កិច្ច​ប្រជុំ​រវាងរដ្ឋមន្ត្រីការបរទេសចិន​ និង​ជប៉ុន ​ត្រូវ​លុប​ចោលទៅវិញ ​ជុំវិញ​សេចក្តីថ្លែងការណ៍របស់ G7 ពាក់ព័ន្ធនឹងកោះតៃវ៉ាន់

ក្រសួងការបរទេសចិនបាននិយាយថា ជំនួបរវាងរដ្ឋមន្ត្រីការបរទេសចិនលោក Wang Yi និងសមភាគីជប៉ុន ត្រូវលុបចោលទៅវិញ ជុំវិញសេចក្តីថ្លែងការណ៍ដែលចេញផ្សាយដោយ G7 ពាក់ព័ន្ធនឹងបញ្ហានៅតៃវ៉ាន់ នេះបើតាមការចុះផ្សាយរបស់ទីភ្នាក់ងារសារព័ត៌មាន រ៉យទ័រ ។ ជម្រាបដែរថា រដ្ឋមន្ត្រីការបរទេសនៃក្រុមប្រទេស G7 រួមទាំងប្រទេសជប៉ុន បានអំពាវនាវដល់ប្រទេសចិនកាលពីថ្ងៃពុធ ដើម្បីដោះស្រាយភាពតានតឹងជុំវិញច្រកសមុទ្រតៃវ៉ាន់ដោយសន្តិវិធី។