ជប៉ុនហាក់មានការកើនឡើងនូវករណីថ្មីៗនៃជំងឺ COVID-19 ខណៈនៅទីក្រុងតូក្យូទាំងចំនួនមនុស្សដែលស្វែងរកការធ្វើតេស្តដោយបច្ចេកទេស PCR និងភាគរយនៃការធ្វើតេស្តវិជ្ជមានជាមួយជំងឺ COVID-19 កំពុងមានការកើនឡើងជាលំដាប់។ រដ្ឋាភិបាលក្រុងតូក្យូនិយាយថា ចំនួនមនុស្សដែលមកធ្វើតេស្ដកាលពីអំឡុងថ្ងៃទី២៥ ខែឧសភា គឺមានចំនួនតែ ៩២០នាក់ប៉ុណ្ណោះ ខណៈតួលេខនៅថ្ងៃទី១២ ខែមិថុនា បានកើនឡើងដល់ ២,១១៣នាក់។ បើនិយាយពីភាគរយរបស់វាវិញ អត្រានៃលទ្ធផលតេស្តវិជ្ជមានមានប្រហែល ១% បន្ទាប់ពីពាក់កណ្តាលខែឧសភា ហើយក្រោយមកវាបានកើនឡើងដល់ប្រហែល ២% ដើមខែមិថុនា។ ប៉ុន្តែយ៉ាងណាចាប់តាំងពីថ្ងៃទី២៥ ខែមិថុនា មកដល់ពេលនេះ អត្រានៃភាពវិជ្ជមានបានកើនឡើងដល់ ៣% ឬអាចខ្ពស់ជាងនេះទៀត។ អ្វីដែលគួរឱ្យកត់សម្គាល់គឺនៅថ្ងៃអង្គារនេះ ទីក្រុងតូក្យូបានកើនឡើងនូវចំនួនភាគរយនៃអ្នកវិជ្ជមានជាមួយជំងឺ ដោយមានការកើនឡើងដល់ ៣.៤% ឯណោះ។

បុតស្វាណា៖ ដំរីរាប់រយក្បាលនៅក្នុងតំបន់ភាគខាងជើងនៃប្រទេសបុតស្វាណាដែលជាប្រទេសចំណាស់មួយនៅក្នុងទ្វីបអាហ្វ្រិកខាងត្បូងត្រូវបានគេប្រទះឃើញដេកងាប់ជាបន្តបន្ទាប់ដោយមិនដឹងមូលហេតុ។ បើយោងតាមការបញ្ជាក់នៅក្នុងសារព័ត៌មាន dailymail  បានឲ្យដឹងថា គិតត្រឹមពាក់កណ្ដាលខែមិថុនានេះមានដំរីជាង ៣៥០ ក្បាលបានងាប់ ខណៈកាលពីខែមីនាកន្លងទៅចំនួនដំរីដែលបានងាប់មានត្រឹម ១៦៩ ក្បាលប៉ុណ្ណោះ។ អ្វីដែលគេអាចកត់សម្គាល់បានពីការងាប់របស់សត្វដំរីទាំងអស់នោះគឺ ៧០% ​នៃពួកវាបានងាប់នៅជិតស្រះទឹក ឬប្រភពទឹកផ្សេងៗ ហើយការងាប់របស់សត្វដំរីក្នុងចំនួនដ៏ច្រើនដូចនេះគឺមិនធ្លាប់កើតមានទាល់តែសោះនៅក្នុងប្រវត្តិនៃប្រទេសបុតស្វាណា។ អ្វីដែលជាបញ្ហាសំខាន់មួយទៀតនោះគឺរហូតមកទល់នឹងពេលនេះក្រុមពេទ្យសត្វនៅក្នុងប្រទេសបុតស្វាណានៅតែមិនទាន់រកឃើញមូលហេតុពិតប្រាកដដែលធ្វើឲ្យសត្វដំរីជាងាប់ជាបន្តបន្ទាប់គ្នាដូចនេះទេដោយគេមិនដឹងច្បាស់ថា ដំរីងាប់ព្រោះតែពុលចំណីអាហារ ឬមានជំងឺនោះទេ។ យ៉ាងណាក្តី ការងាប់របស់សត្វដំរីទាំងអស់នោះមិនបានបង្កមេរោគចម្លងទៅកាន់សត្វផ្សេងទៀត ឬចម្លងមកកាន់មនុស្សនោះទេ៕   អត្ថបទ៖ភក្តី ប្រភព៖dailymail

យោងតាមការចុះផ្សាយរបស់សារព័ត៌មាន The Straits Times នៅថ្ងៃព្រហស្បតិ៍ ទី០២ ខែកក្កដា ឆ្នាំ២០២០ បានឱ្យដឹងថា មានការរអិលបាក់ដីមួយកន្លែនៅឯអណ្តូងរ៉ែត្បូងថ្ម (Jade mine) ក្នុងប្រទេសភូមា ដែលបានបណ្ដាលឱ្យកម្មកររករ៉ែចំនួន ១០០នាក់ស្លាប់ ខណៈសាកសពកំពុងត្រូវបានយកចេញពីទីនោះបណ្ដើរៗ។ នាយកដ្ឋានសេវាកម្មអគ្គិភ័យបាននិយាយថា កម្មករទាំងនោះកំពុងតែរករ៉ែនៅឯតំបន់សម្បូរត្បូងថ្មនៅក្រុង Hpakant តំបន់នៃរដ្ឋ Kachin ហើយក្រោយមកក៏ស្រាប់តែមានការបាក់ដីសង្កត់ពីលើ។ ប្រភពដដែលបាននិយាយថា ដោយសារតែមានភ្លៀងធ្លាក់ ដូច្នេះវាធ្វើឱ្យជ្រលងភ្នំដែលមានកម្ពស់ជាង ៣០៤ម៉ែត្រ ត្រូវបានដួលរលំសង្កត់លើកម្មករទាំងនោះ។ ការរអិលបាក់ដីបែបនេះវាមិនមែនជារឿងថ្មីថ្មោងសម្រាប់តំបន់នៅ Hpakant នោះទេ ដោយសារតែអណ្តូងរ៉ែគ្មានការគ្រប់គ្រងបានល្អត្រឹមត្រូវ។ គួរឱ្យដឹងដែរថា ការលក់ត្បូងថ្មនៅប្រទេសភូមា មានតម្លៃ

រដ្ឋមន្រ្តីក្រសួងសុខាភិបាលនៃប្រទេសនូវែលហ្សេឡង់បានលាលែងពីតំណែង បន្ទាប់ពីមានការរិះគន់ជាយូរមកហើយ ជុំវិញតួនាទីរបស់គាត់នៅក្នុងការឆ្លើយតបចំពោះជំងឺ COVID-19 ។ រដ្ឋមន្រ្តីក្រសួងសុខាភិបាលលោក David Clark បានប្រាប់សន្និសីទសារព័ត៌មានមួយនៅថ្ងៃព្រហស្បតិ៍នេះថា លោកមានស្មារតីមិនមូលនៅក្នុងការប្រយុទ្ធប្រឆាំងនឹងជំងឺ COVID-19 នេះ។ លោកបានមានប្រសាសន៍ថា វាជាពេលវេលាដ៏ត្រឹមត្រូវដើម្បីលាលែងពេលនេះ ខណៈប្រទេសនេះក៏គ្មានករណីឆ្លងនៅក្នុងសហគមន៍ទៀតដែរ។ លោករដ្ឋមន្ត្រីរូបនេះត្រូវបានគេឱ្យដឹងថា បានបំពានបំរាមគោចរចំនួន ២ដង ដោយការជិះកង់កម្សាន្តអំឡុងពេលប្រទេសកំពុងអនុវត្តការបិទទ្វារក្នុងកម្រិតទី៤ ដើម្បីទប់ទល់ការរាលដាលនៃជំងឺ COVID-19 ក៏ដូចជាបរាជ័យក្នុងតួនាទីដើម្បីគ្រប់គ្រងការរាលដាលនៃជំងឺ COVID-19 ផ្សេងៗទៀត។ ចំណែកនាយករដ្ឋមន្រ្តី Jacinda Ardern បាននិយាយថា លោកស្រីបានទទួលលិខិតលាលែងរបស់លោក David Clark កាលពីថ្ងៃពុធម្សិលមិញនេះ។ ដូច្នេះរដ្ឋមន្រ្តីក្រសួងអប់រំលោក Chris

យោងតាមការចុះផ្សាយរបស់ Forbes បានឱ្យដឹងថា ពេជ្រមួយគ្រាប់ទំហំ ២៨.៨៦ ការ៉ាត់ ត្រូវបានគេលក់ក្នុងតម្លៃ ២,១១៥,០០០ ដុល្លារ នៅក្នុងការដេញថ្លៃតាមអ៉ីធឺណេតមួយរបស់ Christie’s ពេលថ្មីៗនេះ។ ប្រភពបាននិយាយថា ពេជ្រមួយគ្រាប់នេះត្រូវបានលក់ក្នុងតម្លៃខ្ពស់ជាងការប៉ាន់ស្មាន ហើយវាបានលក់ចេញកាលពីថ្ងៃអង្គារ។ ពេជ្រនេះជាប្រភេទ 11A ដ៏កម្រ និងត្រូវបានគេចាត់ថ្នាក់ជា D-color មានន័យថា វាជាត្បូងពេជ្រមួយក្នុងចំណោមត្បូងពេជ្រថ្លាជាងគេបំផុតនៅលើពិភពលោក។ វាក៏ជាពេជ្រមួយដ៏កម្របំផុតនៅលើពិភពលោក ដោយសារតែវាជាត្បូងមរកត និងកើតឡើងដោយកាបូនសុទ្ធ។ យោងតាមសារព័ត៌មាន The Telegraph បានឱ្យដឹងថា ពេជ្រនេះគឺគ្មានពណ៌អ្វីទាំងអស់ ហើយស្អាតបរិសុទ្ធបំផុត។ ពេជ្រក្នុងប្រភេទ 11A នេះ

ឥណ្ឌា៖ បុរសជនជាតិឥណ្ឌាម្នាក់បានស្លាប់ព្រោះតែជំងឺកូវីដ១៩ បន្ទាប់ពីរូបគាត់រៀបការបានត្រឹមតែ ២ ថ្ងៃប៉ុណ្ណោះ ខណៈភ្ញៀវជាង ១០០នាក់ផ្សេងទៀតក៏ត្រូវបានគេធ្វើតេស្តវិជ្ជមានជាមួយនឹងមេរោគកូវីដ១៩ ផងដែរ។ បើយោងតាមសារព័ត៌មាន DailyMail បានបញ្ជាក់ថា ហេតុការណ៍អកុសលនេះបានកើតឡើងនៅក្នុងក្រុង Patna​ ភាគខាងត្បូងនៃប្រទេសឥណ្ឌា ខណៈបុរសជាជនរងគ្រោះត្រូវបានគេដឹងថា ទើបនឹងមានអាយុ ២៦ឆ្នាំ ប៉ុណ្ណោះ។ បុរសជាកូនកំលោះគឺជាវិស្វករ software ម្នាក់ ដែលទើបតែត្រឡប់មកពីទីក្រុងញូវដេលី (New Delhi) ហើយគាត់ក៏បានចេញរោគសញ្ញាដែរ។ បុរសនោះក្រោយមកបានចូលសម្រាកព្យាបាលនៅមន្ទីរពេទ្យ ប៉ុន្តែមិនទាន់ជាសះស្បើយផង គាត់ក៏ត្រូវបានគ្រួសាររំសាយមកផ្ទះដើម្បីរៀបពិធីមង្គល។ ប្រភពខាងលើបានបន្តថា ​ពិធីមង្គលការរបស់បុរសជនរងគ្រោះបានរៀបចំឡើងដោយបំពាននឹងបំរាមរបស់អាជ្ញាធរសុខាភិបាលឥណ្ឌា ពោលគឺកម្មវិធីមង្គលការបានរៀបចំឡើងយ៉ាងអធិកអធមដោយមានភ្ញៀវចូលរួមជាង ៣០០ នាក់ ហើយនៅថ្ងៃបុណ្យសពរបស់បុរសជនរងគ្រោះ

ថៃ៖ បន្ទាប់ពីបានបិទសាលាទាំងអស់នៅទូទាំងប្រទេស ព្រោះតែវិបត្តិនៃជំងឺកូវីដ ១៩ អស់រយៈពេលជាច្រើនខែមក ប្រទេសថៃបានសម្រេចបើកសាលារៀនជាធម្មតាវិញហើយដោយផ្តើមអនុវត្តពីដើមកក្កដានេះតទៅ។ ទោះបីជាសាលាត្រូវបើកទ្វារនិងអនុញ្ញាតឲ្យសិស្សទាំងអស់អាចត្រលប់ទៅរៀនបានវិញមែន តែសិក្សានុសិស្ស គ្រូបង្រៀន និងបុគ្គលិកនៅបម្រើការងារនៅក្នុងសាលារៀនត្រូវបន្តអនុវត្តវិធានមួយចំនួនតាមការណែនាំរបស់អាជ្ញាធរផងដែរ។ បើយោងតាមការចុះផ្សាយនៅក្នុងសារព័ត៌មាន bangkokpost បានឲ្យដឹងថា សិស្សទាំងអស់តម្រូវឲ្យពាក់ម៉ាស់ជាចាំបាច់ ការអង្គុយនៅក្នុងថ្នាក់រៀនវិញក៏ត្រូវបានគេរៀបចំតុឲ្យនៅដាច់ៗពីគ្នានិងមានរនាំងបាំងផងដើម្បីរក្សាគំលាតរវាងសិស្សនីមួយៗឲ្យបាន ១.៥ ម៉ែត្រ ហើយពេលសម្រាកពីការសិក្សាសិស្សទាំងអស់ក៏មិនត្រូវអនុញ្ញាតឲ្យមានការជួបជុំគ្នាក្នុងចំណោមមនុស្សច្រើនដែរ។ ជាងនេះទៅទៀតអាជ្ញាធរថៃបានបង្កើតកម្មវិធីក្នុងទូរស័ព្ទដៃមួយដែលមានឈ្មោះថា Thai Chana សម្រាប់ឲ្យសិស្សទាញយកកម្មវិធីមកប្រើក្នុងទូរស័ព្ទគ្រប់គ្នា ហើយតាមរយៈកម្មវិធីនេះគេនឹងអាចដឹងថា អ្នកណាម្នាក់បានចេញទៅជួបមនុស្សច្រើននៅខាងក្រៅ បាននៅជិតឬបានប៉ះពាល់ជាមួយអ្នកជំងឺកូវីដ ១៩ ជាដើម។ ក្រុមសិស្សានុសិស្សនិងអាណាព្យាបាលសិស្សបានសម្ដែងនូវសេចក្តីរីករាយយ៉ាងខ្លាំង ចំពោះការសម្រេចបើកសាលារៀនជាធម្មតាវិញនេះ៕ អត្ថបទ៖ភក្តី ប្រភព៖ bangkokpost

ប៉ូលីសម៉ិកស៊ិកបាននិយាយកាលពីថ្ងៃពុធថា យ៉ាងហោចណាស់មនុស្ស ២៤នាក់ ត្រូវបានបាញ់សម្លាប់ នៅក្នុងការវាយប្រហារប្រដាប់អាវុធ នៅឯមណ្ឌលស្តារនីតិសម្បទាគ្រឿងញៀនមួយនៅកណ្តាលទីក្រុង Irapuato នៃប្រទេសម៉ិកស៊ិក។ ប៉ូលីសនៅក្នុងទីក្រុង Guanajuato បាននិយាយថា ខ្មាន់កាំភ្លើងក៏បានរងរបួស ៧នាក់ផងដែរ នៅក្នុងការវាយប្រហារលើកទី២ ដែលបានកើតឡើងនៅ Irapuato អំឡុងខែកន្លងមក។ ការវាយប្រហារនេះក៏ត្រូវបានបញ្ជាក់ដោយមន្ត្រីរដ្ឋាភិបាលសហព័ន្ធផងដែរ។ ការវាយប្រហារនេះគឺជាការសម្លាប់រង្គាលដ៏អាក្រក់បំផុតមួយ ចាប់តាំងពីប្រធានាធិបតី Andres Manuel Lopez Obrador បានឡើងកាន់អំណាចកាលពី១៩ខែមុន ដោយសន្យាថានឹងកាត់បន្ថយកម្រិតអំពើហិង្សា។ ប៉ុន្តែអំពើមនុស្សឃាតបានកើនឡើងដល់កំណត់ត្រាថ្មីកាលពីឆ្នាំមុន ហើយនៅតែមាននិន្នាការកើនឡើងខ្ពស់នៅឡើយក្នុងឆ្នាំ២០២០។ កាលពីថ្ងៃទី០៦ ខែមិថុនា ក៏មានបុរស១០នាក់ត្រូវបានសម្លាប់ នៅពេលខ្មាន់កាំភ្លើងបានបើកការបាញ់ប្រហារនៅក្នុងមជ្ឈមណ្ឌលស្តារនីតិសម្បទាសម្រាប់អ្នកញៀនថ្នាំនៅ Irapuato នេះដូចគ្នា។

អាមេរិក៖ បុរសជនជាតិអាមេរិកម្នាក់ត្រូវបានតុលាការសម្រេចផ្ដន្ទាទោសឲ្យជាប់គុករយៈពេល ២១ ឆ្នាំ ពីបទបានបៀតបៀនផ្លូវភេទមកលើកុមារីកម្ពុជាចំនួន ២រូបក្នុងអំឡុងពេលដែលគាត់បានមកធ្វើការនៅក្នុងប្រទេសកម្ពុជា។ បុរសរូបនោះត្រូវបានសារព័ត៌មាន nextshark រាយការណ៍ថា មានឈ្មោះ Micky Rife អាយុ៣៦ឆ្នាំ​ធ្លាប់មករស់នៅនិងប្រកបរបរជាគ្រូបង្រៀនភាសានៅក្នុងប្រទេសកម្ពុជានាពេលកន្លងមក។ ប្រភពខាងលើបន្តថា លោក Micky Rife បានប្រព្រឹត្តិសកម្មភាពបៀតបៀនផ្លូវភេទមកលើកុមារីកម្ពុជាចំនួន ២ ដង គឺនៅក្នុងឆ្នាំ ២០១៣ និងឆ្នាំ ២០១៨ ហើយក្មេងស្រីរងគ្រោះគឺជាកូនសិស្សរបស់គាត់ផ្ទាល់តែម្តង ដែលពួកនាងមានអាយុ ៤ ឆ្នាំ និង ៥ ឆ្នាំ បើគិតក្នុងពេលកើតហេតុនោះ។ បន្ទាប់ពីបានប្រព្រឹត្តិអំពើស្មោគគ្រោកនេះនៅក្នុងប្រទេសកម្ពុជាទាំង ២ ដងរួច

រដ្ឋាភិបាលអង់គ្លេសនិយាយថា ខ្លួននឹងពង្រីកសិទ្ធិស្នាក់នៅសម្រាប់ប្រជាជនមកពីទីក្រុងហុងកុង ហើយអាចឱ្យពួកគេទទួលបានសញ្ជាតិអង់គ្លេស។ ការផ្លាស់ប្តូរគោលនយោបាយនេះផ្តោតលើពលរដ្ឋទីក្រុងហុងកុង ដែលកាន់លិខិតឆ្លងដែនជនជាតិអង់គ្លេសនៅក្រៅប្រទេស (British National Overseas) ដែលត្រូវបានចេញនៅទីក្រុងហុងកុង នៅមុនពេលទីក្រុងនេះត្រូវបានប្រគល់ទៅឱ្យប្រទេសចិនវិញក្នុងឆ្នាំ១៩៩៧។ រដ្ឋាភិបាលអង់គ្លេសបានប្រកាសកាលពីថ្ងៃពុធថា អ្នកដែលមានលិខិតឆ្លងដែន BNO នឹងត្រូវបានអនុញ្ញាតឱ្យរស់នៅ និងធ្វើការនៅអង់គ្លេសរយៈពេល ៥ឆ្នាំ ហើយបន្ទាប់ពីនោះពួកគេនឹងត្រូវបានអនុញ្ញាតឱ្យដាក់ពាក្យសុំសញ្ជាតិ។ ការិយាល័យការបរទេសអង់គ្លេសនិយាយថា ពលរដ្ឋហុងកុងប្រហែល ៣៥០,០០០នាក់ បច្ចុប្បន្នកាន់លិខិតឆ្លងដែនបែបនេះ។ តួលេខនេះអាចកើនឡើងដល់ ២.៩ លាននាក់ ប្រសិនបើគ្រួសាររបស់ពួកគេ និងអ្នកផ្សេងទៀតដែលមានសិទ្ធិត្រូវបានបូកបញ្ជូល។ រដ្ឋមន្រ្តីក្រសួងការបរទេស Dominic Raab បាននិយាយនៅក្នុងសភាកាលពីថ្ងៃពុធថា៖ «យើងនឹងមិនមើលវិធីផ្សេងទៀតទេ នៅពេលនិយាយដល់ទីក្រុងហុងកុង។ យើងនឹងមិនបោះបង់ទំនួលខុសត្រូវជាប្រវត្តិសាស្ត្ររបស់យើងចំពោះប្រជាជនរបស់ខ្លួនឡើយ»៕ អត្ថបទ៖