ប៉ុន្មានម៉ោងមុននេះ ផលិតកម្មរស្មីហង្សមាសបានបញ្ចេញវីដេអូចម្រៀងមួយបទទៀតមានចំណងជើងថា «ស្មោះពេកអាយុខ្លី» បកស្រាយដោយតារាចម្រៀងរាងតូចច្រឡឹង សំឡេងស្រទន់ អ្នកនាង សុគន្ធ នីសា ដែលកំពុងទទួលបានការគាំទ្រ យ៉ាងច្រើនកុះករ ពីសំណាក់មិត្តយុវវ័យ នៅក្នុងសង្គមហ្វេសប៊ុក។

«ស្មោះពេកអាយុខ្លី» ជាបទចម្រៀងរៀបរាប់ ពីភាពសោកសៅ ទុក្ខព្រួយ ភាពឈឺចាប់ នៅក្នុងរឿង ស្នេហា ជាពិសេសត្រូវនឹងសាច់រឿង មិត្តយុវវ័យពេលបច្ចុប្បន្នខ្លាំងៗតែម្តង។ ម្យ៉ាងវិញទៀតបទ ចម្រៀងមួយនេះ ស៊ីខ្លាំងជាមួយនឹងសំឡេងពោពេញដោយមនោសញ្ចេតនាគ្មានពីររបស់ សុគន្ធ នីសា ដែលកាន់តែធ្វើឲ្យបទចម្រៀងមួយនេះ ហាក់កំពុងដាស់អារម្មណ៍ អ្នកខូចចិត្តគ្រប់រូបឲ្យអណ្ដែតអណ្ដូង ទៅតាមបទចម្រៀងមួយនេះ។

នៅក្នុងនោះ ក៏មានមហាជនមួយចំនួន បានខមមិនសរសើរបទចម្រៀងមួយបទនេះថាចំៗតែម្តងថា ពិតជាពីរោះខ្លាំងមិនខកចិត្តក្នុងការទន្ទឹងរង់ចាំបទថ្មីរបស់អាយដូលឡើយ។

កុំរំលងសម្រាប់អ្នកមិនទាន់បានស្តាប់ ចុច Link ខាងក្រោមស្តាប់បទថ្មីទាំងអស់គ្នា៖