កូរ៉េខាងត្បូងនឹងចាប់ផ្តើមធ្វើសមយុទ្ធរួមគ្នាជាមួយកងកម្លាំងអាមេរិក ចាប់ពីថ្ងៃទី២២ ខែសីហានេះ

យោធាកូរ៉េខាងត្បូងបាននិយាយថា ខ្លួននឹងចាប់ផ្តើមធ្វើសមយុទ្ធរួមគ្នាជាទៀងទាត់ ជាមួយកងកម្លាំងអាមេរិក ចាប់ពីថ្ងៃទី២២ ខែសីហា ដោយសន្មតថា ជាសមយុទ្ធសម្រាប់គ្រាអាសន្ននៅលើឧបទ្វីបកូរ៉េ។ យោធាបាននិយាយកាលពីថ្ងៃអង្គារថា កងទ័ពនឹងត្រូវបានចល័ត សម្រាប់ការធ្វើសមយុទ្ធទ្រង់ទ្រាយធំជាលើកដំបូងក្នុងរយៈពេលប្រហែល ៤ឆ្នាំ និងរហូតដល់ថ្ងៃទី០១ ខែកញ្ញា។ ជម្រាបដែរថា សមយុទ្ធរួមនេះត្រូវបានផ្អាកក្រោមការដឹកនាំរបស់អតីតប្រធានាធិបតីកូរ៉េខាងត្បូងលោក Moon Jae-in បន្ទាប់ពីកិច្ចប្រជុំកំពូលអាមេរិក-កូរ៉េខាងជើងលើកដំបូងក្នុងឆ្នាំ២០១៨។ ក្នុងរយៈពេលប៉ុន្មានឆ្នាំក្រោយមក សមយុទ្ធនេះត្រូវបានកាត់បន្ថយដោយសារតែជំងឺរាតត្បាតនៃមេរោគឆ្លង។