កម្មវិធីសម្រាប់ Jailbreak iOS ដ៏ល្បី នឹងបិទដំណើរការមុនដាច់ឆ្នាំនេះ ដោយសារតែបញ្ហា….

រាប់ឆ្នាំមកហើយដែល Cydia បានក្លាយជាគោលដៅល្អបំផុតសម្រាប់ការ iOS ដែល jailbreak ប៉ុន្តែយ៉ាងណាមិញពេលនេះ App store របស់ Cydia បានបិទដំណើរការរបស់ខ្លួនជាផ្លូវការហើយ។ អ្នកប្រើប្រាស់នឹងអាចចូលទាញយកកម្មវិធីដែលមានស្រាប់តាមរយៈ store និងដំណើរការការទិញតាមរយៈ third-parties ប៉ុន្តែចាប់ពីសប្តាហ៍ក្រោយនេះ អ្នកប្រើប្រាស់នឹងមិនអាចទិញ ឬទាញយកកម្មវិធីតាមរយៈ Cydia store នេះបានទេ។

ស្ថាបនិក Cydia លោក Jay «Saurik» Freeman បានបង្ហាញព័ត៌មានតាមរយៈការប្រកាសនៅលើទំព័រ Reddit នៅសប្តាហ៍នេះថា អ្នកប្រើប្រាស់ត្រូវតែលុបគណនី PayPal ចេញពី Cydia’s Profile របស់ពួកគេ។ លោក Freeman បានមានប្រសាសន៍បន្តថា លោកនឹងបិទដំណើរការ Cydia ឱ្យបានមុនដាច់ឆ្នាំនេះតែម្តង ព្រោះវាបានធ្វើឱ្យគាត់ខាតបង់លុយជាច្រើន ហើយអ្នកប្រើប្រាស់ជាច្រើនបានស្អប់គាត់ដោយសារភាពយល់ច្រឡំ ខណៈដែលលោកត្រូវដោះស្រាយជុំវិញបញ្ហា Cydia និង Paypal ដែលថាអ្នកប្រើប្រាស់បានបាត់បង់លុយរបស់ពួកគេតាមរយៈ Paypal ដែលពួកគេភ្ជាប់ទៅក្នុង Cydia’s Profile របស់ពួកគេនេះ។

គួរឱ្យដឹងផងដែរថា Cydia ត្រូវបានចាប់ផ្តើមកាលពី ១០ឆ្នាំមុន បន្ទាប់ពីទូរស័ព្ទ iPhone ដំបូងត្រូវបាន jailbroken។ សេវានេះបានផ្តល់ជូនអ្នកប្រើប្រាស់នូវមធ្យោបាយដើម្បីរារាំងការចាក់សោររបស់ App Store របស់ក្រុមហ៊ុន Apple និងបានបង្កើតឱ្យមានការគាំទ្រដ៏ខ្លាំងក្លានៅក្នុងដំណើរការនេះ។ យ៉ាងណាក៏ដោយប្រជាប្រិយភាព jailbreaking បានធ្លាក់ចុះយ៉ាងខ្លាំងប៉ុន្មានឆ្នាំមកនេះ។ ស្ថាបនិករបស់ Cydia នៅមិនទាន់អាចបញ្ជាក់ឱ្យបានច្បាស់អំពីដំណើរការនៃកម្មវិធីនេះនាពេលអនាគតនោះឡើយ ប៉ុន្តែលោកនឹងមានការប្រកាសអំពីបញ្ហានេះនៅសប្តាហ៍ក្រោយបន្ថែម៕

អត្ថបទ៖ លីដា
ប្រភព៖ techcrunch