អ្នកធ្លាប់ចូលធនាគារ Sacombank វិថីព្រះសីហនុ ចាប់ពីថ្ងៃទី១០ ខែមីនា បើមានអាការៈមិនស្រួលខ្លួន សូមប្រញាប់ទៅធ្វើតេស្ត ដោយសារបុគ្គលិកអនាម័យនៅទីនោះមានវិជ្ជមានកូវីដ១៩

យោងតាមការបញ្ជាក់ពី អនុគណៈកម្មការស្រាវជ្រាវជំងឺកូវីដ១៩ បានចេញសេចក្តីជូនដំណឹងសូមអំពាវនាវដល់ប្រជាពលរដ្ឋ ដែលធ្លាប់បានទៅទទួលសេវាកម្មនៅធនាគារ Sacombank Cambodia សាខានៅទីតាំងផ្ទះលេខ២៧៤ វិថីព្រះសីហនុ សង្កាត់វាលវង់ ខណ្ឌ៧មករា រាជធានីភ្នំពេញ​ ចាប់ពីថ្ងៃទី១០ ដល់ថ្ងៃទី ២៤ ខែមីនា ឆ្នាំ២០២១ ដោយសារអ្នកវិជ្ជមានកូវីដ១៩ ជាបុគ្គលិកផ្នែកអនាម័យនៅទីនោះ។

ប្រសិនបើមានរោគសញ្ញាដូចជា៖ គ្រុនក្ដៅ, ក្អក, កណ្ដាស់, ឈឺបំពង់ក ឬដកដង្ហើមខ្លីៗ ឬ សង្ស័យ សូមមេត្តាប្រញាប់ ទៅធ្វេីតេស្តរកមេរោគ កូវីដ១៩​​ (COVID-19) ដែលមានទីតាំងនៅ

+ ​វិទ្យាល័យ​បាក់ទូក​
+ វិទ្យាល័យ​បឹង​ត្របែក​
+ មណ្ឌលសុខភាពចាក់អង្រែក្រោម​
+ មន្ទីរ​ពេទ្យខ្មែរ-សូវៀត​
+ សាលាបឋមសិក្សា សុភមង្គល (ក្រោយផ្សារស៊ិន ជូរី បណ្តោះអាសន្ន)
+ មន្ទីរពេទ្យបង្អែកនៅតាមបណ្តាខេត្តនានា

សម្រាប់អ្នកដែលគ្មានរោគសញ្ញា សូមដាក់ខ្លួនដាច់ដោយឡែក និងតាមដានសុខភាពរបស់ខ្លួនរយៈពេល ១៤ ថ្ងៃ ចាប់ពីថ្ងៃដែលអ្នកបានប៉ះពាល់ ឬទៅទីកន្លែងនោះ។ សូមអរគុណ!