ទុស្សេខ្សែភ្លើង បង្កជាអគ្គិភ័យលេបត្របាក់ផ្ទះប្រជាពលរដ្ឋចំនួន ២ខ្នង ក្នុងស្រុកចំនួន២ នៅខេត្តកណ្តាល

ខេត្តកណ្ដាល៖ យោងតាមការចុះផ្សាយរបស់ នាយកដ្ឋាននគរបាលបង្ការពន្លត់អគ្គិភ័យនិងសង្គ្រោះ
នៅថ្ងៃពុធ ៨រោច ខែកត្តិក ឆ្នាំខាល ចត្វាស័ក ពុទ្ធសករាជ ២៥៦៦ ត្រូវនឹងថ្ងៃទី១៦ ខែវិច្ឆិកា ឆ្នាំ២០២២ មានករណីអគ្គិភ័យឆេះផ្ទះបងប្អូនប្រជាពលរដ្ឋចំនួន០២ខ្នង ក្នុងស្រុកចំនួន០២។

+ ទី១៖ ស្រុកលើកដែក មានករណីភ្លើងឆេះផ្ទះ០១ខ្នង នៅចំនុចភូមិព្រែកបាក់ ឃុំព្រែកទន្លាប់ ស្រុកលើកដែក ខេត្តកណ្តាលវេលា ម៉ោង ១៣៖៥០ នាទី ម្ចាស់ផ្ទះរងគ្រោះឈ្មោះ គង់ លន់ ភេទស្រី អាយុ ៧៥ ឆ្នាំ មុខរបរធ្វើចំការ មានទីលំនៅភូមិព្រែកបាក់ ឃុំព្រែកទន្លាប់ ស្រុកលើកដែក ខេត្តកណ្តាល។
– ប្រភេទសំណង់: សង់ពីសសរបេតុង ជញ្ជាំងស័ង្កសី ដំបូលប្រក់ស័ង្កសីទំហំ ៤,៥០x៥,៥០ ម៉ែត្រ ឆេះខូចខាតទាំងស្រុង។

+ សម្ភារខូចខាតរួមមាន៖
– ទូរទស្សន៍ចំនួន ០១ គ្រឿង
– អង្ករចំនួន ០១ បេ
– លុយដុល្លារចំនួន ៨០០ ដុល្លារ
– ទូឈើសំលៀកបំពាក់ចំនួន ០១
– គ្រែឈើចំនួន ០១ ។
– ឯកសារ សៀវភៅគ្រួសារ សៀវភៅស្នាក់នៅ សំបុត្របញ្ជាក់កំណើត អត្តសញ្ញាណប័ណ្ណ និង ឯកសារមួយចំនួនទៀត។

+ មូលហេតុ៖ បណ្តាលមកពីឆ្លងចរន្តអគ្គិសនី (ទុស្សេខ្សែភ្លើង)។
+ កងកម្លាំងអន្តរាគមន៍បង្ការពន្លត់អគ្គិភ័យ និងសង្គ្រោះ បានប្រើប្រាស់រថយន្តពន្លត់អគ្គិភ័យរបស់អធិការដ្ឋាននគរបាលស្រុកលើកដែកចំនួន ០១ គ្រឿង ប្រើប្រាស់អស់ទឹកចំនួន ០២ រថយន្ត និងបានពន្លត់ចប់នៅវេលាម៉ោង ១៥៖០០ នាទី។

+ ទី២៖ ស្រុកកណ្តាលស្ទឹង មានករណីភ្លើងឆេះផ្ទះ០១ខ្នង នៅចំនុចភូមិស្លែង ឃុំត្រពាំងវែង ស្រុកកណ្តាលស្ទឹង ខេត្តកណ្តាលវេលា ម៉ោង ១៤៖១៥ នាទីរសៀល ម្ចាស់ផ្ទះរងគ្រោះឈ្មោះ ក្រេម ថា ភេទប្រុស អាយុ ៥៨ ឆ្នាំ រស់នៅភូមិស្លែង ឃុំត្រពាំងវែង ស្រុកកណ្តាលស្ទឹង ខេត្តកណ្តាល ប្រពន្ធឈ្មោះ គាំ ម៉ាច ភេទស្រី អាយុ ៥៧ឆ្នាំ ។
+ ប្រភេទសំណង់៖ ផ្ទះមួយខ្នងមានទំហំ ៦×៨ ម៉ែត្រ ថ្មក្រោមឈើលើប្រកក្បឿង តសំយ៉ាបស័ង្កសី។
+ សម្ភារខូចខាតរួមមាន៖
– ប្រាក់ដុល្លារចំនួន ៣០០ ដុល្លារ
– ប្រាក់រៀលចំនួន ២.៦០០.០០០ រៀល
– មាស ០១ តម្លឹង
– ផ្លាកទីន ២តម្លឹង ២ជី
– ប្លង់ដីផ្ទះមួយសន្លឹក
– ម៉ូតូស៊ូមឺ ០១ គ្រឿង និងសម្ភារប្រើប្រាស់ក្នុងផ្ទះមួយចំនួន។

+ មូលហេតុ បណ្តាលមកពីឆ្លងចរន្តអគ្គិសនី (ទុស្សេខ្សែភ្លើង)។
+ កងកម្លាំងអន្តរាគមន៍បង្ការពន្លត់អគ្គិភ័យ និងសង្គ្រោះ បានប្រើប្រាស់រថយន្តពន្លត់អគ្គិភ័យរបស់កងអង្គរក្សចំនួន ០២ គ្រឿង បានរលត់អស់នៅវេលាម៉ោង ១៥៖៣០ នាទីរសៀល។
+ ករណីខាងលើនេះមិនបណ្ដាលឲ្យឆាបឆេះរាលដាលដល់ផ្ទះអ្នកដទៃនិងអាយុជីវិតមនុស្សសត្វឡើយ៕

ប្រភព៖ នាយកដ្ឋាននគរបាលបង្ការពន្លត់អគ្គិភ័យនិងសង្គ្រោះ នៃអគ្គស្នងការដ្ឋាននគរបាលជាតិ