ចម្រៀងមួយបទដែលមានចំណងជើងថា “អ្នកព្រៃវែងអាក្រក់ត្រង់ណា” របស់ផលិតកម្ម Morodok Media មរតក មេឌៀ ដែលគ្រប់គ្រងការផលិតដោយលោក ឈួន សុខលីម និងច្រៀងដោយលោក សយ រតនា រងការរិះគន់យ៉ាងខ្លាំង ក្រោយចេញឃ្លីបវិដេអូខ្លីមួយដែលគេហៅថា [Special Clip] ដោយតួសំដែង ដៀលអ្នកខេត្តព្រៃវែង ថាសុទ្ធតែជាពូជ ចោរលួច ចោរប្លន់ កាប់ចាក់ សុំទាន។

ដោយសារវិដេអូឃ្លីបខ្លីនេះ បានចែករំលែកសាយភាយពេញបណ្តាញសង្គម Youtube និង Facebook ក៏ស្រាប់តែទទួលរងការរិះគន់យ៉ាងខ្លាំងពីសំណាក់អ្នកដែលមានដើមកំណើតក្នុងខេត្តព្រៃវែង ហើយក្នុងនោះលោក ផែង វណ្ណៈ ក៏បានសរសេរសំណេរមួយថា៖ “ក្នុង​នាម​ខ្ញុំ​ជា​អ្នកខេត្ត​ព្រៃវែង​ម្នាក់​ សូម​ប្រឆាំង​ដាច់​ខាត​ ចំពោះ​អ្នក​និពន្ធ​ថោកទាប​ដែល​មេីលងាយ​អ្នក​ព្រៃវែង​ ដៀល​អ្នក​ព្រៃវែង​សុទ្ធតែ​មនុស្ស​អាក្រក់​ សុទ្ធតែ​ចោរលួច​ ចោរប្លន់​។ ប្រញាប់​សុំទោស​អ្នក​ព្រៃវែង​ជាបន្ទាន់​ បេីមិនចង់មានរឿង​ !” ក្រៅពីនោះក៏មានការរិះគន់ពីសំណាក់មហាជនជាច្រើនរូបទៀតផងដែរ៕