កាលពីពេលថ្មីៗនេះ ក្រុមហ៊ុន Apple បានធ្វើការវិនិយោគ 2.7ពាន់លានដុល្លារ ជាមួយនឹងក្រុមហ៊ុន LG ដើម្បីបង្កើតអេក្រង់ប្រភេទ OLED សម្រាប់ iPhone ឆ្នាំ2018។ យោងតាមគេហទំព័រ China Morning Post បានលើកឡើងថា ក្រុមហ៊ុន Apple កំពុងមានគម្រោងចាប់យកអេក្រង់ប្រភេទ OLED ជំនាន់ទី2 របស់ក្រុមហ៊ុន LG ក្នុងចំនួនចន្លោះពី 2 ដល់ 4លានគ្រឿងឯណោះ សម្រាប់បំពាក់លើ iPhone ខ្លួន។

ទាក់ទងទៅនឹងចំនួន 4លានគ្រឿងនេះ មិនមែនជាចំនួនសរុបនៃ iPhone ដែលនឹងត្រូវចេញលក់សម្រាប់ឆ្នាំ2018 ឡើយ ពោលគឺចំនួននេះ គឺត្រឹមតែ 20% ប៉ុណ្ណោះ រីឯ 80% ផ្សេងទៀត គឺទទួលបានពីក្រុមហ៊ុន Samsung ដដែល។ យោងតាមប្រភពដដែលបានបន្ដថា ក្រុមហ៊ុន LG បាននឹងកំពុងព្យាយាមចាប់យកការសហការជាមួយក្រុមហ៊ុន Apple ឲ្យបានច្រើនជាងនេះទៅទៀត ប៉ុន្ដែយើងសង្កេតឃើញថាក្រុមហ៊ុននេះហាក់ដូចជាមិនទាន់ត្រៀមខ្លួនរួចរាល់នៅឡើយទេ។ អ្វីដែលគួរឲ្យចាប់អារម្មណ៍បំផុតនោះគឺ LG Display ត្រូវបានគេជឿថា នឹងដើរតួជាអ្នកផ្គត់ផ្គង់អេក្រង់ទំហំ 6.5អ៊ីញ ដែលមានតម្លៃថ្លៃសម្រាប់ iPhone X Plus ថែមទៀតផង។

Fu

ប្រភព៖ gsmarena