នៅខែកុម្ភៈ ឆាប់ៗខាងមុខនេះ កំពូលស្មាតហ្វូនរបស់ក្រុមហ៊ុនកូរ៉េ គឺ Galaxy S10 និង S10 Plus នឹងប្រកាសជាផ្លូវការហើយនៅថ្ងៃទី ២០ ខែកុម្ភៈ ២០១៩។ តែយ៉ាងណាមិញ រូបភាពបែកធ្លាយនៅតែមានការលេចចេញមកជាបន្តបន្ទាប់ ហើយលើកនេះផងដែរក៏មានរូបភាពផ្នែកខ្នងខាងក្រោយរបស់ Galaxy S10 និង S10 Plus នៅលើបណ្ដាញសង្គម Twitter ផងដែរ ។

តែអ្វីដែលយើងចាប់អារម្មណ៍នៅក្នុងរូបភាបបែកធ្លាយនេះ​ យើងឃើញមានស្មាតហ្វូនរហូតដល់ទៅបីម៉ូឌែលឯណោះ ដែលនៅលើគណនីដែលបានបង្ហោះរូបភាពនៅបានសរសេរថា Samsung Galaxy S10E , S10, S10+ ដូចយើងបានឃើញហើយ ក្នុងរូបភាព Galaxy S10E មានកាមេរ៉ាខាងក្រោយពីរគ្រាប់ តែមិនមានទ្រនាប់ស្កេនក្រយ៉ៅដៃនោៈទេ ហើយម៉ូឌែល S10, S10 Plus គឺមានកាមេរ៉ាក្រោយដល់ទៅបីគ្រាប់ ហើយក៏មិនមានទ្រនាប់ស្កេនក្រយ៉ៅដៃដូចគ្នា ហើយវាក៏មិនបានបង្ហាញច្បាស់ថាត្រកូល S10 ទាំងបីនេះប្រើប្រាស់ទ្រនាប់ស្កេនក្រយ៉ៅដៃលើអេក្រង់នោះដែរ ។ ពាក្យចចាមអារ៉ាមបាននិយាយថា Galaxy S10E មានអេក្រង់ 5.8 អ៊ីញ ចំណែក S10 មានអេក្រង់ 6.1 អ៊ីញ និង S10 PLus មានអេក្រង់ 6.4 អ៊ីញ ។ តែយ៉ាងណា វានៅសល់តែមួយខែទៀតតែប៉ុណ្ណោះរូបរាងពិតប្រាកដនឹងបង្ហាញខ្លួនជាផ្លូវការហើយ៕

អត្ថបទ៖ ឧស្សាហ៍
ប្រភព៖ gsmarena