កញ្ញា មាន ពេជ្ររីតា អតីត Miss Grand 2020 ស្រែកទ្រហោយំ “គេស្ទាបខ្ញុំ” “ខ្ញុំខ្ពើមខ្លួនឯង” បានធ្វើអោយមហាជនតក់ស្លុតយ៉ាងខ្លាំង ខណៈដែលខ្លួនត្រូវជាប់ឃុំថែមទៀត

រឿងរ៉ាវដ៏ល្បីកក្រើកពេញបណ្តាញសង្គម Facebook ត្រូវបានមហាជននិងអ្នកសិល្បៈជាច្រើនកំពុងចាប់អារម្មណ៍ក្រោយពេលលេចធ្លាយពាក្យបណ្តឹងមួយច្បាប់របស់កញ្ញា មាន ពេជ្ររីតា ហៅយូប៊ី ដែលបានប្តឹងលើ ឧកញ៉ា ហេង សៀ ថាបានប៉ុនប៉ងរំលោភសេពសន្ថវៈលើរូបនាង តែមិនបានសម្រេចដោយឧកញ៉ា រូបនោះបានបំពានរាងកាយរបស់យ៉ាងធ្ងន់ធ្ងរ ហើយថែមទាំងប្តឹងនាងដាក់គុកថែមទៀត ដោយចោទថានាងបានលួចទូរស័ព្ទ និងប្រើហឹង្សាមកលើរូបលោក។

ទោះជាយ៉ាងណាក្តីរឿងរ៉ាវដ៏ក្តៅកគុកមួយនេះ បានធ្វើអោយមហាជនអ្នកលេង Facebook ជាច្រើនបានបង្ហោះសារ “#stopviolenceagainstwomen #JusticeForWoman #JusticeForYubi #ReleaseYubi” ដើម្បីស្វែងរកយុត្តិធម៌អោយកញ្ញា ពេជ្ររីតា ខណៈពេលដែលនាងត្រូវបានឃុំឃាំងនៅឡើយ។ វិដេអូ២ខ្សែ ត្រូវបានគេបង្ហោះពេញបណ្តាញសង្គម ដោយបង្ហាញពីការស្រែកទ្រហោយំរបស់កញ្ញា រីតា ដែលគួរអោយសង្វែកបំផុត។ សូមទស្សនាវិដេអូខាងក្រោម៕