អតីតនាយករដ្ឋមន្ត្រីម៉ាឡេស៊ី មហាធៀ ម៉ូហាម៉ាដ នឹងឈរឈ្មោះក្នុងការបោះឆ្នោតជ្រើសរើសតំណាងរាស្ត្រនៅក្នុងវ័យ ៩៧ឆ្នាំ
- BY
- Oun Mey
- October 12, 2022
លោក Mahathir Mohamad (មហាធៀ ម៉ូហាម៉ាដ) អតីតនាយករដ្ឋមន្ត្រីម៉ាឡេស៊ី ដែលមានអាយុ ៩៧ឆ្នាំ ទៅហើយនោះ បានប្រកាសថា លោកនឹងឈរឈ្មោះក្នុងការបោះឆ្នោតសកលនាពេលខាងមុខ។ លោក Mahathir បានប្រាប់អ្នកសារព័ត៌មានកាលពីថ្ងៃអង្គារថា លោកនឹងការពារអាសនៈរបស់លោកនៅក្នុងមណ្ឌលបោះឆ្នោតភាគខាងជើង ក្នុងនាមជាបេក្ខជននៃសម្ព័ន្ធភាពប្រឆាំងមួយ។ ការបោះឆ្នោតមួយនឹងធ្វើឡើងនៅដើមខែវិច្ឆិកា បន្ទាប់ពីនាយករដ្ឋមន្ត្រីលោក Ismail Sabri Yaakob បានរំលាយសភាកាលពីថ្ងៃចន្ទ។ លោក Mahathir បានបម្រើការជានាយករដ្ឋមន្ត្រីអស់រយៈពេល ២២ឆ្នាំ ចាប់ពីឆ្នាំ១៩៨១ ហើយបានដឹកនាំការអភិវឌ្ឍន៍សេដ្ឋកិច្ចរបស់ប្រទេសជាច្រើន។
- Share This Post: