កុំព្យូទ័រយួរដៃទំហំ 14អ៉ីញ ដ៏ប្រណីត និងទម្ងន់ស្រាល រួមជាមួយនឹងការរចនាបែបថ្មី ពណ៌ថ្មីដិតច្បាស់ មានអេក្រង់ 2.8K OLED HDR កម្រិត 16:10 , សំឡេង Dolby Atmos និងប្រព័ន្ធដំណើរការ Intel® Core™ ជំនាន់ទី 12

ចំណុច​សំខាន់
• បទពិសោធន៍កម្រិតភាពយន្តពេញលេញ៖ អេក្រង់ 2.8K OLED HDR 90Hz កម្រិត 16:10; PANTONE® Validated, 100% DCI-P3, 550 nits, សំឡេង Dolby Atmos ជាមួយ smart amplifier
• ថាមពលខ្លាំង ទំងន់ស្រាល និងស្ដើង៖ ដំណើរការ Intel® Core™ ជំនាន់ទី 12, ក្រាហ្វិក Intel Iris® Xe, WiFi 6E, ថ្ម 75 Wh, រន្ធដោត I/O ធំទូលាយ, រាងស្តើង 16.9 mm ទម្ងន់ 1.39 គីឡូក្រាម
• រូបរាងទំនើប ការរចនាប្រកបដោយការគិត៖ រូបរាងរចនាថ្មីទាំងអស់ ,ជម្រើស ២ពណ៌ , ត្រចៀកភ្ជាប់តួ (ErgoLift hinge) 180°, ក្តារចុចទំហំពេញ ErgoSense ថ្មី, NumberPad 2.0, ប៊ូតុងស្កេនក្រយ៉ៅដៃ

ភ្នំពេញ ថ្ងៃទី២៦ ខែកក្កដា ឆ្នាំ២០២២៖ ក្រុមហ៊ុន ASUS បានប្រកាសចេញនូវកុំព្យូទ័រយួរដៃស៊េរីថ្មីគឺ Zenbook 14 OLED (UX3402) ដែលជាកុំព្យូទ័រយួរដៃទំហំ 14 អ៉ីញដ៏ប្រណីត ស៊ីវីល័យ និងមានទម្ងន់ស្រាល ដែលបង្ហាញពីរូបរាងថ្មី និងទំនើបមិនធ្លាប់មាននៅក្នុងស៊េរី Zenbook ហើយម៉ូឌែលនេះ ជាស្តង់ដារថ្មីសម្រាប់ការចល័តដ៏ល្អឥតខ្ចោះ។

រចនាឡើងដើម្បីផ្តល់នូវបទពិសោធន៍ផ្នែកសោតទស្សន៍ភាពយន្ត Zenbook 14 OLED មានលក្ខណៈពិសេសជាមួយនឹងអេក្រង់ដែលពង្រីកទំហំដល់ទៅកម្រិត 16:10 2.8K 90Hz OLED NanoEdge 550-nit PANTONE® Validated 90Hz ជាមួយនឹងកម្រិតភាពយន្តកម្រិត 100% DCI-P3 gamut។ វាជាប្រភេទអេក្រង់ HDR™ True Black 500 ដែលត្រូវបានបញ្ជាក់សម្រាប់ភាពច្បាស់ល្អ ហើយក៏ត្រូវបានទទួលស្គាល់ដោយ TÜV Rheinland សម្រាប់ការថែទាំភ្នែកផងដែរ។ ជាមួយគ្នានេះ ប្រព័ន្ធសំឡេង Dolby Atmos ដែលទទួលបានវិញ្ញាបនបត្រ Harman Kardon រួមជាមួយការប្រើប្រាស់ឧបករណ៍បំពងសំឡេងឆ្លាតវៃ (smart amplifier) ផ្តល់នូវសំឡេងដ៏ពីរោះរណ្ដំ និងច្បាស់ល្អ។

មិនតែប៉ុណ្ណោះ Zenbook 14 OLED ផ្តល់នូវដំណើរការល្អឥតខ្ចោះ ដោយម៉ូឌែលនេះដំណើរការដោយប្រព័ន្ធដំណើរការ Intel® Core™ ជំនាន់ទី 12 ចុងក្រោយបង្អស់ និងក្រាហ្វិក Intel® Iris® Xe រួមជាមួយនឹង RAM ដល់ទៅ 8 GB, ultrafast PCIe® 512 SSDs, ការតភ្ជាប់ WiFi 6E ចុងក្រោយបង្អស់ និងថ្មដែលមានសមត្ថភាពខ្ពស់ដល់ទៅ 75 Wh។ បើនិយាយពីទំហំវិញ ទោះបីជាម៉ូឌែលនេះ មានទំងន់ស្រាល 1.39 គីឡូក្រាម និងកម្រាស់ស្តើងត្រឹមតែ 16.9 mm ផលិតពីអាលុយមីញ៉ូមក៏ពិតមែន តែ Zenbook 14 OLED រួមបញ្ចូលនូវសំណុំពេញលេញនៃរន្ធ I/O រួមទាំងរន្ធ Thunderbolt™ 4 USB-C® ចំនួនពីរ រន្ធ HDMI® 2.0 មួយ, រន្ធ USB 3.2 Gen 2 Type-A ឧបករណ៍អានកាត microSD និងរន្ធដោតបញ្ចូលសំឡេង។

Zenbook 14 OLED ជំនាន់ថ្មី ផ្ដល់នូវរូបរាង និងអារម្មណ៍ ដ៏ទំនើបទាន់សម័យសម្រាប់ស៊េរី Zenbook ជាមួយនឹងការរចនាគម្របថ្មីប្លែក និងជម្រើសពណ៌ថ្មីដ៏ប្រណិត៖ ពណ៌ខៀវ។ ការរចនាមានលក្ខណៈពិសេស ដោយគិតគូរផ្ដោតលើអ្នកប្រើប្រាស់ក្នុងនោះរួមមាន៖ ត្រចៀកភ្ជាប់តួ (ErgoLift hinge) 180°, ឧបករណ៍ស្កេនក្រយ៉ៅដៃនៅលើប៊ូតុងបិទបើក, ASUS NumberPad 2.0, កាមេរ៉ាដែលបំពាក់បច្ចេកវិទ្យា ASUS 3D Noise Reduction (3DNR) និង MyASUS webcam ដែលត្រូវបានអាប់ឌែត, ក្តារចុច ASUS ErgoSense ថ្មីដែលមានទំហំពេញ។

សហវិស្វកម្មជាមួយ Intel ការរចនា Zenbook 14 OLED ត្រូវបានសាកល្បង សម្រួល និងផ្ទៀងផ្ទាត់ ដើម្បីបំពេញតាមតម្រូវការនៃកុំព្យូទ័រយួរដៃ Intel Evo ដោយការបំពេញ ឬលើសពីការកំណត់ផ្នែករឹងរបស់ Intel និងគោលដៅបទពិសោធន៍សំខាន់ៗសម្រាប់ការឆ្លើយតប, អាយុកាលថ្ម ,ការសាកលឿន និងការសហការដ៏ឆ្លាតវៃ។

A full cinematic experience

Zenbook 14 OLED ផ្តល់ជូនអ្នកប្រើប្រាស់នូវបទពិសោធន៍ផ្នែកសោតទស្សន៍ដែលប្រសើរឡើង ជាមួយនឹងអេក្រង់ទំហំ 16:10 2.8K OLED NanoEdge 550-nit 90Hz touchscreen ដែលផ្តល់នូវរូបភាពច្បាស់ត្រជាក់ភ្នែកមិនគួរឱ្យជឿ ជាមួយនឹងពណ៌បែបធម្មជាតិ។
អេក្រង់ NanoEdge design បំពាក់មកជាមួយ ultra-slim bezels និង screen-to-body ratio 90% ផ្ដល់នូវទម្រង់ដ៏ស្រស់ស្អាត និងតូចច្រឡឹង។ សម្រាប់ភាពត្រឹមត្រូវនៃកម្រិតពណ៌ដ៏អស្ចារ្យ អេក្រង់សម្រាប់ម៉ូឌែលនេះ គឺ ត្រូវបានទទួលស្គាល់ដោយ PANTONE® Validated និងការបញ្ជាក់ពី DisplayHDR™ True Black 500 មានន័យថា វាបង្ហាញពណ៌ខ្មៅដែលច្បាស់បុំផុត។ លើសពីនេះ អេក្រង់បំពាក់នូវបច្ចេកវិទ្យាការពារភ្នែកពីការមើលរយៈពេលយូរ ជាមួយនឹងការបញ្ចេញកម្រិតពន្លឺពណ៌ខៀវទាប ដែលត្រូវបានទទួលស្គាល់ដោយទាំង SGS និង TÜV Rheinland។

បើនិយាយពីកម្រិតសម្លេងវិញ អូឌីយ៉ូដ៏អស្ចារ្យត្រូវបានផ្តល់ដោយប្រព័ន្ធសំឡេងស្តេរ៉េអូ Dolby Atmos ដែលទទួលស្គាល់ដោយ Harman Kardon ដែលមានខ្លាំង និងច្បាស់លាស់ ដោយប្រើអំភ្លីឆ្លាតវៃ ជាក្បួនដោះស្រាយពិសេសដើម្បីបង្កើនកម្រិតសំឡេងដល់ទៅ 350% ដោយមិនខូចទ្រង់ទ្រាយសម្លេងដើម។ មិនតែប៉ុណ្ណោះ Dolby Atmos ផ្តល់នូវបទពិសោធន៍សំឡេងថ្មីសម្រាប់អូឌីយ៉ូគ្រប់ប្រភេទ សម្រាប់ភាពប្រាកដនិយមដ៏អស្ចារ្យនៅក្នុងតន្ត្រី ភាពយន្ត និងវីដេអូ។

Powerful, light and slim

Zenbook 14 OLED ត្រូវបានបង្កើតឡើង និងត្រៀមរួចជាស្រេចដើម្បីបំពេញតាមតម្រូវការរបស់អ្នកប្រើប្រាស់ ដោយផ្ដល់នូវប្រតិបត្តិការដ៏ខ្លាំង ជាមួយនឹង Intel® Core™ i7 processor ជំនាន់ទី12 ចុងក្រោយបង្អស់ រួមជាមួយ RAM 8 GB ,ក្រាហ្វិក Intel Iris Xe និង 512 SSD ដែលមានល្បឿនលឿនបំផុតសម្រាប់ការផ្ទុក ខណៈយថាមពលថ្មរហូតដល់ 75 Wh កាន់បានយូរពេញមួយថ្ងៃ។

WiFi 6E ចុងក្រោយបង្អស់ (802.11ax) ផ្តល់នូវការភ្ជាប់ឥតខ្សែកម្រិត gigabit ដែលត្រូវបានពង្រឹងដោយបច្ចេកវិទ្យា ASUS WiFi Master Premium រួមទាំង ASUS WiFi Stabilizer ដែលផ្តល់នូវការភ្ជាប់ WiFi ស្ថេរភាពរឹងមាំ និងប្រព័ន្ធ WiFi Stabilizer សម្រាប់កាត់បន្ថយការជ្រៀតជ្រែក។ លើសពីនេះទៀត WiFi SmartConnect ជ្រើសរើសប្រភព WiFi ដ៏ល្អបំផុតដោយស្វ័យប្រវត្តិ ដូច្នេះ Zenbook 14 OLED ភ្ជាប់យ៉ាងរលូនទៅនឹងសញ្ញា WiFi ដ៏ល្អបំផុត និង mobile hotspots ដែលធ្លាប់បានប្រើប្រាស់។

អ្វីដែលធ្វើឱ្យ ម៉ូឌែលមួយនេះកាន់តែពិសេស គឺការឌីហ្សាញដើម្បីផ្ដល់បទពិសោធន៍ដ៏អស្ចារ្យក្នុងការចល័តតាមខ្លួន ដោយ Zenbook 14 OLED បំពាក់មកជាមួយលក្ខណៈពិសេសៗដូចជា តួអាលុយមីញ៉ូមដែលតូច ស្ដើង និងស្រាល ដែលត្រៀមរួចជាស្រេច ដើម្បីចល័តទៅគ្រប់ទីកន្លែង។ ម៉ូឌែលនេះ មានកម្រាស់ត្រឹមតែ 16.9 mm និងមានទម្ងន់ត្រឹមតែ 1.39 គីឡូក្រាម ប៉ុន្តែវាត្រូវបានបំពាក់ដោយរន្ធដោត I/O ពេញលេញសម្រាប់ឧបករណ៍ងាយស្រួល និងការតភ្ជាប់គ្រឿងកុំព្យូទ័រ។ រន្ធដោត Thunderbolt™ 4 USB-C® ដែលមានល្បឿនលឿនបំផុត គាំទ្រការសាកថ្មលឿន អេក្រង់ខាងក្រៅ 4K UHD និងការផ្ទេរទិន្នន័យរហូតដល់ 40 Gbps ហើយវាក៏មានរន្ធ HDMI® និងរន្ធ USB 3.2 Gen 2 Type-A រួមជាមួយឧបករណ៍អានកាត microSD ផងដែរ។ ការទំនាក់ទំនង និងអូឌីយ៉ូ I/O ត្រូវបានយកចិត្តទុកដាក់ដោយ audio combo jack ដែលងាយស្រួល។

Modern looks, thoughtful design

Zenbook 14 OLED បង្ហាញពីកម្រិតគុណភាពថ្មីដ៏អស្ចារ្យនៃការរចនា Zenbook signature ដែលស៊ីវីល័យមិនចេះចប់មិនចេះហើយ រួមទាំងទំនើបទាំងអស់តែម្ដង។ ការរចនាគម្របថ្មីជាមួយពណ៌បែបដិត គឺផ្អែកលើរូបសញ្ញាអក្សរកាត់ប្រចាំគ្រួសារ ‘A’ ថ្មីរបស់ ASUS ដែលឃើញជាលើកដំបូងនៅក្នុងសៀវភៅ Zenbook គម្រប់ខួប 30ឆ្នាំ ដែលឆ្លាក់យ៉ាងល្អិតល្អន់ដោយលោហៈផ្លេកៗ ដើម្បីផលិតលំនាំដែលបំផុសគំនិតដោយសិប្បកម្ម Kintsugi របស់ជប៉ុន។ An echo នៃការឌីហ្សាញ Zenbook ដែលធ្វើពីលោហធាតុដ៏ល្បី ជាមួយនឹងរង្វង់មូលដែលបំផុសគំនិតដោយ Zen- អាចមើលឃើញនៅលើចុងនៃត្រចៀកភ្ជាប់តួ ហើយ Zenbook 14 OLED មាន​ពណ៌​ថ្មី​មួយ​ទៀត​ គឺ​ ពណ៌ ខៀវ។

ការផ្តល់ឱ្យអ្នកប្រើប្រាស់នូវបទពិសោធន៍ដ៏ល្អបំផុត គឺជាអ្វីដែល ASUS ពិតជាយកចិត្តទុកដាក់។ នោះហើយជាមូលហេតុដែល Zenbook 14 OLED ផ្ទុកទៅដោយលក្ខណៈពិសេសរចនាប្រកបដោយការគិត ដូចជា ត្រចៀកភ្ជាប់តួ (ErgoLift hinge) 180° ដែលធ្វើឱ្យវាងាយស្រួលក្នុងការចែករំលែក និងសហការ, ASUS NumberPad 2.0 សម្រាប់ការបញ្ចូលទិន្នន័យបានយ៉ាងងាយស្រួល និងឧបករណ៍ស្កេនក្រយ៉ៅដៃ នៅលើប៊ូតុងបិទបើក សម្រាប់ការចូលដោយប៉ះតែម្តងជាមួយនឹង Windows Hello។ មិនទាន់អស់នោះទេ កាមេរ៉ា​ webcam បំពាក់ដោយបច្ចេកវិទ្យា ASUS 3D Noise Reduction (3DNR) និង​ MyASUS webcam ដែលបាន​ធ្វើ​ឱ្យ​ប្រសើរ ដើម្បី​ទទួល​យក​ការ​ហៅ​ជា​វីដេអូ​ទៅកាន់តែល្អ និងច្បាស់ជាងមុន។ 3DNR ធ្វើឱ្យប្រសើរឡើងយ៉ាងខ្លាំងនូវភាពច្បាស់នៃរូបភាពរបស់ webcam ជាមួយនឹងក្បួនដោះស្រាយតែមួយគត់ដែលធ្វើឲ្យរូបភាពច្បាស់ និងអនុវត្តការបំបាត់សំលេងរំខានក្នុងពេលជាក់ស្តែង ដើម្បីប្រាកដថាអ្វីៗមើលទៅច្បាស់ល្អ ទាំងរូបភាព និងសម្លេងក្នុងអំឡុងពេលហៅជាវីដេអូ។ webcam ថ្មីនៅក្នុង MyASUS រួមមាន Background Blurring សម្រាប់ការពង្រឹងភាពឯកជន, ការបង្កើនប្រសិទ្ធភាពពន្លឺ ដើម្បីឱ្យមើលឃើញមុខច្បាស់ល្អ, ការតាមដានចលនា ដើម្បីរក្សាទម្រង់មុខឱ្យច្បាស់ជានិច្ចទោះពេលអ្នកប្រើប្រាស់ធ្វើចលនា ដោយមិនធ្វើឱ្យរូបភាព ឬ សកម្មភាពចេញមកទាក់ៗ។

កុំព្យូទ័រយួរដៃនេះ ក៏មានបំពាក់នូវក្តារចុច ErgoSense ស៊េរីថ្មីទំហំពេញ និង touchpad សម្រាប់បទពិសោធន៍វាយអក្សរដែលមានផាសុកភាពបំផុតមិនធ្លាប់មាន។ គ្រាប់ចុចទំហំ 19.05 mm របស់វាដូចគ្នាទៅនឹងក្តារចុចរបស់កុំព្យូទ័រលើតុ ផ្ដល់នូវភាពងាយស្រួល និងភាពត្រឹមត្រូវនៃការវាយអក្សរដ៏អស្ចារ្យ។ គ្រាប់ចុច key-cap dish ទំហំ 0.2 mm ឌីហ្សាញឡើងឱ្យត្រូវគ្នានឹងរូបរាងចុងម្រាមដៃ ហើយគម្លាតគ្រាប់ចុចប្រវែង 1.4 mm អនុញ្ញាតឱ្យប្រើប្រភេទដោយប្រើកម្លាំងល្អបំផុត។ ថ្នាំកូត hydrophobic ពិសេសនៅលើ ErgoSense touchpad ផ្តល់នូវការ touch ដ៏រលោងដូចសូត្រសម្រាប់រាល់ចលនាអូសចុះឡើង ហើយមានថ្នាំកូតប្រឆាំងនឹងស្នាមម្រាមដៃ និងងាយស្រួលសម្អាតផងដែរ។

AVAILABILITY & PRICING
ASUS Zenbook 14 OLED (UX3402) មានលក់ក្នុងប្រទេសកម្ពុជានៅគ្រប់ហាងចែកចាយទាំងអស់របស់ខ្លួនក្នុងតម្លៃ $949។ សូមទាក់ទងតំណាង ASUS ក្នុងតំបន់របស់អ្នក ឬ ចូលទំព័រហ្វេសប៊ុកផ្លូវការរបស់ ASUS សម្រាប់ព័ត៌មានបន្ថែម៖ https://www.facebook.com/ASUS855