រយៈពេល៣ថ្ងៃ! រដ្ឋាករទឹកស្វយ័តក្រុងភ្នំពេញ ដឹកជញ្ជូនទឹកស្អាតផ្គត់ផ្គង់នៅតំបន់ខ្វះខាតចំនួន ៧ទីតាំង ប្រើប្រាស់ឡានទឹកសរុប ៣៤គ្រឿង

រាជធានីភ្នំពេញ៖ នៅថ្ងៃទី២៩ ខែមីនា ឆ្នាំ២០២៣ យោងតាមការចុះផ្សាយរបស់ រដ្ឋាករទឹកស្វយ័តក្រុងភ្នំពេញ បានឱ្យដឹងថា ក្នុងបរិការណ៍ខ្វះខាតទឹកផ្គត់ផ្គង់ជូនប្រជាពលរដ្ឋក្នុងរាជធានីភ្នំពេញ និងក្រុងតាខ្មៅ រដ្ឋាករទឹកស្វយ័តក្រុងភ្នំពេញ បានដាក់ចេញនូវវិធានការណ៍ដឹកជញ្ជូនទឹកស្អាតទៅផ្គត់ផ្គង់នៅតំបន់ដែលជួបប្រទះបញ្ហាខ្វះទឹក ដោយបានសហការជាមួយសាលារាជធានីភ្នំពេញ។

ដោយគិតចាប់ពីថ្ងៃទី២៦ ដល់ទី២៨ ខែមីនា ឆ្នាំ២០២៣ ក្រុមការងារបានប្រើប្រាស់រថយន្តពន្លត់អគ្គិភ័យដឹកជញ្ជូនទឹកស្អាតទៅផ្គត់ផ្គង់នៅតំបន់ខ្វះខាតទឹកចំនួន ៧ទីតាំង ដែលមានដូចខាងក្រោម៖

១. ភូមិព្រៃទា១ ៦ឡាន ២១ម៣
២. ភូមិត្រពាំងអញ្ចាញ ១០ឡាន ៣៤ម៣
៣. ភូមិឡកំបោរ ៧ឡាន ២៨ម៣
៤. ភូមិអណ្តូងតាអន ២ឡាន ២០ម៣
៥. ភូមិព្រែកធំ ២ឡាន ១៤ម៣
៦. បុរីឈូកវ៉ា ១ ៤ឡាន ២៦ម៣
៧. ភូមិព្រៃពពេល ៣ឡាន ២៥ម៣ ៕

ប្រភព៖ រដ្ឋាករទឹកស្វយ័តក្រុងភ្នំពេញ Phnom Penh Water Supply Authority