កម្មវិធីប្រឡងចម្រៀងកម្រិតពិភពលោក Beat The Best វគ្គ Beat The Team សប្ដាហ៍ទី2 កាលពីយប់មិញនេះ បេក្ខជនពីរក្រុមស្រែកច្រៀងអង្រួនវេទិកា។ កម្មវិធីកម្រិតពិភពលោក ដោយមានបេក្ខជនមកពីបណ្ដាលរាជធានី-ខេត្ត ជាច្រើនចូលមកប្រកួតប្រឡង ដើម្បីក្លាយខ្លួនជាម្ចាស់ពានរង្វាន់ក្នុងរដូវកាលទី១ ទទួលប្រាក់រង្វាន់ ១ម៉ឺន ៥ពាន់ដុល្លារ នឹងក្លាយជាតារាចម្រៀងប្រចាំផលិតរស្មីហង្សមាស។

កាលពីយប់មិញនេះ បេក្ខជនពីក្រុម មានក្រុមលោកវិចិត្រ និងលោក ប៊ុនរ៉ុង ត្រូវប្រកួតជាមួយក្រុមលោករស្មី និងលោករតនៈ ចូលមកបកស្រាយបទចម្រៀង “ធ្វើម្ដេចយើងក្រ” តម្រូវអោយច្រៀងម្តងម្នាក់ ក្រុមលោកវិចិត្រ និងលោក ប៊ុនរ៉ុង ច្រៀងពោលពេញដោយកម្លាំង និងទេពកោសល្យនៅក្នុងបទចម្រៀង ធ្វើឲ្យគណៈកម្មាការពេញចិត្តជាខ្លាំង ទោះបីមានចំនុចខ្វះខាតបន្តិចក្ដី ក៏បេក្ខជនទាំងពីរធ្វើបានយ៉ាងល្អ គណៈកម្មការសម្រេចអោយអ្នកទាំងពីរទៅវគ្គបន្តទៀតបាន ហើយក៏ចូលរួមសោកស្ដាយចំពោះបេក្ខជនក្រុមលោករស្មី និងលោករតនៈ ដែលធ្វើមិនបានល្អ មិនអាចទៅវគ្គបន្តទៀតបាន ៕ តោះទៅទស្សនាវីដេអូខាងក្រោម៖