រថយន្តលុចស៊ីស 570 ថយចេញពីធនាគារ ជ្រុលបុកកង់បី បណ្តាលឱ្យអ្នកបើកកង់បីរងរបួស បញ្ជូនទៅមន្ទីរពេទ្យ

រាជធានីភ្នំពេញ៖ យោងតាមការចុះផ្សាយរបស់ អគ្គស្នងការដ្ឋាននគរបាលជាតិ បានឱ្យដឹងថា នៅថ្ងៃទី០៣ ខែមេសា ឆ្នាំ២០២៣ វេលាម៉ោង៩៖២០នាទី មានករណីគ្រោះថ្នាក់ចរាចរណ៍ មួយកើតឡើង នៅចំណុចផ្លូវព្រះមុនីវង្ស សង្កាត់បឹងកេងកងទី១ ខណ្ឌបឹងកេងកង។

សមត្ថកិច្ច បានឲ្យដឹងថា រថយន្តម៉ាកលុចស៊ីស 570 ពណ៌ស្ករ ពាក់ស្លាកលេខ ភ្នំពេញ 2AT-8288 បានបើកថយចេញពីធនាគារស្ថាបនា ក៏បានជ្រុលទៅបុកកង់បីពណ៌ស ពាក់ស្លាកលេខភ្នំពេញ 1HZ-9549 ដែលកំពុងបើកលើ ផ្លូវព្រះមុនីវង្ស បណ្តាលអោយអ្នកបើកកង់បីរងរបួស បញ្ជូនទៅមន្ទីរពេទ្យ។

សមត្ថកិច្ចបន្តថា សម្ភារខូចខាត៖ រថយន្ត ខូចខាត, ខូចខាតទ្រូងផ្លូវ, អ្នកបើកបរកង់បីរបួស។ មូលហេតុ៖ អ្នកបើកបរខ្វះការប្រុងប្រយ័ត្ន។ អ្នកបើកបររថយន្តព្រមទាំងរថយន្ត ខាងលើប្រគល់ជូនទៅជំនាញចរាចរណ៍ស្នងការដ្ឋាននគរបាលរាជធានីភ្នំពេញ ៕

ប្រភព៖ អគ្គស្នងការដ្ឋាននគរបាលជាតិ- General Commissariat of National Police