អាជ្ញាធរខេត្តកំពង់ធំ រកឃើញអ្នកជំងឺកូវីដ-១៩ ចំនួន២នាក់ ជាប្ដីប្រពន្ធមកពីរាជធានីភ្នំពេញ

ខេត្តកំពង់ធំ៖ យោងតាមសារលិខិតរបស់ រដ្ឋបាលខេត្តកំពង់ធំ ចុះផ្សាយនៅថ្ងៃទី២៦ ខែមេសា ឆ្នាំ២០២១ បានចេញសេចក្តីប្រកាសព័ត៌មានរបស់រដ្ឋបាលខេត្តកំពង់ធំ ស្តីពី​ការរកឃើញ​អ្នកវិជ្ជមានជំងឺកូវីដ១៩ ចំនួន ០២នាក់ នៅថ្ងៃទី២៥ ខែមេសា ឆ្នាំ២០២១ ដែលអ្នកវិជ្ជមានកូវីដ-១៩ ចំនួន ០២ករណី នៅភូមិព្រៃវែង ឃុំទៀល ស្រុកតាំងគោក មានឈ្មោះដូចខាងក្រោម៖

ទី១.ឈ្មោះ ឌឹម សុឃឿន ភេទប្រុស អាយុ ២៦ឆ្នាំ មុខរបរអ្នករត់ម៉ូតូកង់បី។

ទី២.ឈ្មោះ សួន ឡៃហួរ ភេទស្រី អាយុ ២០ឆ្នាំ មុខរបរកម្មការិនីរោងចក្រឌីឡាក់។

ពាក់ព័ន្ធនឹងករណីនេះ រដ្ឋបាលខេត្តបានស្រាវជ្រាវ បុគ្គលទាំង ០២នាក់នេះជាប្ដីប្រពន្ធរស់នៅក្នុងបន្ទប់ជួលភ្នំពេញ។ បច្ចុប្បន្នអ្នកជំងឺកូវីដ-១៩ ទាំង០២នាក់ខាងលើនេះ ត្រូវបានដាក់ឲ្យសម្រាកព្យាបាលនៅមន្ទីរពេទ្យបង្អែកបារាយន៍-សន្ទុក ចំណែកអ្នកពាក់ព័ន្ធទាំង ០៦នាក់ ត្រូវបានដាក់ឲ្យធ្វើចត្តាឡីស័ក ដើម្បីតាមដានបន្ត។

សូមអានសារលិខិតលម្អិតដូចខាងក្រោម៖

ប្រភព៖ រដ្ឋបាល ខេត្តកំពង់ធំ