ថៃ៖ យោងតាមសារព័ត៌មាន Khaosod ដែលបានចេញផ្សាយកាលពីថ្ងៃទី ៣១ សីហាថា លោក Seree Supharathit ប្រធានមជ្ឈមណ្ឌលសម្រាប់ការប្រែប្រួលអាកាសធាតុ និងគ្រោះមហន្តរាយ សាកលវិទ្យាល័យ Rangsit និងគណៈកម្មាធិការជាតិបង្ការ និងកាត់បន្ថយគ្រោះមហន្តរាយ បានចេញសារ​ឱ្យ​ប្រយ័ត្ន​ក្នុង​អំឡុង​ខែកញ្ញា​ ខែ​តុលា​ និងខែវិច្ឆិកា​ក្នុង​ខែ​ ទាំងបីនេះ ថៃ​នឹង​មាន​ភ្លៀង​ធ្លាក់​ច្រើន​ជាង​មុន ក៏ដូចជាមានរយៈពេលវែងជាង ហើយក៏មិនដឹងថាពេលណាព្យុះនឹងមកដល់នោះទេ។
យោងតាមនាយកដ្ឋានឧតុនិយម តាម​ការ​ព្យាករណ៍​ថា​ឆ្នាំ​នេះ​នឹងមានព្យុះ ​២ទៅ៣​ អាច​ចូល​មក​ដល់​ប្រទេស​ថៃហើយ​អាច​នឹង​មាន​ភ្លៀង​ធ្លាក់​ខ្លាំង ដែលក្នុងរយៈពេល​១០០​ឆ្នាំ​​អាចមានម្តង បើ​ក្រឡេក​ទៅ​មើល​ស្ថានភាព​ភ្លៀង​នៅ​ទីក្រុង​សេអ៊ូល​ប្រទេស​កូរ៉េ​ខាង​ត្បូង​វិញ​គឺ​មានភ្លៀង​ខ្លាំងដែលស្ថិតក្នុង​ឆ្នាំ​ទី៨០​ បែជាមាន​ភ្លៀង​ធ្លាក់​ខ្លាំងទៅវិញ។
គួរបញ្ជាក់អោយដឹងផងដែរថា៖ ទីក្រុងបាងកក កាលពីសម័យដែលឧត្តមសេនីយ Chamlong Srimuang ជាអភិបាលខេត្ត ក៏ធ្លាប់
មានភ្លៀងធ្លាក់ខ្លាំងក្នុងរយៈពេល ១០០ឆ្នាំមានម្តងនេះដែរ ហើយបច្ចុប្បន្ន ឱកាសនៃភ្លៀងបែបនេះគឺខ្ពស់ណាស់ ព្រោះបណ្តាប្រទេសជាច្រើនក្នុងពិភពលោកជួបប្រទះនឹងភ្លៀងធ្លាក់ខ្លាំងខុសពីធម្មតា ដូច្នេះ​ហើយ​ស្ថានភាព​ទឹកជំនន់​ធំ​ដូច​ឆ្នាំ ២០១១ មាន​អត្រា​ខ្ពស់​ ព្រោះតែមាន បរិមាណទឹកភ្លៀងគឺដូចគ្នា។ ប៉ុន្តែ​លក្ខណៈនៃ​ទឹក​ជំនន់​គឺ​ខុស​ពី​ឆ្នាំ​២០១១ ដែល​កើត​ចេញ​ពី​ការ​ជន់​លិច​យ៉ាង​លឿន និង​ការ​បង្ហូរ​ចេញ​ពី​ទំនប់​ធំប៉ុន្តែឆ្នាំនេះមកពីភ្លៀង ខ្សែបន្ទាត់ព្យុះអាចផ្លាស់ទីទៅតំបន់ភូមិភាគកណ្តាលនឹង​ធ្វើ​ឲ្យ​ទឹក​ហូរ​ពេញ​ស្រែ​រហូត​ដល់​ហៀរ​លិច​តំបន់​សេដ្ឋកិច្ចច្រើនឡើង។