ក្រសួងសុខាភិបាល អនុញ្ញាតអោយប្រើប្រាស់វ៉ាក់សាំងកូវីដ-១៩ ប្រភេទCOVAXIN ក្នុងលក្ខខណ្ឌបន្ទាន់

រាជធានីភ្នំពេញ៖ យោងតាមសេចក្ដីជូនដំណឹងរបស់ ក្រសួងសុខាភិបាល នៅថ្ងៃទី០៥ ខែវិច្ឆិកា ឆ្នាំ២០២១ បានសម្រេចអនុញ្ញាតឲ្យប្រើប្រាស់វ៉ាក់សាំងឈ្មោះ COVAXIN ក្នុងលក្ខខណ្ឌបន្ទាន់។ វ៉ាក់សាំង COVAXIN គុណភាពព្យាបាល ជាប្រភេទវ៉ាក់សាំងបង្ការជំងឺកូវីដ-១៩ ចំពោះមនុស្សដែលមានអាយុចាប់ពី ១៨ឆ្នាំឡើងទៅ។

សម្រាប់លក្ខខណ្ឌនៃការប្រើប្រាស់៖ ប្រើតែក្នុងអំឡុងពេលគ្រោះអាសន្នសុខភាពសាធារណៈនៃជំងឺកូវីដ-១៩ ដែលកំពុងកើតមាន និងប្រើក្រោមអាទិភាពរបស់រាជរដ្ឋាភិបាលដូចមានចែងក្នុងផែនការដាក់ពង្រាយវ៉ាក់សាំងជាតិបច្ចុប្បន្ន និងក្រុមមនុស្សអាទិភាព ៕