សូមរាយការណ៍ជាបន្ទាន់! ករណី “បាត់កូនស្រី” វ័យ១៧ឆ្នាំ ជិះម៉ូតូទៅរៀនគួរមិនឃើញត្រឡប់មកផ្ទះវិញ

រាជធានីភ្នំពេញ៖ យោងតាមការចុះផ្សាយរបស់ Hotline 117 នៅថ្ងៃទី០៣ ខែឧសភា ឆ្នាំ២០២២ បានឲ្យដឹងថា ករណី “បាត់កូនស្រី” ឈ្មោះ ង៉ែត ចាន់សុជាតិ អាយុ ១៧ឆ្នាំ កាលពីថ្ងៃទី០២ ខែឧសភា ឆ្នាំ២០២២ ដោយជិះម៉ូតូម៉ាក់ Honda Beat ពណ៌ក្រហម សេរីឆ្នាំ២០១៩ ពាក់ស្លាកលេខ 1IC-2174 ត្រូវបាននគរបាលចុះអន្ដរាគមន៍ស្រាវជ្រាវស្វែងរក ក្រោយប្រជាពលរដ្ឋរាយការណ៍មកកាន់សមត្ថកិច្ច ១១៧ ។

ប្រភពផ្ដល់ព័ត៌មាន នៅវេលាម៉ោង ១៤៖៣០ នាទីរសៀល ថ្ងៃទី០៣ ខែឧសភា ឆ្នាំ២០២២ ក្រុមការងារមជ្ឈមណ្ឌលប្រចាំបញ្ជា នៃអគ្គស្នងការដ្ឋាននគរបាលជាតិ បានទទួលព័ត៌មានពីករណីខាងលើ ដែលស្ថិតនៅភូមិសំបួរ សង្កាត់ដង្កោ ខណ្ឌដង្កោ រាជធានីភ្នំពេញ។ តាមការរៀបរាប់ពីម្ដាយប្រាប់ថា៖ កូនគាត់បាត់ខ្លួនកាលពីថ្ងៃទី០២ ខែឧសភា ឆ្នាំ២០២២។ សូមបញ្ជាក់៖ កូនគាត់ប្រាប់ថាទៅរៀនគួរក៏បានបាត់ខ្លួនរហូតមក(សម្ភារៈជាប់ខ្លួនរួមមានម៉ូតូ HONDA BEAT ពណ៌ក្រហម ស៊េរីឆ្នាំ២០១៩ ពាក់ស្លាកលេខ ភ្នំពេញ 1IC-2174 ) មិនដឹងជាទៅទីណា? ពេលនេះសមត្ថកិច្ចកំពុងធ្វើការស្រាវជ្រាវស្វែងរក។ ករណីនេះបានបញ្ចប់នៅប៉ុស្ដិ៍រដ្ឋបាលម៉ោង១៥៖៤០នាទី ថ្ងៃទី០៣ ខែឧសភា ឆ្នាំ២០២២៕

ប្រភព៖ Hotline 117