មេដឹកនាំលោកខាងលិចភ័យខ្លាច ប្រធានាធិបតីពូទីនប្រើអាវុធនុយក្លេអ៊ែរតបតវិញ ក្រោយសង្គ្រាមឈ្លានពានអ៊ុយក្រែនមិនបានសម្រេចតាមគោលដៅ
- BY
- Oun Mey
- September 30, 2022
នេះបើតាមការចុះផ្សាយរបស់សារព័ត៌មាន Daily Mail នៅថ្ងៃទី២៩ ខែកញ្ញា ឆ្នាំ២០២២ បានអោយដឹងថា៖ មេដឹកនាំលោកខាងលិចមានការព្រួយបារម្ភទៅលើ ប្រធានាធិបតីរុស្ស៊ី លោក វ្ល៉ាឌីមៀ ពូទីន កំពុងរៀបចំផែនការសងសឹកដ៏ធំ។ ជុំវិញករណីដែលសង្គ្រាមរុស្ស៊ីនៅអ៊ុយក្រែនមិនបានសម្រេចតាមគោលដៅ ដោយការប្រើប្រាស់អាវុធនុយក្លេអ៊ែរ ឬការវាយប្រហារផលប្រយោជន៍របស់ប្រជាជាតិអឺរ៉ុប។ ជាមួយគ្នានេះដែរ បណ្តាអ្នកស៊ើបការណ៍អង់គ្លេស និងអាមេរិកជឿលើការស៊ើបការណ៍សម្ងាត់ដែលអាចទុកចិត្តបានបង្ហាញថា៖ លោកប្រធានាធិបតីពូទីនកំពុងរៀបចំវាយប្រហារលោកខាងលិចដើម្បីបង្វែរសង្រ្គាមទៅតាមការពេញចិត្តរបស់គាត់ទៅវិញ បន្ទាប់ពីបានដឹងថាសង្រ្គាមនៅអ៊ុយក្រែនដែលបានកើតឡើងជាងប្រាំពីរខែគឺជាកំហុសដ៏ធំមួយ។
- Share This Post: