Apple កំពុងតែសម្ងំផលិតបន្ទះឈីបថ្មី ទុកបំពាក់ឲ្យ iPhone ជំនាន់ក្រោយ

យោងតាមប្រភពព័ត៌មានបានឲ្យដឹងថា ពេលនេះក្រុមហ៊ុនអេឡិចត្រូនិកយក្ស Apple កំពុងតែសម្ងំផលិតបន្ទះឈីបថ្មី ដើម្បីទុកបំពាក់លើ iPhone ជំនាន់ក្រោយ។ ប្រភពពី Bloomberg បានឲ្យដឹងថា ក្រុមហ៊ុន Taiwan Semiconductor Manufacturing បានចាប់ផ្តើមផលិតនូវបន្ទះឈីថ្មី ដែលគេរំពឹងទុកថាមានឈ្មោះ A12 chip ថ្មីរបស់ក្រុមហ៊ុន Apple។ បន្ទះឈីប 7-nanometer ត្រូវបានគេនិយាយថា នឹងជួយឲ្យ iPhone ជំនាន់ថ្មីកាន់តែលឿន និងមានប្រសិទ្ធិភាពជាងបន្ទះឈីប 10-nanometer ដែលបានដាក់នៅលើ iPhone បច្ចុប្បន្ននេះ។ បន្ទះឈីបនេះអាចជួយឲ្យទាំង iPhone និង iPad ជំនាន់ថ្មី និងធ្វើឲ្យថាមពលថ្មប្រើប្រាស់បានយូរជាងមុនផងដែរ។

អត្ថបទ៖ ប៊ុនហួរ
ប្រភព៖ Cnet