នៅព្រឹកថ្ងៃទី០៩ ខែមីនា ឆ្នាំ២០២១ អ្នកសិល្បៈមួយចំនួនបានឆ្លងជំងឺកូវីដ-១៩ ខណៈដែលសិល្បៈករ សិល្បៈការនី មួយចំនួនទៀតបានជាប់ពាក់ព័ន្ធដោយផ្ទាល់និងដោយប្រយោល បាននាំគ្នាទៅធ្វើតេស្តរកជំងឺកូវីដ-១៩ ជាបន្តបន្ទាប់ ដោយក្នុងនោះលោក ងួន ចាន់ដេវីត និងកញ្ញា ទេព បូព្រឹក្ស ក៏បានជាប់ពាក់ព័ន្ធនឹងអ្នកជំងឺកូវីដ-១៩ ដូចគ្នាហើយពួកគេក៏បានមកធ្វើតេស្តតាមការណែនាំរបស់ក្រសួងសុខាភិបាល ដោយលទ្ធផលនៃការធ្វើតេស្តលើកទី១ គឺអវិជ្ជមាន។

តារាចម្រៀងរ៉េប ម្ចាស់បទ “ញីកែងជើង” បានរៀបរាប់ថា៖ “សួស្ដី​បងប្អូន​ទាំង​អស់​គ្នា​ ដោយ​ពេល​នេះ​ខ្ញុំទាំងពីរអ្នកបានធ្វេីតេស្តមេរោគ​កូវីត​ ១៩​ រួចរាល់ហេីយដោយលទ្ធផលតេស្តលេីកទីមួយ​ គឺ​ (​អវិជ្ជមាន​)​ ប៉ុន្តែដោយមានការណែនាំពីលោកគ្រូអ្នកគ្រូពេទ្យអោយ​ពួកខ្ញុំបន្តធ្វេីការ​ ចត្តាឡីសក្ត័​ដោយខ្លួនឯងនៅផ្ទះរហូតដល់គ្រប់​ ១៤ថ្ងៃ​ ដេីម្បីរង់ចាំ​ការធ្វេីតេស្តលេីកទី​ ២​ ម្តងទៀត​ ។ ដោយខ្ញុំទាំងពីរអ្នកសូមអរគុណដល់បងប្អូនទាំងអស់គ្នាដែលបារម្មណ៍​ ពីពួកខ្ញុំ​ ។ សូមកុំភ្លេចចូលរួមទាំងអស់គ្នា​ និង​ ស្តាប់តាមការណែនាំ សុខាភិបាល​”៕