ហេតុតែចង់ប្លែក គូស្វាមីភរិយាបរទេស មួយគូថតរូប Pre-Wedding នៅកណ្ដាលផ្លូវ រោទិ៍ឡាន និងបង្ហុយផ្សែងពេញផ្លូវ ត្រូវគេរិះគន់យ៉ាងខ្លាំង

ក្លាយជាប្រធានបទដ៏ល្បីមួយនៅក្នុងពិភពអនឡាញម្តងទៀត បន្ទាប់ពីគណនី Twitter @RedSkullxxx ដែលបានបង្ហោះវីដេអូឃ្លីប បង្ហាញពីទិដ្ឋភាព Pre-Wedding របស់កូនកំលោះ និងកូនក្រមុំមួយគូ ដែលថតរូបនៅកណ្តាលផ្លូវធំ ហើយក្នុង​ឃ្លីប​នោះដែរ ផ្លូវនោះក៏​ត្រូវ​បានបិទ​ដើម្បី​មិនឲ្យ​រថយន្ត​ផ្សេងធ្វើ​ដំណើរ​ឆ្លងកាត់។ ជាមួយគ្នានេះដែរ ពួកគេក៏យក​រថយន្ត​ភីកអាប់​ជា​ច្រើន​គ្រឿង​មក​ចត​កណ្តាល​ផ្លូវ រួមជាមួយនឹងការបង្កើតបរិយាកាសជុំវិញដោយបញ្ឆេះឡានរោទិ៍ទ្វេដង ដើម្បីបង្កើតផ្សែងចេញមកដែលមើលទៅហាក់ដូចជា ប្រើទឹកកកស្ងួត (Dry Ice) ឬម៉ាស៊ីនផ្សែង ដើម្បីបង្កើតរូបភាពដូចទៅនឹងដុំពពក។