ក្រុមហ៊ុន Lenovo បានបង្ហាញពីកញ្ចក់ភ្លឺចាំងនិងចម្រុះពណ៌នៅផ្ទៃខាងក្រោយរបស់ Z5

ទូរស័ព្ទ Lenovo Z5 ប្រហែលជាទូរស័ព្ទមួយដែលមានប្រជាប្រិយបំផុតនាពេលថ្មីៗនេះរបស់ក្រុមហ៊ុន Lenovo។ យើងបានឃើញគន្លឹះជាច្រើននៅលើផ្ទៃមុខពេញអេក្រង់និងរូបភាពគំរូមួយចំនួនបង្ហាញពីគុណភាពកាមេរ៉ានិងថ្មដែលមានកំលាំងខ្លាំងដែលមានរយៈពេល 45 ថ្ងៃក្នុងការមិនប្រើប្រាស់។

ឥឡូវនេះលោក Chang Cheng ដែលជាអនុប្រធានរបស់ក្រុមហ៊ុនបានចែករំលែកនូវការបង្ហាញទូរស័ព្ទថ្មីដែលបង្ហាញពីកញ្ចក់នៅផ្ទៃខាងក្រោយដែលស្រដៀងទៅនឹង Huawei P20។ យើងសង្ឃឹមថាទូរស័ព្ទ Z5 នឹងមានប្រព័ន្ធសាកឥតខ្សែនៃបន្ទះកញ្ចក់នៅខាងក្រោយ។ យើងនឹងដឹងច្បាស់នៅពេលទូរស័ព្ទបញ្ចេញជាផ្លូវការនៅថ្ងៃទី 5 ខែមិថុនាខាងមុខនេះ។

អត្ថបទ៖ ប៊ុនហួរ
ប្រភព៖ GSM