ខេត្តព្រះសីហនុ៖ យោងតាមការចុះផ្សាយរបស់ នាយកដ្ឋាននគរបាលបង្ការពន្លត់អគ្គិភ័យ និងសង្គ្រោះបានឱ្យដឹងថា កាលពីយប់ថ្ងៃទី១៨ ខែឧសភា ឆ្នាំ២០២៣ វេលាម៉ោង ១២៖៣០ នាទីយប់ មានករណីឆេះរថយន្តមួយគ្រឿងម៉ាក Range Rover ពាក់ស្លាកលេខភ្នំពេញ ២BB ៣៧៨៧ ដែលមានម្ចាស់រថយន្តឈ្មោះ ផន សុភា ជនជាតិ ខ្មែរ រស់នៅភ្នំពេញ និងអ្នកបើកបររថយន្តឈ្មោះ Ren Houan ជាជនជាតិ ចិន (អ្នកជួលរថយន្ត) ដែលស្ថិតក្នុងចំនុច ភូមិ ៦ សង្កាត់លេខ៤ ក្រុងព្រះសីហនុ ខេត្តព្រះសីហនុ ។

តាមការឆ្លើយបំភ្លឺរបស់អ្នកបើកបររថយន្ត មូលហេតុបណ្តាលមកពីឆ្លងចរន្តប្រព័ន្ធភ្លើងក្នុងរថយន្ត។ ការខូចខាតរួមមានរថយន្តចំនួន០១គ្រឿងឆេះអស់ទាំងស្រុង។

កងកម្លាំងអន្តរាគមន៍បង្ការពន្លត់អគ្គិភ័យ និងសង្គ្រោះ បានចេញរថយន្តពន្លត់អគ្គិភ័យចំនួន ០១ គ្រឿង រថយន្តរបស់ស្នងការដ្ឋាននគរបាលខេត្តព្រះសីហនុ ដែលបានប្រើប្រាស់ទឹកអស់ចំនួន ០២ រថយន្ត។ រថយន្តរបស់កងរាជអាវុធហត្ថខេត្តចំនួន ០១ គ្រឿង ប្រើប្រាស់ទឹកអស់ចំនួន ០១ រថយន្ត ៕

ប្រភព៖ នាយកដ្ឋាននគរបាលបង្ការពន្លត់អគ្គិភ័យនិងសង្គ្រោះ នៃអគ្គស្នងការដ្ឋាននគរបាលជាតិ