រូបភាពទាក់ទងទៅនឹងថេបប្លេតថ្មីរបស់ក្រុមហ៊ុន Samsung ម៉ូដែល Galaxy Tab S4 ត្រូវបានបែកធ្លាយហើយ ដែលអាចឲ្យយើងសង្កេតឃើញពីរូបរាងច្បាស់ៗ ជាមួយនឹងកាលបរិច្ឆេតបង្ហាញខ្លួន ដែលអាចនឹងធ្វើឡើងនាកំឡុងចុងឆ្នាំនេះ។ យោងតាមគេហទំព័រ Android Headlines បានលើកនូវពត៌មានមួយចំនួនទាក់ទងទៅនឹងប៊ូតុង Home និងអេក្រង់ធំជាងមុនផងដែរ។

Galaxy Tab S4 ត្រូវបានគេជឿថានឹងមានគែមស្ដើងជាមុន ដែលជាហេតុនាំឲ្យអេក្រង់មានសភាពលាតស្អាត ខុសពីសមាមាត្រ របស់ Tab S3 ដែលមានកម្រឹត 4:3។ លើសពីនេះទៅទៀត និមិត្តសញ្ញារបស់ក្រុមហ៊ុន Samsung ដែលស្ថិតនៅផ្នែកខាងលើគឺគ្មានទៀតទេ ហើយសមស្របទៅនឹងពាក្យចចាមអារាមដែលលើកឡើងថា ថេបប្លេតជំនាន់ថ្មីនេះនឹងមានភ្ជាប់មកជាមួយនឹងបច្ចេកវិទ្យាស្កេនភ្នែក Iris scanner ផងដែរ។

គួរបញ្ជាក់ផងដែរថា តាមរយៈរូបភាពបែកធ្លាយនេះ យើងអាចសង្កេតឃើញពីភាពដូចគ្នារវាងម៉ូដែលចាស់ និងភាពខុសគ្នាផងដែរ។ ចំពោះកាមេរ៉ាក្រោយគឺមានតែមួយដដែល ហើយអ្វីដែលជាផ្លាស់ប្ដូរធំបំផុតនោះគឺយើងមិនសង្កេតឃើញមានប៊ូតុង Home ទៀតទេ។ ដោយសារការលុបចោលប៊ូតុង Home នេះបានធ្វើឲ្យអតិថិជនជាច្រើនយល់ឃើញថា Galaxy Tab S4 នឹងមានភ្ជាប់មកជាមួយនឹងបន្ទះស្កេនស្នាមក្រយ៉ៅដៃបង្កប់ក្នុងអេក្រង់ថែមទៀតផង។

Fu

ប្រភព៖ theverge