ដុំសាក Wireless ថ្មីរបស់ក្រុមហ៊ុន Samsung នឹងត្រូវបានដាក់បង្ហាញជាមួយនឹង Galaxy S9 តែម្ដង

មិនយូរទៀតទេ ក្រុមហ៊ុន Samsung នឹងធ្វើការប្រកាសទាក់ទងទៅនឹងកំពូលស្មាតហ្វូន Galaxy S9 របស់ខ្លួន ហើយក្នុងនោះក៏មានភ្ជាប់មកជាមួយនឹងដុំសាក Wireless ជំនាន់ថ្មីផងដែរ។ យោងតាមការបែកធ្លាយ បន្ទះសាកឥតខ្សែនោះនឹងមានដង្កៀបសាកដល់ទៅពីរ ហើយមានសមត្ថភាពសាកថ្មបានលឿនទៀតផងរហូតដល់ទៅ 9V/1.67A, 9V/2A រឺ 12V/2.1A ឯណោះ។

ចំពោះរូបរាងរបស់ឆ្នាំងសាកនេះ គឺដូចគ្នាទៅនឹងជំនាន់ចាស់ដែរ ប៉ុន្ដែប្រើប្រាស់ USB-C វិញសម្រាប់សាកថ្មចូល និងមានកង្ហារត្រជាក់មួយដើម្បីការពារការឡើងកម្ដៅពីការសាក Qi។ លើសពីនេះទៅទៀត ដុំសាកនេះក៏មានភ្ជាប់មកជាមួយនឹងពន្លឺមួយដែរសម្រាប់បញ្ជាក់ពីដំណើរការបញ្ចូលថ្ម។ ក្នុងនោះដែរ ពណ៌ក្រហមបានន័យថាកំពុងសាក ពណ៌បៃតងបានន័យថាសាកពេញ និងភ្លើងលោតភ្លឹបភ្លេតបញ្ចាក់ថាគាំង។

ស្របពេលជាមួយគ្នានេះដែរ ស្រោមការពាររបស់កំពូលស្មាតហ្វូន Galaxy S9 ក៏ត្រូវបានបែកធ្លាយដែរ។ យោងតាមរូបភាពនោះបានបញ្ជាក់ឲ្យឃើញថា សម្រាប់ម៉ូដែល Galaxy S9+ គឺមានភ្ជាប់មកជាមួយនឹងកាមេរ៉ាភ្លោះផងដែរ។

Fu

ខ្មែរណូត

ប្រភព៖ gsmarena