ទីបំផុត បាសឆ្លាតវៃ បិសាចសំឡេងជំនាន់ទី2 Huawei Sound ដាក់លក់ក្នុងតម្លៃត្រឹមតែ…

ភ្នំពេញ ថ្ងៃទី 24 មីនា 2021 ទីបំផុត ក្រុមហ៊ុនហួវៃដាក់លក់ Huawei Sound បាសឆ្លាតវៃ បិសាចសំឡេងជំនាន់ទី2 ជាផ្លូវការក្នុងប្រទេសយើងក្នុងតម្លៃត្រឹមតែ $159។ សម្រាប់អតិថិជនដែលចាប់អារម្មណ៍អាចស្វែងរកជាងនៅតាម Huawei Showroom ហាងដៃគូរសហការដែលនៅក្បែរលោកអ្នកជាងគេ។

លោក ថង សារី នាយកផ្នែកទីផ្សារប្រចាំប្រទេសកម្ពុជាបានឲ្យដឹង Huawei Sound ជំនាន់ទី2 លើកនេះគឺពិតជាមិនធម្មតានោះទេ ដោយក្រុមហ៊ុនបានឲ្យ រហ័ស្សនាមថាជាបិសាចសំឡេងជំនាន់ទី2 ដែលមាន គុណភាពសម្លេងលាន់លឺដូចរន្ទះ ពិរោះរណ្តំចិត្តបែប Surround Sound ដោយសារបំពាក់នូវបាស Devialet 4 គ្រាប់ ភ្ជាប់បច្ចេកវិទ្យា SAM® 2.0 (ជំនាន់ទី 2) របស់ក្រុមហ៊ុន Devialet បច្ចេកវិទ្យាសំឡេងឈានមុខគេ ដែលមានតម្លៃខ្ពស់បំផុតលំដាប់ពិភពក្នុងពិភពលោក។

លោកបានបន្ថែមថា “ Huawei Sound បិសាចសំឡេងជំនាន់ទី2 ទ្រទ្រង់នូវបច្ចេកវិទ្យា Huawei Share នឹងបំពេញតម្រូវការសម្រាប់អ្នកចូលចិត្ត កម្សាន្តអារម្មណ៍តាមរយៈសម្លេងពិរោះរណ្តំគ្មានសម្លេងរំខាន មិនថានៅបន្ទប់គេង ការិយាល័យ ឬរមណីយដ្ឋានផ្សេងៗ។

Huawei Sound ជំនាន់ទី 2 នឹងផ្តល់នូវបទពិសោធន៍ថ្មី នៃរបត់ការរស់បែបសម័យបច្ចេកវិទ្យា អនុញ្ញាតឲ្យអ្នកប្រើប្រាស់ភ្លក់នូវសំឡេងលាន់លឺឆ្វាច ពិរោះរណ្តំចិត្ត ហាក់បីដូចជា កំពុងស្ថិតនៅក្នុងស្ទូឌីយោ ឬក៏កំពុងតែស្ថិតនៅក្លឹបកម្សាន្តអញ្ចឹងដែរ។ ចំណែកឯ បច្ចេកវិទ្យា Huawei Share បង្កលក្ខណៈកាន់តែងាយស្រួល អ្នកប្រើប្រាស់អាចធ្វើការភ្ជាប់ប្លូធូដោយស្វ័យប្រវត្តិពីទូរស័ព្ទទៅកាន់ Huawei Sound ដោយគ្រាន់តែដាក់ទូរស័ព្ទប៉ះបាសឆ្លាតវៃមួយនេះតែបន្តិចជាការស្រេច! Huawei Sound ត្រូវបានទទួលស្គាល់ពីកម្រិតសំឡេងស្តង់ដារ (Hi-Res Certification) ដោយស្ថាប័ន Japan Audio Society (JAS) and Consumer Electronics Association (CEA). ប្រទេសជប៉ុន។

បិសាចសំឡេងជំនាន់ទី2 Huawei Sound ត្រូវបានរចនាឡើង មានរូបរាងផ្ចិតផ្ចង់ជាមួយនឹងទម្ងន់កាន់តែស្រាលជាងមុនគឺត្រឹមតែ 2.2kg ពណ៌ខ្មៅ ធន់នឹងសីតុណ្ហភាពចន្លោះពី -20 °C～+70 °C Huawei ប្រេកង់ 40ហឺត មាន CPU (GHZ) 4 core 1.5Ghz (MediaTek MT8518) មានរ៉េម RAM 512MB DDR និង ROM 8 GB FLASH។

សរុបមក Huawei Sound ជំនាន់ទី2 មានតម្លៃ $159 អាចនឹងឆក់យកប្រជាប្រិយភាពកាន់តែខ្លាំងឡើងពីសំណាកអ្នកប្រើប្រាស់នៅទូទាំងប្រទេសកម្ពុជា ដោយសម្អាងលើគុណភាព និងលក្ខណៈសម្បត្តិដូចរៀបរាប់ខាងលើ។