លម្អិតករណីអគ្គិភ័យ ឆាបឆេះនៅរោងចក្រដេរសម្លៀកបំពាក់មួយកន្លែង ស្ថិតនៅសង្កាត់ទឹកថ្លា ខណ្ឌសែនសុខ

រាជធានីភ្នំពេញ៖ (ព័ត៌មានលម្អិត) យោងតាមការចុះផ្សាយរបស់ នាយកដ្ឋាននគរបាលបង្ការពន្លត់អគ្គិភ័យនិងសង្គ្រោះ បានឱ្យដឹងថា នៅវេលាម៉ោង ១២៖០០ នាទីថ្ងៃត្រង់ ថ្ងៃអាទិត្យ ៦កើត ខែកត្តិក ឆ្នាំខាល ចត្វាស័ក ព.ស ២៥៦៦ ត្រូវនឹងថ្ងៃទី៣០ ខែតុលា ឆ្នាំ២០២២ មានករណីអគ្គិភ័យមួយកន្លែងបានកើតឡើងនៅរោងចក្រដេរសម្លៀកបំពាក់ ស៊ីនវៃជា ដែលស្ថិតនៅផ្លូវ ១១ ក្រុម៤ ភូមិចុងថ្នុលខាងលិច សង្កាត់ទឹកថ្លា ខណ្ឌសែនសុខ រាជធានីភ្នំពេញ ម្ចាស់ទីតាំងឈ្មោះ ចិន អ៊ីឡាន ភេទ ស្រី អាយុ ៤៣ ឆ្នាំ ជនជាតិ ចិន មុខរបរ ម្ចាស់រោងចក្រ។

– មូលហេតុ៖ កំពុងបន្តការស្រាវជ្រាវ ។
– ប្រភេទសំណង់៖ ថ្មបេតុងប្រក់ស័ង្កសីទំហំ ១៨០០ ម៉ែត្រការ៉េ ។
– ខូចខាតសម្ភារ៖ ឆេះម៉ាស៊ីនដេរចំនួន ៣២ គ្រឿង ឆ្នាំងអ៊ុតចំនួន ០៨ គ្រឿង និងក្រណាត់អស់មួយចំនួន នឹងពុំបានរាលដាលដល់អ្នកក្បែរខាងឡើយ ។
– ស្លាប់មនុស្ស : គ្មាន ។
– របួសមនុស្ស: គ្មាន ។

+ កងកម្លាំងអន្តរាគមន៍បង្ការពន្លត់អគ្គិភ័យ និងសង្គ្រោះ បានប្រើប្រាស់រថយន្តការិយាល័យអគ្គិភ័យ៖ ចំនួន ១៩ គ្រឿង ប្រើប្រាស់ទឹកអស់ចំនួន ១៩ រថយន្ត ស្មើរនឹង ៧៦ ម៉ែត្រគូប ។
– រថយន្តជំនួយអន្តរាគមន៍
– រថយន្តកងពលតូច ង៧០ ចំនួន ០៤ គ្រឿង ពុំបានប្រើប្រាស់ទឹក ។
– រថយន្តក្រុមហ៊ុនស្រាបៀរកម្ពុជាចំនួន ០១ គ្រឿង ប្រើប្រាស់ទឹកអស់ចំនួន ០១ រថយន្ត ស្មើរនឹង ០៦ម៉ែត្រគូប។
– ពន្លត់ចប់ ៖ នៅវេលាម៉ោង ១៣:០០ នាទីថ្ងៃត្រង់ ថ្ងៃខែឆ្នាំដដែល៕

ប្រភព៖ នាយកដ្ឋាននគរបាលបង្ការពន្លត់អគ្គិភ័យនិងសង្គ្រោះ នៃអគ្គស្នងការដ្ឋាននគរបាលជាតិ