អភិបាលខេត្តកំពង់ស្ពឺ បង្ហាញគម្រោងប្លង់ឈាបនដ្ឋាន និងឡបច្ចេកទេស សម្រាប់បូជាអ្នកបាត់បង់ជីវិត ដោយសារជំងឺកូវីដ១៩

យោងតាមការបញ្ជាក់នៅលើគណនីហ្វេសប៊ុករបស់ឯកឧត្តម វុី សំណាង អភិបាល នៃគណៈអភិបាលអភិបាលខេត្តកំពង់ស្ពឺ បានធ្វើការបង្ហាញគម្រោងសិក្សាប្លង់សាងសង់ឈាបនដ្ឋាន សម្រាប់បូជាសពអ្នកបាត់បង់ជីវិតដោយសារជំងឺកូវីដ-១៩ ដែលទីតាំងស្ថិតនៅ ភូមិជាំ ឃុំតាសាល ស្រុកឱរ៉ាល់ ខេត្តកំពង់ស្ពឺ។

គួរបញ្ជាក់ផងដែរថា ឈាបនដ្ឋាន សម្រាប់បូជាសពអ្នកស្លាប់ដោយសារជំងឺកូវីដ-១៩ នោះ ត្រូវបាន​រៀបចំ​ផ្ទៃដី​ទំហំ​ប្រមាណ​១០​ហិ​កតា និងមាន​ឡ​ជាប​ច្ឆា​បច្ចេកទេស​ស្តង់ដា​ចំនួន​៦។ ពេលនេះអាជ្ញាធរមានសមត្ថកិច្ចកំពុងតែញាបដៃញាប់ជើងរៀបចំទីតាំងនោះឲ្យបានលឿនបំផុត។ ដើម្បីជៀសវាងការឆ្លងជំងឺកូវីដ១៩ សូមបងប្អូនទាំងអស់គ្នាអនុវត្តឲ្យបានខ្ជាប់ខ្ជួននូវអនុសាសន៍ដ៏ខ្ពង់ខ្ពស់របស់សម្ដេចអគ្គមហាសេនាបតីតេជោ ហ៊ុន សែន គឺ ៣កុំ និង ៣ ការពារ៕