នាយករដ្ឋមន្ត្រីជប៉ុន Kishida Fumio នឹងបន្តផ្តល់ការគាំទ្រដល់អ៊ុយក្រែន ហើយដាក់ទណ្ឌកម្មបន្ថែមលើប្រទេសរុស្ស៊ី
- BY
- Oun Mey
- August 24, 2022
នាយករដ្ឋមន្ត្រីជប៉ុនលោក Kishida Fumio បានបញ្ជាឱ្យរដ្ឋាភិបាលប្រទេសជប៉ុន បន្តផ្តល់ការគាំទ្រដល់អ៊ុយក្រែន និងដាក់ទណ្ឌកម្មលើប្រទេសរុស្ស៊ី ដោយធ្វើការសម្របសម្រួលយ៉ាងជិតស្និទ្ធជាមួយដៃគូនៃប្រទេស G7 ផ្សេងទៀត។ លោក Kishida បានផ្តល់ការណែនាំបែបនេះ នៅក្នុងកិច្ចប្រជុំនៃគណៈរដ្ឋមន្ត្រីពាក់ព័ន្ធនៅថ្ងៃអង្គារ ខណៈលោកត្រូវធ្វើការតាមប្រព័ន្ធអ៉ីនធឺណិត ដោយសារលោកបានវិជ្ជមានជាមួយជំងឺ COVID-19។ ប្រធានខុទ្ទកាល័យលោក Matsuno Hirokazu, រដ្ឋមន្ត្រីការបរទេសលោក Hayashi Yoshimasa, រដ្ឋមន្ត្រីហិរញ្ញវត្ថុលោក Suzuki Shunichi និងរដ្ឋមន្ត្រីសេដ្ឋកិច្ច ពាណិជ្ជកម្ម និងឧស្សាហកម្មលោក Nishimura Yasutoshi សុទ្ធតែស្ថិតក្នុងចំណោមអ្នកដែលបានចូលរួម។
- Share This Post: