 3, 2021 lyda

    មហាសេដ្ឋីជនជាតិជប៉ុនលោក Yusaku Maezawa បានអញ្ជើញសមាជិកសាធារណៈចំនួន ៨នាក់ ឱ្យមកចូលរួមជាមួយគាត់សម្រាប់ដំណើរកម្សាន្តជុំវិញភពព្រះច័ន្ទ តាមរយៈយានអវកាសក្រុមហ៊ុន SpaceX របស់មហាសេដ្ឋីពាន់លានលោក Elon Musk ។ សេដ្ឋីជប៉ុនរូបនោះបាននិយាយនៅក្នុងវីដេអូតាមរយៈបណ្តាញសង្គម Twitter ថា៖«ខ្ញុំចង់ឱ្យប្រជាជនមកពីគ្រប់មជ្ឈដ្ឋានចូលរួមជាមួយខ្ញុំ» ដោយលោកនឹងចំណាយលើការធ្វើដំណើរទាំងមូល ដូច្នេះអ្នកចូលរួមនឹងមិនព្រួយរឿងថ្លៃចំណាយនោះទេ។ បេសកកម្មនេះមានឈ្មោះថា dearMoon ដែលគ្រោងនឹងហោះហើរនៅឆ្នាំ២០២៣។ គាត់បាននិយាយថា អ្នកដាក់ពាក្យត្រូវបំពេញតាមលក្ខណៈវិនិច្ឆ័យ ២ គឺពួកគេគួរតែជម្រុញ «សកម្មភាពអ្វីក៏ដោយ» ដើម្បីជួយអ្នកដទៃនិងសង្គមកាន់តែច្រើនតាមមធ្យោបាយណាមួយ ហើយពួកគេមានឆន្ទៈជួយសមាជិកដទៃទៀត ដែលមានសេចក្តីប្រាថ្នាស្រដៀងគ្នានេះ។ លោកបានបន្ថែមថា លោកបានទិញកៅអីរបស់យានអវកាសសម្រាប់បេសកកម្មនោះរួចអស់ហើយ ដូច្នេះវាជាការហោះហើយលក្ខណៈឯកជនមួយ។ គួររំលឹកដែរថា មហាសេដ្ឋីជប៉ុនរូបនេះធ្លាប់បានប្រកាសរើសសង្សារ ដើម្បីទៅដើរលេងនៅភពព្រះច័ន្ទម្ដងហើយកាលពីដើមឆ្នាំ២០២០

  • ភ្នំភ្លើងដ៏ធំមួយនៅឥណ្ឌូនេស៊ីបានផ្ទុះឡើងម្តងទៀត បង្កឲ្យមានផេះហោះទៅកាន់បរិយាកាសក្នុងកម្ពស់ប្រមាណជា ៥ គីឡូម៉ែត្រ
    អន្តរជាតិ
    March 3, 2021 Pheakdey

    ឥណ្ឌូនេស៊ី៖ សារព័ត៌​មាន Channel News Asia បានរាយការណ៍ថា មានករណីភ្នំភ្លើងដ៏ធំមួយនៅប្រទេសឥណ្ឌូនេស៊ីបានផ្ទុះឡើងនិងបានបង្កឲ្យមានផេះហោះទៅកាន់បរិយាកាសក្នុងកម្ពស់ប្រមាណជា ៥ គីឡូម៉ែត្រ។ ប្រភពខាងលើបានបន្តថា ភ្នំភ្លើងមួយនេះមានឈ្មោះថា Sinabung មានទីតាំងស្ថិតនៅក្នុងខេត្ត North Sumatra និងធ្លាប់បានផ្ទុះម្តងរួចមកហើយកាលពីអំឡុងខែសីហាឆ្នាំមុននេះ។ បើទោះជាធ្លាប់ផ្ទុះម្តងហើយក្តី តែភ្នំភ្លើងដ៏ធំមួយនេះនៅតែផ្ទុះជាថ្មីម្តងទៀតហើយការផ្ទុះលើកនេះគឺជាការផ្ទុះទ្រង់ទ្រាយធំទៀតផង។ យ៉ាងណាក្តី រហូតមកទល់នឹងពេលនេះនៅមិនទាន់មានសេចក្តីរាយការណ៍ណាមួយបានបញ្ជាក់ថា មានជនរងគ្រោះដោយសារការផ្ទុះភ្នំភ្លើងនេះនៅឡើយទេ ព្រោះតែពលរដ្ឋឥណ្ឌូនេស៊ីធ្លាប់បានដឹងពីលទ្ធភាពដែលភ្នំភ្លើងអាចផ្ទុះជាថ្មីម្តងទៀតនិងបានត្រៀមការពារខ្លួនទុកជាមុន។ បើទោះជាយ៉ាងនេះក៏ដោយចុះ អាជ្ញាធរឥណ្ឌូនេស៊ីបានជូនដំណឹងឲ្យពលរដ្ឋត្រូវនៅឆ្ងាយពីតំបន់កើតហេតុយ៉ាងតិច ៣ គីឡូម៉ែត្រដើម្បីចៀស ផុតពីផលប៉ះពាល់ផ្សេងៗដែលអាចកើតមានឡើងដោយយថាហេតុ។ សូមបញ្ជាក់ជូនថា​ ឥណ្ឌូនេស៊ីជាប្រទេសមួយដែលមានភ្នំភ្លើងច្រើនជាងបណ្តាប្រទេសផ្សេងៗទៀត និងបើគិតត្រឹមពេលនេះឥណ្ឌូនេស៊ីកំពុងមានភ្នំភ្លើងប្រហែលជា ១៣០ ទៀតដែលអាចនឹងផ្ទុះក្នុងពេលខាងមុខ៕ អត្ថបទ៖ ភក្តី

  • ថៃកំពុងសិក្សាពីការប្រើប្រាស់លិខិតឆ្លងដែនកូវីដ ១៩ ក្នុងចំណោមពលរដ្ឋ ដែលបានចាក់វ៉ាក់សាំងរួច ដើម្បីអាចធ្វើដំណើរចេញ-ចូលក្រៅប្រទេសបានស្រួល
    អន្តរជាតិ
    March 3, 2021 Pheakdey

    ថៃ៖ យោងតាមការចុះផ្សាយនៅក្នុងសារព័ត៌មាន បាងកកប៉ុស្តិ៍ បានឲ្យដឹងថា រដ្ឋាភិបាលថៃកំពុងសិក្សាអំពីលទ្ធភាពនៃការប្រើប្រាស់លិខិតឆ្លងដែនកូវីដ ១៩ នៅក្នុងពេលអនាគតខាងមុខនេះ។ ប្រភពបានបន្តថា កាលពីថ្ងៃអង្គារ ទី ២ កុម្ភៈម្សិលមិញនេះ លោកនាយរដ្ឋមន្ត្រីថៃ ប្រាយុទ្ធ ចាន់អូចា បានចេញបទបញ្ជារួចរាល់ហើយឲ្យក្រសួងការបរទេសថៃសិក្សាអំពីការទទួលស្គាល់និងប្រើប្រាស់ជាផ្លូវការនូវលិខិតឆ្លងដែនកូវីដ ១៩ សម្រាប់ពលរដ្ឋដែលត្រូវធ្វើដំណើរចេញចូលក្នុងបណ្តាប្រទេសជាច្រើននៅជុំវិញពិភពលោក។ សូមបញ្ជាក់ថា លិខិតឆ្លងដែនកូវីដ ១៩ គឺជាលិខិតបញ្ជាក់ថាពលរដ្ឋណាម្នាក់បានចាក់វ៉ាក់សាំងការពារជំងឺកូវីដ ១៩ រួចរាល់ហើយ ដូចនេះពួកគេអាចធ្វើដំណើរទៅក្រៅប្រទេសបានដោយគ្មានការបារម្ភអំពីការចម្លងជំងឺកូវីដ ១៩ នោះទេ។ តាមគម្រោងប្រទេសសំខាន់ៗមួយចំនួនដែលថៃចង់ឲ្យមានកិច្ចសហប្រតិបត្តិការណ៍ប្រើប្រាស់លិខិតឆ្លងដែនកូវីដ ១៩ ជាមួយគ្នានោះមានដូចជា សហរដ្ឋអាមេរិក ចក្រភពអង់គ្លេស និងបណ្តាប្រទេសនៅក្នុងតំបន់អឺរ៉ុប។ យ៉ាណាក្តី

  • ពេទ្យទាហានថៃម្នាក់ត្រូវបានបណ្តេញចេញពីការងារ និងដកអាជ្ញាប័ណ្ឌ បន្ទាប់ពីបានចាក់វ៉ាក់សាំងបង្ការជំងឺកូវីដ១៩ ក្លែងក្លាយទៅឱ្យទាហានថៃ
    អន្តរជាតិ
    March 3, 2021 lyda

    ថៃ៖ ពេទ្យទាហាននិងជាអនុសេនីយ៍ទោម្នាក់ ត្រូវបានគេបណ្តេញចេញពីការងារ ខណៈអាជ្ញាប័ណ្ណវេជ្ជសាស្រ្តរបស់គាត់ត្រូវបានដកហូតវិញ បន្ទាប់ពីគាត់បានចាក់វ៉ាក់សាំងបង្ការជំងឺ COVID-19 ក្លែងក្លាយទៅឱ្យទាហាន អំឡុងពេលបេសកកម្មរក្សាសន្តិភាពរបស់អង្គការសហប្រជាជាតិនៅស៊ូដង់ខាងត្បូង។ វ៉ាក់សាំងដែលគាត់បានចាក់នោះគឺជាទឹកធម្មតា ហើយគាត់ទំនងជាចាក់ថ្នាំឱ្យទាហានថៃចំនួន ២៧៣ នាក់ ដោយគិតថ្លៃ ៦០៧បាត ឬប្រហែល ២០ដុល្លារ ក្នុងមួយម្ចុល។ ការបែកធ្លាយនេះគឺបន្ទាប់ពីទាហានម្នាក់បានកត់សម្គាល់ថា ដបថ្នាំដែរពេទ្យនោះបានប្រើគ្មានស្លាកសញ្ញាអ្វីនោះទេ លុះក្រោយមកថ្នាក់លើបានបើកការស៊ើបអង្កេតផ្ទៃក្នុង ហើយបានរកឃើញថាដបទាំងនោះជាដបដាក់បំពេញដោយទឹកធម្មតា។ យោងតាមបទបញ្ជារបស់អង្គការសហប្រជាជាតិ ឱសថត្រូវបានដកចេញ ហើយបញ្ជូនទៅស្រុកថៃវិញ ហើយអាជ្ញាប័ណ្ណវេជ្ជសាស្រ្តរបស់ពេទ្យនោះក៏ត្រូវបានដកហូតផងដែរ។ សារព័ត៌មានថៃបានរាយការណ៍ពីព័ត៌មាននេះដោយនិយាយថា ពេទ្យទាហានជនជាតិថៃម្នាក់នៅមន្ទីរពេទ្យនៅស៊ូដង់ខាងត្បូងមួយនោះ ត្រូវបានបញ្ឈប់ពីកាតព្វកិច្ចដោយសារជាប់សង្ស័យលើការក្លែងបន្លំ។ ពេទ្យទាហាននោះបានធ្វើការនៅមន្ទីរពេទ្យនោះ ចាប់ពីខែធ្នូឆ្នាំ២០១៩ ដល់ខែធ្នូឆ្នាំ ២០២០ ។ សេចក្តីរាយការណ៍ព័ត៌មាននោះក៏ត្រូវបានបញ្ជាក់ដោយលោកឧត្តមសេនីយ៍ទោ

  • នៅចាំលោកតាម្នាក់នេះទេ? ពេលនេះគាត់បានទទួលមរណភាពហើយ ដោយសារតែគាត់មានជំងឺរលាកសួត ហើយក្រោយមកឆ្លងជំងឺកូវីដ១៩បន្ថែមទៀត
    អន្តរជាតិ
    March 3, 2021 lyda

    លោកតា Tom Moore ដែលធ្លាប់រៃអង្គាសប្រាក់បានជាង ៣០ លានផោន សម្រាប់សេវាសុខភាពជាតិ NHS បានទទួលមរណភាពនៅឯមន្ទីរពេទ្យនាពេលថ្មីៗនេះ បន្ទាប់ពីជំងឺរលាកសួតរបស់គាត់កាន់តែធ្ងន់ធ្ងរ ហើយគាត់ក៏បានឆ្លងជំងឺ COVID-19 នៅអំឡុងពេលជំងឺសួតរបស់គាត់ធ្វើទុក្ខផងដែរ នេះបើតាមការចុះផ្សាយរបស់ Guinness World Records ។ អតីតអនុសេនីយ៍ ដែលមានវ័យ ១០០ឆ្នាំរូបនេះ ធ្លាប់បានបំបែកឯតទគ្គកម្មសម្រាប់ការរៃអង្គាសប្រាក់បានច្រើនបំផុត ដោយការដើរសប្បុរសធម៌ ជាមួយនឹងចំនួនប្រាក់ដ៏គួរឱ្យភ្ញាក់ផ្អើលគឺ ៣២,៧៩៦,១៥៥ ផោន ឬ ៤៤,៥២៨,១០០ ដុល្លារអាមេរិក ពីវេបសាយ JustGiving គិតត្រឹមថ្ងៃទី៣១ ខែធ្នូ ឆ្នាំ២០២០។ ចំនួនដ៏ច្រើននោះបានបំបែកកំណត់ត្រាចាស់

  • អាមេរិកចាប់ផ្ដើមប្រើវ៉ាក់សាំងប្រឆាំងជំងឺកូវីដ១៩ ដែលចាក់តែមួយដងប៉ុណ្ណោះរបស់ក្រុមហ៊ុន Johnson បន្ទាប់ពីទទួលអនុម័តឱ្យប្រើប្រាស់ជាផ្លូវការ
    អន្តរជាតិ
    March 3, 2021 lyda

    សហរដ្ឋអាមេរិកបានចាប់ផ្តើមប្រើប្រាស់វ៉ាក់សាំងប្រឆាំងជំងឺ COVID-19 ដែលត្រូវការចាក់តែមួយដង ផលិតដោយក្រុមហ៊ុនឱសថយក្ស Johnson & Johnson បន្ទាប់ពីវាបានទទួលការអនុម័តឱ្យប្រើប្រាស់ជាផ្លូវការ សម្រាប់ស្ថានភាពបន្ទាន់ដោយ FDA ។ ក្នុងនោះប្រធានាធិបតីអាមេរិកលោក ចូ បៃដិន បានប្រកាសកាលពីថ្ងៃអង្គារថា ការបង្កើនការផលិតវ៉ាក់សាំងថ្មីនេះនឹងធានាបាននូវការផ្គត់ផ្គង់ដូសគ្រប់គ្រាន់សម្រាប់មនុស្សពេញវ័យអាមេរិកគ្រប់រូបនៅចុងខែឧសភា ពោលគឺ ២ ខែមុនការរំពឹងទុក។ ការដឹកជញ្ជូនបានចាប់ផ្តើមនៅថ្ងៃច័ន្ទ ហើយវ៉ាក់សាំងដំបូងបានទៅដល់មជ្ឈមណ្ឌលវេជ្ជសាស្ត្រនៃសាកលវិទ្យាល័យរដ្ឋ Ohio នៃទីក្រុង Columbus កាលពីថ្ងៃអង្គារ។ វាគឺជាវ៉ាក់សាំងទី៣ បន្ទាប់ពីវ៉ាក់សាំងរបស់ក្រុមហ៊ុន Moderna និង Pfizer/BioNTech ដែលត្រូវបាន FDA របស់អាមេរិក អនុម័តឱ្យប្រើប្រាស់សម្រាប់ស្ថានភាពបន្ទាន់។ អ្វីដែលគួរឱ្យកត់សម្គាល់ គឺវ៉ាក់សាំងនេះមានភាពអំណោយផល ដោយសារថាវាអាចដាក់ក្នុងសីតុណ្ហភាពពី

  • អ្នកវិទ្យាសាស្ត្រជឿថា ជាង ២០០ លានឆ្នាំទៀត ទ្វីបទាំងអស់នឹងរលាយចូលគ្នាជាមហាទ្វីបតែមួយវិញដូចដើម
    អន្តរជាតិ
    March 3, 2021 lyda

    ទ្វីបនៅផែនដីរបស់យើងកាលពី ៣០០ លានឆ្នាំមុន គឺគ្រាន់តែជាទ្វីបយ៉ាងធំល្ហល្ហេវហៅថា Pangea លុះក្រោយមកវាក៏បានរសាត់ចេញពីគ្នាតាមរយៈស្រទាប់រឹងខាងក្រៅ ឬស្រទាប់​តិចតូនិច ដែលធ្វើឱ្យផែនដីយើងនេះមានទ្វីបដាច់ៗពីគ្នារហូតមក។ ទ្វីបនៅលើផែនដីនេះគឺមិនមែននៅតែមួយកន្លែងនោះទេ ហើយជាការពិតទៅ ផែនដីគឺមានចលនាតាំងតែពីរាប់ពាន់លានឆ្នាំមុនមកម៉្លេះ ហើយប្រហែលជា ៤០០ ទៅ ៦០០ឆ្នាំ ទ្វីបថ្មីមួយទៀតអាចនឹងមានវត្តមានឡើង ដូច្នេះក្រុមអ្នកស្រាវជ្រាវមួយក្រុមបានព្យាយាមលើកយកគំរូចំនួន ៤ ដែលផែនដីអាចនឹងមានសណ្ឋានបែបនោះ នៅពេលដែលទ្វីបបន្ដរសាតចេញពីគ្នានៅរាប់លានឆ្នាំខាងមុខទៀត នេះបើតាមការចុះផ្សាយរបស់សារព័ត៌មាន Maxisciences ។ ការរសាតចេញពីគ្នារបស់ Pangea បានកំណត់ឱ្យមានសេណារីយ៉ូមូលដ្ឋានចំនួន ៤ សម្រាប់ផែនដីនៅរយៈពេល ២០០ លានឆ្នាំខាងមុខដូចជា៖ Novopangea, Pangea Ultima, Aurica និង

  • ទារកអាយុ១ឆ្នាំម្នាក់ត្រូវពិន័យជាប្រាក់ ដោយសារមិនពាក់ម៉ាស់ពេលជិះជណ្ដើរយោង នៅប្រទេសម៉ាឡេស៊ី
    អន្តរជាតិ
    March 3, 2021 Pheakdey

    ថៃ៖ ទារកដែលទើបនឹងមានអាយុត្រឹមតែ ១ ឆ្នាំម្នាក់ត្រូវទទួលរងនូវការពិន័យជាប្រាក់ចំនួន ១០០ រីងហ្គីង (២៤,៧០ ដុល្លារអាមេរិក) បន្ទាប់ពីគេបានមើលឃើញថា ទារករូបនោះមិនបានពាក់ម៉ាស់នោះទេក្នុងពេលជិះជណ្ដើរយោងនៅក្នុងអគារអាផាតមិនមួយកន្លែង។ បើយោងតាមការចុះផ្សាយនៅក្នុងសារព័ត៌មាន World of Buzz បានឲ្យដឹងថា ហេតុការណ៍នេះបានកើតឡើងនៅក្នុងអាផាតមិនមួយកន្លែងក្នុងរដ្ឋ Selangor នៃប្រទេសម៉ាឡេស៊ី ខណៈដែលការផាកពិន័យនេះគឺជាចំណាត់ការរបស់ប្រធានគ្រប់គ្រងអាផាតមិនផ្ទាល់តែម្តង តែវាមិនមែនជាវិធានការរបស់អាជ្ញាធរម៉ាឡេស៊ីនោះទេ។ គួរម្លឹកជូនថា នាពេលកន្លងអាជ្ញាធរម៉ាឡេស៊ីធ្លាប់ដាក់ចេញនូវបទបញ្ជាថា ពលរដ្ឋដែលមានអាយុលើសពី ២ ឆ្នាំឡើងទៅត្រូវតែពាក់ម៉ាស់នៅទីសាធារណៈ បើមិនដូចនោះទេពួកគេនឹងត្រូវរងនូវការពិន័យជាប្រាក់ ដែលយោងទៅតាមបទបញ្ជានេះគឺក្មេងដែលមានអាយុត្រឹម ២ ឆ្នាំ ឬតិចជាង ២ ឆ្នាំ នឹងមិនត្រូវទទួលរងនូវការផាកពិន័យឡើយ។ យោងទៅតាមបទបញ្ជានេះហើយទើបចំណាត់ការរបស់ប្រធានគ្រប់គ្រងអាផាតមិនខាងលើនេះត្រូវទទួលរងនូវការរិះគន់យ៉ាងខ្លាំងពីសំណាក់ក្រុមអ្នកប្រើប្រាស់បណ្តាញសង្គមម៉ាឡេស៊ីដោយពួកគេបានសង្កត់ធ្ងន់ថា

  • ហ្វីលីពីនរកឃើញជំងឺកូវីដ ១៩ បំប្លែងខ្លួននៅតំបន់អាហ្វ្រិកខាងត្បូងចំនួន ៦ ករណីជាលើកដំបូងលើទឹកដីខ្លួន
    អន្តរជាតិ
    March 3, 2021 Pheakdey

    ហ្វីលីពីន៖ នៅព្រឹកថ្ងៃអង្គារ ទី ២ កុម្ភៈ កន្លងទៅនេះ អាជ្ញាធរសុខាភិបាលនៃប្រទេសហ្វីលីពីនបានរាយការណ៍ថា ហ្វីលីពីនបានរកឃើញមេរោគនៃជំងឺកូវីដ ១៩ បំប្លែងខ្លួននៅតំបន់អាហ្វ្រិកខាងត្បូងជាលើកដំបូងលើទឹកដីខ្លួនហើយ តាមរយៈការរកឃើញលទ្ធផលវិជ្ជមានចំពោះអ្នកជំងឺចំនួន ៦ ករណី។ អ្នកជំងឺកូវីដ ១៩ ទាំង ៦ ករណីនោះមាន ៣ ករណីគឺជាការចម្លងនៅក្នុងសហគមន៍ ២ ករណីគឺជាការនាំចូលពីបរទេសតាមរយៈអ្នកដំណើរជនជាតិហ្វីលីពីន និង ១ ករណីផ្សេងទៀតនៅមិនទាន់រកឃើញប្រភពច្បាស់លាស់នៅទេរហូតមកទល់នឹងពេលនេះ។ បើយោងតាមសារព័ត៌មាន Channel News Asia បានបញ្ជាក់ថា ការរកឃើញករណីជំងឺកូវីដ ១៩ បំប្លែងខ្លួននេះក៏បានបង្កើតការព្រួយបារម្ភចំពោះអាជ្ញាធរសុខាភិបាលហ្វីលីពីនផងដែរ ដោយគេបារម្ភថាវ៉ាក់សាំងការពារជំងឺកូវីដ

  • អតីតប្រធានាធិបតីលោក Nicolas Sarkozy ត្រូវបានតុលាការបារាំង ផ្តន្ទាទោសឱ្យជាប់ពន្ធនាគារពីបទពុករលួយ
    អន្តរជាតិ
    March 2, 2021 lyda

    តុលាការបារាំងកាលពីថ្ងៃច័ន្ទ ទី០១ ខែមីនា ឆ្នាំ២០២១ បានរកឃើញថា អតីតប្រធានាធិបតីលោក Nicolas Sarkozy មានពិរុទ្ធភាពក្រោមបទសូកប៉ាន់ចៅក្រម និងប្រើប្រាស់អំណាច ដែលធ្វើឱ្យគាត់ក្លាយជាប្រមុខរដ្ឋនៃប្រទេសបារាំងទី២ នាសម័យបច្ចប្បន្ន ដែលត្រូវបានគេផ្តន្ទាទោសពីបទពុករលួយ ។ នេះក៏ជាលើកដំបូងនៅក្នុងប្រវត្តិសាស្ត្រទំនើបរបស់ប្រទេសបារាំង ដែលអតីតប្រធានាធិបតីត្រូវបានកាត់ទោសពីបទពុករលួយ។ លោក Nicolas Sarkozy ត្រូវបានគេផ្តន្ទាទោសឱ្យជាប់ពន្ធនាគារមួយឆ្នាំ និងការព្យួរទោសរយៈពេលពីរឆ្នាំ។ តុលាការបាននិយាយថា គាត់មានសិទ្ធិស្នើសុំឱ្យឃុំខ្លួននៅផ្ទះ ដោយត្រូវពាក់ខ្សែដៃអេឡិចត្រូនិកម៉្យាងដើម្បីតាមដានសកម្មភាពគាត់។ ចំណែកព្រះរាជអាជ្ញាបានប្រាប់តុលាការថា បុរសអាយុ ៦៦ឆ្នាំ ដែលបានដឹកនាំប្រទេសបារាំងពីឆ្នាំ២០០៧ ដល់ឆ្នាំ២០១២ និងនៅតែមានឥទិ្ធពលក្នុងចំណោមអ្នកអភិរក្សរូបនេះ គួរតែត្រូវដាក់ទោសឱ្យជាប់ពន្ធនាគាររយៈពេល ៤ឆ្នាំ និងជាប់ពន្ធនាគារដោយផ្ទាល់យ៉ាងតិច ២ឆ្នាំ។