តុលាការក្នុងប្រទេសអ៊ីរ៉ង់ បានកាត់ទោសប្រហារជីវិតជាលើកដំបូងទៅលើបាតុករប្រឆាំងរដ្ឋាភិបាល
- BY
- Oun Mey
- November 16, 2022
តុលាការក្នុងប្រទេសអ៊ីរ៉ង់បានកាត់ទោសប្រហារជីវិតជាលើកដំបូង ពាក់ព័ន្ធទៅនឹងបាតុករប្រឆាំងរដ្ឋាភិបាលរបស់ខ្លួន។ គួររំលឹកផងដែរថា ការតវ៉ានៅក្នុងប្រទេសនេះកាន់តែអូសបន្លាយទៅៗ ចាប់តាំងពីការស្លាប់របស់ស្ត្រីម្នាក់ឈ្មោះថា Mahsa Amini នៅក្នុងខែកញ្ញា នៅពេលដែលប៉ូលិសសីលធម៌បានចាប់ខ្លួននាង ក្រោមការចោទប្រកាន់ថា ការស្លៀកពាក់ និងរំក្បាលរបស់នាង គឺមិនត្រឹមត្រូវតាមច្បាប់។ តុលាការបដិវត្តន៍បានរកឃើញថា អ្នកតវ៉ាម្នាក់នោះបានដុតអគាររដ្ឋាភិបាល ហើយគេមានពិរុទ្ធពីបទរំលោភលើសន្តិភាព និងសណ្តាប់ធ្នាប់សាធារណៈ។ ជនជាប់ចោទត្រូវបានរាយការណ៍ថា មានសិទ្ធិប្តឹងឧទ្ធរណ៍លើការកាត់ទោសនេះ។
- Share This Post: