នារីរូបម្នាក់ភ្ញាក់ផ្អើលយ៉ាងខ្លាំង ក្រោយសាកល្បងពិនិត្យ DNA ជាមួយមិត្តប្រុសដែលរួមរស់ជាមួយគ្នា៦ឆ្នាំ ទើបដឹងថា ជាបងប្រុសបង្កើត
ស្ត្រីម្នាក់បានបង្ហោះរឿងដ៏គួរឱ្យភ្ញាក់ផ្អើលមួយនៅលើបណ្តាញសង្គម Reddit បន្ទាប់ពីនាងបានដឹងថា មិត្តប្រុសដែលរួមរស់ជាមួយគ្នាអស់រយៈពេល ៦ ឆ្នាំ គឺជាបងប្រុសបង្កើតរបស់នាង ហើយនាងបាននិយាយថា ពិភពលោករបស់នាងលែងដូចមុនតាំងពីពេលនោះមក ដោយនាងបានបញ្ជាក់ថា៖ «នាងទើបតែដឹងថា នាងបានទាក់ទងជាមួយបងប្រុសបង្កើតរបស់នាងអស់រយៈពេល ៦ ឆ្នាំមកហើយ»។
ស្រ្តីម្នាក់នោះដែលមិនបញ្ចេញឈ្មោះបាននិយាយថា៖ នាងគ្រាន់តែដឹងថា នាងត្រូវបានគេយកមកចិញ្ចឹមជាកូនចិញ្ចឹមតាំងពីនៅតូច ហើយនាងទើបតែដឹងការពិតថាជាកូនចិញ្ចឹមនៅពេលរៀននៅវិទ្យាល័យ ដូចទៅនឹងមិត្តប្រុសរបស់នាងដែលត្រូវបានគេយកមកចិញ្ចឹមដែរ ហើយនេះគឺជាអ្វីដែលភ្ជាប់ទាំងពីរនៅពេលដែលសេពគប់គ្នាពីដំបូង។ ដោយនៅក្នុងអំឡុងពេលនៃទំនាក់ទំនង អ្នកទាំងពីរមានអាកប្បកិរិយាដូចទៅនឹងគូស្នេហ៍ដ៏ទៃធម្មតាគឺ មានការរួមភេទ ប្រារព្ធខួបកំណើតអោយគ្នា និយាយថាស្រឡាញ់គ្នា និងបានទៅជួបគ្រួសារគ្នាទៅវិញទៅមក ថែមទាំងមានមតិដូចគ្នាថាមិនចង់មានកូនផងដែរ។
នៅទីបំផុតនាងក៏បានបង្ហាញលទ្ធផលនៃការធ្វើតេស្ត DNA ដល់មិត្តប្រុសរបស់នាង ដោយគាត់មានការភ្ញាក់ផ្អើលយ៉ាងខ្លាំង ប៉ុន្តែគាត់ព្យាយាមរក្សាភាពស្ងប់ស្ងាត់ ដោយសារតែពួកគេនៅតែមិនចង់ផ្លាស់ប្តូរ ឬធ្វើការសម្រេចចិត្តធំដុំមួយនោះ រហូតទាល់តែយើងទៅធ្វើតេស្តយ៉ាងច្បាស់លាស់ជាមួយគ្នាម្តងទៀត ហើយឥឡូវនេះនាងនៅតែដេកក្បែរគាត់ដោយអារម្មណ៍ចម្លែកៗ៕
អត្ថបទ៖ Bee
ប្រភព៖ ladbible