រងរបួសចំនួន ១៥នាក់ និងបាត់បង់ជីវិត ១០នាក់ នៅក្នុងការវាយប្រហារដោយកាំបិតនៅក្នុងប្រទេសកាណាដា

ប៉ូលិសកាណាដា កាលពីថ្ងៃអាទិត្យបាននិយាយថា ការចាក់សម្លាប់ជាបន្តបន្ទាប់នៅសហគមន៍ជនជាតិដើម (First Nation) និងនៅក្នុងទីក្រុងក្បែរនោះមួយទៀត នៅក្នុងខេត្ត Saskatchewan របស់ប្រទេសកាណាដា បានបណ្តាលឱ្យមនុស្ស ១០ នាក់ស្លាប់ និង ១៥ នាក់រងរបួស ហើយឥឡូវនេះ ប៉ូលីសកំពុងស្វែងរកជនសង្ស័យចំនួន ២នាក់ ដែលកំពុងគេចខ្លួន។ ប៉ូលិសបាននិយាយថា ការចាក់សម្លាប់នេះ បានកើតឡើងនៅទីតាំងជាច្រើននៅលើតំបន់ James Smith Cree Nation និងនៅក្នុងភូមិ Weldon ភាគឦសាននៃខេត្ត Saskatoon ។