យោងតាមរយៈសារព័ត៌មាន ChanelnewsAsia បានរាយការណ៍កាលពីថ្ងៃទី ១៥ កញ្ញា បានអោយដឹងថា៖ គេហទំព័រ earthobservatory របស់រដ្ឋបាល​អាកាសចរណ៍ និង​អវកាស​ជាតិ​អាមេរិក ឬ (NASA) បាន​បញ្ចេញ​រូបថត​ដ៏​គួរ​ឲ្យ​រន្ធត់​នៃ​ព្យុះទីហ្វុង Mui Fah ខណៈ​កំពុង​រំកិល​ទៅ​កម្ទេចទីក្រុង​សៀងហៃ ដែលជាទីក្រុងធំបំផុតរបស់ប្រទេសចិន និងកំពង់ផែជាច្រើននៅឆ្នេរសមុទ្រភាគខាងកើតរបស់ប្រទេសចិនកាលពីថ្ងៃទី ១៤ ខែកញ្ញាឆ្នាំ ២០២២ តាមម៉ោងនៅសហរដ្ឋអាមេរិក។ គួរបញ្ជាក់អោយដឹងថា៖ នេះជាលើកទី២ហើយ ដែលព្យុះទីហ្វុង Mui Fa បានបោកបក់មកលើកោះ Zhoushan នៅខេត្ត Zhejiang នៅភាគខាងកើតប្រទេសចិនជាលើកដំបូង។
ចំណែកទូរទស្សន៍រដ្ឋចិន CCTV បានរាយការណ៍ថា៖ ទីភ្នាក់ងារឧតុនិយមជាតិបានបន្ទាបកម្រិតនៃឥទ្ធិពលនៃព្យុះទីហ្វុង Mui Fa ទៅជាព្យុះត្រូពិចនៅថ្ងៃនេះ បន្ទាប់​ពី​ព្យុះ Mui Fah បាន​រំកិល​ចូល​ច្រាំង​ក្នុង​ទីក្រុង​សៀងហៃ ដែលជា​ទីក្រុង​ដ៏ធំ​មួយ​ដែល​មាន​ប្រជាជន​រស់នៅ​យ៉ាង​ក្រាស់ក្រែល​នៅ​ភាគ​ខាងកើត​ប្រទេស​ចិន។