កុំជោរ! កំពូលស្មាតហ្វូនថ្មីរបស់ក្រុមហ៊ុន Nokia មានសមត្ថភាពមិនចាញ់កំពូលស្មាតហ្វូន Pixel របស់ក្រុមហ៊ុន Google ឡើយ…

កាលពីព្រឹត្តិការណ៍ MWC 2018 ដែលទើបនឹងត្រូវបានធ្វើឡើងនាពេលថ្មីៗនេះ ក្រុមហ៊ុន Nokia បានប្រកាសទាក់ទងទៅនឹងស្មាតហ្វូនរបស់ខ្លួនដល់ទៅ 4ម៉ូដែលឯណោះ ដែលមានដូចជា Nokia 8 Siricco, Nokia 7 Plus, Nokia 6 និង Nokia 1។ ដោយឡែក ស្មាតហ្វូនទាំង 4នេះគឺត្រូវបានបំពាក់ដោយកម្មវិធីស្ទើរទាំងអស់របស់ក្រុមហ៊ុន Google តែម្ដងទាំង Software ដ៏រលូន និងលក្ខណៈពិសេសមួយចំនួនផ្សេងទៀតផងដែរ។

គួរបញ្ជាក់ផងដែរថា បើនិយាយពីកំពូលស្មាតហ្វូនរបស់ក្រុមហ៊ុន Nokia គឺ Nokia 8 Sirocco គឺពិតជាទទួលបានការអភិវឌ្ឍន៍ដ៏អស្ចារ្យមែនទែន ដោយមានបំពាក់ដោយអេក្រង់ទំហំ 5.5អ៊ីញ ក្នុងកម្រឹតបង្ហាញរូបភាព Quad HD (2560×1440) ប្រភេទ pOLED ជាមួយនឹងកញ្ចក់ការពារប្រភេទ Corning Gorilla Glass 5 និងដំណើរការលើបន្ទះឈីបប្រភេទ Qualcomm’s Snapdragon 835 មានទំហំ RAM 6GB និងអង្គផ្ទុកទិន្នន័យ 128GB។ ចំពោះកាមេរ៉ាក្រោយគឺមានដល់ទៅ 2ឯណោះទំហំ 12MP និង 13MP ជាមួយនឹង LED Flash ពីរគ្រាប់ផងដែរ ឯកាមេរ៉ាមុខវិញគឺមានទំហំ 5MP។ សម្រាប់ថាមពលថ្មរបស់ Nokia 8 Sirocco គឺមានទំហំ 3,260mAh ភ្ជាប់មកជាមួយនឹងបច្ចេកវិទ្យាសាកថ្មឥតខ្សែផងដែរ។ ក្រៅពីនេះ ក្រុមហ៊ុន Nokia ក៏បាននាំយកមកជាមួយនូវ sensor ស្កេនស្នាមក្រយ៉ៅដៃ និងដំណើរការដោយ Android 8.0 Oreo ផងដែរ។

អ្វីដែលគួរឲ្យចាប់អារម្មណ៍បំផុតនោះគឺ ក្រុមហ៊ុន Nokia បានផ្លាស់ប្ដូរវិធីសាស្ត្រក្នុងការផលិតស្មាតហ្វូនរបស់ខ្លួន ដោយចំពោះ Nokia 8 Sirocco នេះគឺត្រូវបានផលិតឡើងពីកញ្ចក់ 95% តែម្ដង។ សម្រាប់គែមសងខាងនៃស្មាតហ្វូននេះ គឺមានសភាពកោង និងស្ដើងផងដែរ។

Fu

ខ្មែរណូត

ប្រភព៖ technobuffalo