កាលពីយប់មិញនេះ ក្រុមហ៊ុន Huawei បានដាក់បង្ហាញកំពូលស្មាតហ្វូនត្រកូល Mate ជំនាន់ថ្មីរបស់ខ្លួនរហូតដល់ទៅ៣ម៉ូដែល គឺ Mate 20, Mate 20 Pro និង Mate 20 X ហើយស្មាតហ្វូនដែលទទួលបានការចាប់អារម្មណ៍ខ្លាំងជាងគេបំផុតនោះគឺ Mate 20 Pro។ ឥលូវយើងផ្តោតលើកាមេរ៉ារបស់ Mate 20 Pro វិញ ដែលវាមានរហូតដល់ទៅ៣គ្រាប់នៅខាងក្រោយ ដែលកាមេរ៉ាទី១ មានទំហំ ៤០ មេហ្គាភិចសែល ក្នុងកម្រិត F1.8 កាមេរ៉ាទី២ ប្រភេទ Lens Ultra Wide Angel មានទំហំ ២០ មេហ្គាភិចសែលក្នុងកម្រិត F2.2 សម្រាប់ចាប់យករូបភាពលក្ខណៈប្លង់ទូលាយ និង Telephoto មានទំហំ ៨ មេហ្គាភិចសែល ក្នុងកម្រិត F2.4 ដែលអាច Zoom បានរហូតដល់គុណនឹង ៥ តាមរយៈបច្ចេកវិទ្យា Hybrid Zoom។

កាមេរ៉ា Ultra Wide របស់ Mate 20 Pro បំពាក់កែវ Len ប្រវែង 16mm ដែលអាចចាប់ប្លង់បានទូលាយ ហើយខាងក្រោមនេះគឺជាការប្រៀបធៀបរូបភាពធម្មតា និងរូបភាព Ultra Wide ដែលថតដោយ Mate 20 Pro៖

រូបភាពទី១ ជារូបភាពថតដោយកាមេរ៉ាធម្មតា, រូបភាពទី២ ជារូបថតដោយកាមេរ៉ា Ultra Wide Camera

អត្ថបទ៖ ឌី
ប្រភព៖ phonearena