អ្នកធ្លាប់ចូល គីវី ម៉ាត នៅផ្សារកណ្តាល នៅថ្ងៃទី២១ ខែមីនា បើមានអាការៈសង្ស័យ សូមប្រញាប់ទៅធ្វើតេស្ត ដោយសារមានអ្នកជំងឺកូវីដ១៩ ធ្លាប់ចូលម៉ាតនោះ

យោងតាមការបញ្ជាក់ពី អនុគណៈកម្មការស្រាវជ្រាវជំងឺកូវីដ១៩ បានចេញសេចក្តីជូនដំណឹងសូមអំពាវនាវដល់ប្រជាពលរដ្ឋ ដែលធ្លាប់បានទៅទីតាំងផ្សារ គីវី ម៉ាត (Kiwi Mart) ស្ថិតនៅ ផ្លូវ ១១០, សង្កាត់ ផ្សារកណ្តាល​ ១, ខណ្ឌដូនពេញ រាជធានីភ្នំពេញ​ នៅថ្ងៃទី ២១ ខែមីនា ឆ្នាំ២០២១ ម៉ោង ០០៖ ៣០ (អ្នកវិជ្ជមានជំងឺកូវីដ-១៩ បានទៅក្នុងហាងនោះ នៅម៉ោង ០០៖៣០)។

ប្រសិនបើមានរោគសញ្ញាដូចជា៖ គ្រុនក្ដៅ, ក្អក, កណ្ដាស់, ឈឺបំពង់ក ឬដកដង្ហើមខ្លីៗ ឬ សង្ស័យ សូមមេត្តាប្រញាប់ ទៅធ្វេីតេស្តរកមេរោគ កូវីដ១៩​​ (COVID-19) ដែលមានទីតាំងដូចខាងក្រោម៖

+ ​វិទ្យាល័យ​បាក់ទូក​
+ វិទ្យាល័យ​បឹង​ត្របែក​
+ មណ្ឌលសុខភាពចាក់អង្រែក្រោម​
+ មន្ទីរ​ពេទ្យខ្មែរ-សូវៀត​
+ សាលាបឋមសិក្សា សុភមង្គល (ក្រោយផ្សារស៊ិន ជូរី បណ្តោះអាសន្ន)
+ មន្ទីរពេទ្យបង្អែកនៅតាមបណ្តាខេត្តនានា​

សម្រាប់អ្នកដែលគ្មានរោគសញ្ញា សូមដាក់ខ្លួនដាច់ដោយឡែក និងតាមដានសុខភាពរបស់ខ្លួនរយៈពេល ១៤ ថ្ងៃ ចាប់ពីថ្ងៃដែលអ្នកបានប៉ះពាល់ ឬទៅទីកន្លែងនោះ។ សូមអរគុណ!