តៃកុងឡានវ័យក្មេង បើកឡានធំសង្ស័យដាច់ហ្វ្រាំង បានបុករះឡាននិងម៉ូតូអស់ជាច្រើន ហើយបន្តបុកចូលផ្ទះប្រជាពលរដ្ឋ បង្កអោយមានការភ្ញាក់ផ្អើល

ខេត្តកំពង់ចាម៖ មានករណីគ្រោះថ្នាក់ចរាចរណ៍មួយ ដោយឡានធំសង្ស័យថា ដាច់ហ្វ្រាំងបានបុករះឡាននិងម៉ូតូជាច្រើនគ្រឿង ហើយបន្តទៅបុកចូលផ្ទះនិងហាងលក់អាគុយខ្ទេចខ្ទី ផ្អើលពេញចំណុចគល់ស្ពាន គីហ្សូណា ខេត្តកំពង់ចាម នាវេលាម៉ោងជិត១១ ថ្ងៃត្រង់ទី១០ ខែធ្នូ ឆ្នាំ២០២០នេះ ភ្លាមៗនោះសមត្ថកិច្ចបានចាប់ឃាត់ខ្លួន តៃកុងរថយន្តបង្កវ័យក្មេងបានផងដែរ ។

មុនពេលកើតហេតុ គេឃើញរថយន្ដដឹកទំនិញធុនធំមួយគ្រឿង បើកបរចុះពីលើស្ពានទិសដៅចូលក្រុងកំពង់ចាម លុះមកជិតដល់ក្រោមទំនងរថយន្ដដាច់ហ្វ្រាំង ក៏បុករះរថយន្ដ និងម៉ូតូជាច្រើនគ្រឿង ដែលក្បែរនោះ ហើយបន្ដរបុកចូលផ្ទះប្រជាពលរដ្ឋ ក្នុងហេតុការណ៍នេះ ក៏បានបណ្ដាលឲ្យមានមនុស្សរងរបួសផងដែរ ប៉ុន្ដែមិនមានអ្នកណារងគ្រោះថ្នាក់ដល់អាយុជីវិតនោះទេ ៕

ដោយ៖ បងម៉េង ខ្មែរណូត