ក្រសួងសុខាភិបាល ស្រាវជ្រាវរកឃើញផលិតផលឈ្មោះ Yong Liang មានសារធាតុឱសថសម័យ Diclofenac Sodium ដែលអាចបណ្តាលឲ្យគ្រោះថ្នាក់ដល់អាយុជីវិត

រាជធានីភ្នំពេញ៖ យោងតាមការចុះផ្សាយរបស់ ក្រសួងសុខាភិបាល នៅថ្ងៃទី៣១ ខែតុលា ឆ្នាំ២០២២ បានចេញសេចក្តីជូនព័ត៌មាន ស្តីពីការស្រាវជ្រាវរកឃើញផលិតផលឈ្មោះ Yong Liang (យ៉ុង លាំង) មានសារធាតុឱសថសម័យ Diclofenac Sodium ។

ក្រសួងសុខាភិបាល បានទទួលប្រព្រឹត្តិប័ត្រភាគគុណភាពពីមជ្ឈមណ្ឌលជាតិ ពិសោធន៍សុខាភិបាល ដែលបានបញ្ជាក់អំពីផលិតផលឈ្មោះ Yong Liang (យ៉ុង លាំង)គ្មានលេខបញ្ជិកា និងមានសារធាតុឱសថសម័យ Diclofenac Sodium ដែលមានសារធាតុនេះត្រូវប្រើប្រាស់ក្នុងកម្រិតច្បាស់លាស់ មានរយៈពេលកំណត់ក្នុងការប្រើ និងការប្រុងប្រយ័ត្ន ហើយមានបុគ្កលមួយចំនួនមិនអនុញ្ញាតឱ្យប្រើប្រាស់ទៀតផល។

ក្រសួងសុខាភិបាល សូមជូនព័ត៌មានដល់បងប្អូនប្រជាពលរដ្ឋទាំងអស់មិនត្រូវទិញ និងប្រើប្រាស់ផលិតផលឈ្មោះ Yong Liang នេះឡើយ ព្រោះផលិតផលនេះ អាចបណ្ដាលឱ្យប៉ះពាល់ដល់សុខភាពធ្ងន់ធ្ងរ ឬឈានដល់ការបាត់បង់អាយុជីវិតទៀតផង។

បន្ទាប់ពីការផ្សព្វផ្សាយសេចក្ដីជូនព័ត៌មានផលិតផលខាងលើនេះរួចហើយ បើសិនមានម្ចាស់គណនីបណ្ដាញសង្គមហ្វេសប៊ុ និងជនពាក់ព័ន្ធណាមួយនៅតែបន្តនាំចូល ចែកចាយ ឬផ្សព្វផ្សាយលក់ ផលិតផលខាងលើនេះ ជាបន្តទៀតនឹងត្រូវទទួលទោសបញ្ញត្តិតាមច្បាប់ជាធរមាន ៕

ប្រភព៖ ក្រសួងសុខាភិបាលនៃព្រះរាជាណាចក្រកម្ពុជា